चीनवर मंदीचे सावट, दिसतायेत ही लक्षणे, अमेरिकेसह जगभरात होणार परिणाम!

चीनमध्ये 2008 सारखी मंदीची लक्षणे दिसू लागली आहेत. चीनमधील रिअल इस्टेट क्षेत्राचा निर्देशांक दोन वर्षांत 82 टक्क्यांपर्यंत घसरला आहे. अमेरिकेसोबतचा तणाव शिगेला पोहोचला असून, शेअर बाजारातील परिस्थिती दिवसेंदिवस बिकट होत चालली आहे. त्यामुळे आता चीन जागतिक अर्थव्यवस्थेला मंदीच्या दिशेने नेत आहे का? असा प्रश्न निर्माण होत आहे.

अमेरिकेनंतर जगभरातील दुसऱ्या क्रमांकाची अर्थव्यवस्था असलेल्या चीनमध्ये सर्व काही ठीकठाक नसल्याचे पाहायला मिळत आहे. चीनमध्ये 2008 सारखी मंदीची लक्षणे दिसू लागली आहेत. गेल्या दोन दिवसांत चीनने अर्थव्यवस्थेला चालना देण्यासाठी 2020 च्या लॉकडाऊनसारख्या उत्तेजनांची घोषणा केली आहे. चीनमधील रिअल इस्टेट निर्देशांक दोन वर्षांत 82 टक्के घसरला आहे.

1999 नंतरची सर्वात मोठी चलनवाढ

चीनमध्ये 1999 नंतरची सर्वात मोठी चलनवाढ सुरू आहे. बेरोजगारीचा दर अनेक दशकांतील सर्वोच्च पातळीवर पोहोचला आहे. अमेरिकेसोबतचा तणाव शिगेला पोहोचला असून, शेअर बाजारातील परिस्थिती दिवसेंदिवस बिकट होत चालली आहे. त्यामुळे आता चीन जागतिक अर्थव्यवस्थेला मंदीच्या दिशेने नेत आहे का? असा प्रश्न निर्माण होत आहे.
(फोटो सौजन्य – सोशल मीडीया)

हे देखील वाचा – शेअर बाजार घसरणीसह बंद; रिलायन्स पॉवरच्या शेअरमधील तेजीमुळे मार्केट कॅप उच्च पातळीवर!

रिअल इस्टेट निर्देशांक 82 टक्क्यांनी घसरला

चीनच्या अर्थव्यवस्थेतील सर्वात मोठी समस्या रिअल इस्टेट क्षेत्राची आहे. देशाच्या अर्थव्यवस्थेत त्याचा वाटा सुमारे एक तृतीयांश इतका सर्वाधिक आहे, परंतु गेल्या अनेक वर्षांपासून हे क्षेत्र गंभीर संकटाचा सामना करत आहे. देशातील सर्वात मोठ्या रिअल इस्टेट कंपन्यांपैकी एक ‘एव्हरग्रँड’ ही कंपनी 2021 मध्ये कोसळली, तेव्हा त्याची सुरुवात झाली होती. यामुळे गेल्या दोन वर्षांत देशातील रिअल इस्टेट निर्देशांक 2008 च्या पातळीपर्यंत 82 टक्क्यांनी घसरला आहे. रिअल इस्टेट क्षेत्र ढेपाळल्यामुळे बँकिंग क्षेत्रही धोक्यात आले आहे. याचे कारण म्हणजे चिनी बँकांनी वास्तविक क्षेत्रात मोठी गुंतवणूक केली आहे.

हे देखील वाचा – ऑक्टोबरमध्ये बॅंकांना असेल तब्बल 15 दिवस सुट्टी, सणासुदीचे आतापासूनच करा नियोजन…

अमेरिकेसोबत चीनची ताणाताणी कायम

दरम्यान, गेल्या काही वर्षांपासून अमेरिका आणि चीनमधील संबंध चांगलेच ताणले गेलेले आहेत. दोन्ही देश एकमेकांच्या कंपन्यांवर कारवाई करण्यात कोणतीही कसर सोडत नाहीये. अमेरिकेने चीनमधून आयात होणाऱ्या अनेक वस्तूंवरील शुल्कात वाढ केली असून, ती पुढील टप्प्यात लागू केली जाणार आहे.

जागतिक अर्थव्यवस्थेसाठी धोक्याची घंटा

दरम्यान, चीनमधील मंदीमुळे संपूर्ण जग प्रभावित होणार आहे. याचे कारण चीन गेल्या तीन दशकांपासून जागतिक अर्थव्यवस्थेचे इंजिन आहे. जगभरातील बाजारपेठ चिनी वस्तूंनी भरलेली आहे. अनेक अमेरिकन आणि पाश्चात्य कंपन्या चीनमध्ये चांगला व्यवसाय करत आहेत. मात्र, चीनमधील मंदीचा या कंपन्यांच्या व्यवसायावरही परिणाम होणार आहे. जपान प्रमाणे चीनच्या अर्थव्यवस्थेत ठप्प होण्याची शक्यता आहे. त्यामुळे चीनमध्ये मंदीची शक्यता ही जागतिक अर्थव्यवस्थेसाठी धोक्याची घंटा आहे.