Share Market Today: मार्केटमध्ये Trump Tariff चा कहर, सेन्सेक्स 800 अंकांनी कोसळला, गुंतवणुकदारांंचे ३ लाख कोटी स्वाहा!

ट्रम्प टॅरिफमुळे आज शेअर बाजारात घबराट निर्माण झाली आहे. आजच्या सुरुवातीच्या व्यवहारात निफ्टी आणि सेन्सेक्समध्ये मोठी घसरण दिसून आली. सेन्सेक्स चक्क ८०० अंकांनी घसरला आहे, जाणून घ्या आजची स्थिती

• शेअर बाजार कोसळला
• ट्रम्प टॅरिफच्या गोंधळामुळे शेअर मार्केट क्रॅश 
• आजची शेअर बाजाराची स्थिती नक्की काय आहे 

रोजचा शेअर बाजार हा मोठा विषय असतो आणि सध्या शेअर बाजारामध्ये खूपच मोठी उलाढाल सुरू असल्याचे दिसून येत आहे. गुरुवारी शेअर बाजारात मोठी घसरण झाली. अमेरिकेचे अध्यक्ष ट्रम्प यांनी भारतावर २५ टक्के कर लादण्याची घोषणा केल्यानंतर ही घसरण झाली. आजच्या व्यवहारात सेन्सेक्स सुमारे ८०० अंकांनी घसरला, तर निफ्टी ५० निर्देशांक २४,६५० च्या पातळीच्या खाली घसरला. मिडकॅप आणि स्मॉलकॅप निर्देशांकातील घसरणीमुळेही खळबळ उडाली. बीएसई मिडकॅप आणि स्मॉलकॅप निर्देशांक २ टक्क्यांनी घसरला.

चढउतारांदरम्यान शेअर बाजार हिरव्या रंगात बंद; सेन्सेक्स-निफ्टी वधारले, जाणून घ्या

गुंतवणूकदारांना ३ लाख कोटी रुपयांचे नुकसान

आजच्या सुरुवातीच्या व्यवहारात झालेल्या या मोठ्या घसरणीमुळे गुंतवणूकदारांना मोठे नुकसान सहन करावे लागले आहे. खरं तर, BSE वर सूचीबद्ध असलेल्या सर्व कंपन्यांचे एकूण बाजार भांडवल सुमारे ४५२ लाख कोटी रुपयांवरून ४४९ लाख कोटी रुपयांवर आले आहे. म्हणजेच, गुंतवणूकदारांनी व्यवहाराच्या पहिल्या १० मिनिटांत ३ लाख कोटी रुपयांपेक्षा जास्त संपत्ती गमावली आहे. या विक्रीमुळे लघु आणि मध्यम व्यापाऱ्यांना मोठा धक्का बसला आहे. त्यामुळे आता पुढे काय असाही प्रश्न निर्माण झाला आहे. सध्याची मार्केटची स्थिती क्रॅश झाल्याची आहे. 

गुंतवणूकदारांमध्ये भीती

काल म्हणजेच बुधवारी अमेरिकेचे राष्ट्राध्यक्ष डोनाल्ड ट्रम्प यांनी भारतावर २५ टक्के कर लादण्याची घोषणा केली, जी १ ऑगस्ट २०२५ पासून लागू होईल. ट्रम्प यांच्या निर्णयामुळे भारतीय निर्यातदारांवर आणि त्यांच्याशी संबंधित व्यवसायांवर दबाव वाढला आहे. विशेषतः ज्या कंपन्या अमेरिकन बाजारपेठेवर अवलंबून आहेत त्या पाहिल्या गेल्या आहेत. गुंतवणूकदारांना भीती आहे की या कर लादण्याचा भारतीय कंपन्यांच्या उत्पन्नावर आणि नफ्यावर परिणाम होऊ शकतो, ज्याचा थेट परिणाम शेअर बाजारावर होत आहे.

फेडरल रिझर्व्हच्या निर्णयांचाही परिणाम झाला

याशिवाय, येत्या काही महिन्यांत व्याजदर कपातीबाबत अमेरिकन फेडरल रिझर्व्हकडून कोणतेही संकेत न मिळाल्यानेही बाजारात घसरण झाली आहे. जरी यूएस फेडरल रिझर्व्हने अपेक्षेनुसार व्याजदर ४.२५ टक्के ते ४.५० टक्के या श्रेणीत राखला असला तरी, फेडरल रिझर्व्हने नजीकच्या भविष्यात दर कपात सुरू होईल की नाही याचे कोणतेही स्पष्ट संकेत दिले नाहीत.

गुंतवणूकदारांना पैसे कमावण्याची मोठी संधी! ४,८०० कोटी रुपयांचा ‘हा’ IPO ५ ऑगस्ट पासून सबस्क्रिप्शनसाठी खुला

FAQs (संबंधित प्रश्न)

१. शेअर बाजाराची आजची स्थिती काय आहे?

शेअर बाजार गुरूवारी 800 अंकानी गडगडला असून मार्केट क्रॅश आहे 

२. शेअर बाजार कशामुळे गडगडला?

ट्रम्प ट्ररिफच्या 25% घोषणेमुळे शेअर बाजारावर परिणाम झालेला दिसून येत आहे 

टीपः गुंतवणूक बाजारातील जोखमींच्या अधीन असते. जर तुम्हाला यामध्ये पैसे गुंतवायचे असतील तर प्रथम प्रमाणित गुंतवणूक सल्लागाराचा सल्ला घ्या. तुमच्या कोणत्याही प्रकारच्या नफ्यासाठी किंवा तोट्यासाठी Navarashtra.com जबाबदार राहणार नाही.