Stock Market Today: गॅप-डाउनची शक्यता! घसरणीसह उघडणार सेन्सेक्स-निफ्टी, गुंतवणूकदारांनी काय करावे?

Share Market Update: जागतिक बाजारातील नकारात्मक संकेतांचा परिणाम आज भारतीय शेअर बाजारावर दिसण्याची शक्यता आहे. गिफ्ट निफ्टीतील घसरणीमुळे सेन्सेक्स आणि निफ्टी गॅप-डाउनने उघडू शकतात.

• आज जागतिक कमकुवत संकेतांमुळे सेन्सेक्स आणि निफ्टी गॅप-डाउनने उघडण्याची शक्यता
• गिफ्ट निफ्टी जवळपास 330 पॉइंट्सने घसरलेला; बाजारावर दबाव स्पष्ट
• तज्ज्ञांनी टायटन, एचडीएफसी लाईफ, कोटक बँक, पेटीएम सह अनेक शेअर्समध्ये खरेदी-विक्रीची शिफारस

India Share Market Update: १३ एप्रिल रोजी जागतिक बाजारातील कमकुवत संकेतांच्या पार्श्वभूमीवर भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, घसरणीसह उघडण्याची शक्यता आहे. गिफ्ट निफ्टीमधील ट्रेंड्स देखील भारतीय बेंचमार्क निर्देशांकासाठी गॅप-डाउन सुरुवातीचे संकेत देत आहेत. गिफ्ट निफ्टी, निफ्टी फ्युचर्सच्या मागील क्लोजपेक्षा जवळपास ३३० पॉइंट्सच्या सवलतीवर, सुमारे २३,७७१ च्या पातळीवर व्यवहार करत होता.

Todays Gold-Silver Price: सोनं-चांदी खरेदीचा प्लॅन करताय? आजच्या किंमती पाहून घ्या निर्णय

शुक्रवारी भारतीय शेअर बाजारात मोठी उसळी आली आणि बेंचमार्क निफ्टी ५० २४,००० च्या पातळीच्या वर बंद झाला. सेन्सेक्स ९ १८.६० अंकांनी, म्हणजेच १.२० टक्क्यांनी वाढून ७७,५५०.२५ वर बंद झाला, तर निफ्टी ५० २७५.५० अंकांनी, म्हणजेच १.१६ टक्क्यांनी वाढून २४,०५०.६० वर स्थिरावला. शुक्रवारी बँक निफ्टी निर्देशांक १,०९१.०५ अंकांनी, म्हणजेच १.९९ टक्क्यांनी वाढून ५५,९१२.७५ अंकांवर बंद झाला. (फोटो सौजन्य – Pinterest)

चॉईस ब्रोकिंगचे सुमीत बागडिया, आनंद राठी येथील टेक्निकल रिसर्चचे वरिष्ठ व्यवस्थापक गणेश डोंगरे, आणि प्रभुदास लिलाधर येथील टेक्निकल रिसर्चचे वरिष्ठ व्यवस्थापक शिजू कुथुपालक्कल यांनी आज भारतीय शेअर बाजारात व्यवहार करणाऱ्या गुंतवणूकदारांना आठ स्टॉक्सची खरेदी आणि विक्री करण्याची शिफारस केली आहे. तज्ज्ञांनी शिफारस केलेल्या या शेअर्समध्ये टायटन, होनासा कंझ्युमर, पीएनबी, एचडीएफसी लाईफ, कोटक महिंद्रा बँक, पेटीएम, जीई वर्नोव्हा टी अँड डी इंडिया, आणि बँको प्रॉडक्ट्स इंडिया यांचा समावेश आहे.

आनंद राठी शेअर अँड स्टॉक ब्रोकर्स येथील इक्विटी टेक्निकल रिसर्चचे वरिष्ठ व्यवस्थापक, जिगर एस. पटेल पुढील एक ते दोन आठवड्यांसाठी गुंतवणूकदारांना तीन स्टॉक्स खरेदी करण्याची शिफारस केली आहे. जिगर एस. पटेल यांनी दिलेल्या सल्ल्यानुसार आज गुंतवणूकदार इंजिनियर्स इंडिया, प्रेस्टीज इस्टेट्स प्रोजेक्ट्स आणि एक्साइड इंडस्ट्रीज हे शेअर्स खरेदी करण्यावर फोकस करू शकतात. आजच्या व्यवहारात भारतीय शेअर बाजारातील गुंतवणूकदार आज महिंद्रा आणि महिंद्रा, मुथूट फायनान्स, अदानी ग्रीन एनर्जी, लार्सन आणि टुब्रो, स्विगी, ल्युपिन, अ‍ॅस्ट्राझेनेका, एन्व्हायरो इन्फ्रा इंजिनियर्स, भारतीय सामान्य विमा महामंडळ, टॉरेंट फार्मा या शेअर्सवर त्यांचे लक्ष केंद्रीत करू शकतात.

Petrol – Diesel च्या वाहनांचा Game Over! 2028 पासून येणार बंदी; दिल्ली सरकारचा Mega Plan…

निओट्रेडरचे सहसंस्थापक आणि स्टॉक रिसर्च प्लॅटफॉर्म मार्केटस्मिथ इंडियाचे राजा वेंकटरामन यांनी आजच्या व्यवहारात गुंतवणूकदारांना सोना बीएलडब्ल्यू प्रिसिजन फोर्जिंग्ज लिमिटेड , निप्पॉन लाईफ इंडिया असेट मॅनेजमेंट लिमिटेड , ओलेक्ट्रा ग्रीनटेक लिमिटेड , व्होल्टॅम्प ट्रान्सफॉर्मर्स लिमिटेड आणि भारत हेवी इलेक्ट्रिकल्स लिमिटेड (BHEL) हे पाच शेअर्स खरेदी करण्याची शिफारस केली आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)