कंपनी 1 शेअरवर देणार 2 मोफत शेअर्स; तरीही गुंतवणूकदारांनी लावलाय शेअर्स विक्रीचा सपाटा!

गुरुवारी हे शेअर्स 2 टक्क्यांपेक्षा जास्त घसरून 218.64 रुपयांवर आले होते. गेल्या पाच दिवसांत हा शेअर्स 6 टक्के घसरला आहे. कंपनीने बाेनस शेअर्सची घाेषणा करूनही शेअर्स घसरले आहेत.

सार्वजनिक क्षेत्रातील खाण कंपनी एनएमडीसी (एनडीएमसी) चे शेअर्स या आठवड्यात फोकसमध्ये आहेत. कंपनीच्या शेअर्समध्ये सातत्याने घसरण होत होती. गुरुवारी हे शेअर्स 2 टक्क्यांपेक्षा जास्त घसरून 218.64 रुपयांवर आले होते. गेल्या पाच दिवसांत हा शेअर्स 6 टक्के घसरला आहे. कंपनीने बाेनस शेअर्सची घाेषणा करूनही शेअर्स घसरले आहेत.

तिमाही निकाल

खाण कंपनी एनएमडीसीचा एकात्मिक निव्वळ नफा चालू आर्थिक वर्षाच्या जुलै-सप्टेंबर तिमाहीत 16.66 टक्क्यांनी वाढून 1,195.63 कोटी रुपये झाला आहे. गेल्या आर्थिक वर्षाच्या याच तिमाहीत कंपनीचा निव्वळ नफा 1,024.86 कोटी होता. एनएमडीसीने सोमवारी शेअर बाजाराला दिलेल्या माहितीत सांगितले की, सप्टेंबरच्या तिमाहीत एकूण उत्पन्न 22 टक्क्यांनी वाढून 5,279.68 कोटी रुपये झाले आहे, जे गेल्या आर्थिक वर्षाच्या याच तिमाहीत 4,335.02 कोटी रुपये होते.

हे देखील वाचा – देशाच्या निर्यातीत 17.25 टक्क्यांनी वाढ; 28 महिन्यांतील सर्वोच्च पातळीवर झेप!

इतके बाेनस शेअर देणार

या आठवड्यातए एनएमडीसीने 2:1 च्या प्रमाणात बोनस शेअर्सची घोषणा केली आहे. याचा अर्थ गुंतवणूकदारांना कंपनीचे दोन अतिरिक्त शेअर्स मिळतील. गेल्या 16 वर्षात एनएमडीसी बोनस शेअर्स देण्याची ही पहिलीच वेळ आहे. यापूर्वी या सरकारी कंपनीने 2008 साली बोनस शेअर्स दिले होते, त्यावेळी कंपनीने प्रत्येक शेअरमागे दोन बोनस शेअर्स दिले होते.

कंपनीचा व्यवसाय

या आठवड्यातए एनएमडीसीने 2:1 च्या प्रमाणात बोनस शेअर्सची घोषणा केली आहे. याचा अर्थ गुंतवणूकदारांना कंपनीचे दोन अतिरिक्त शेअर्स मिळतील. गेल्या 16 वर्षात एनएमडीसी बोनस शेअर्स देण्याची ही पहिलीच वेळ आहे. यापूर्वी या सरकारी कंपनीने 2008 साली बोनस शेअर्स दिले होते, त्यावेळी कंपनीने प्रत्येक शेअरमागे दोन बोनस शेअर्स दिले होते.

हे देखील वाचा – दोन दिवसांत गुंतवणूकदारांचे 13 लाख कोटींचे नुकसान; ‘ही’ आहेत शेअर बाजारातील घसरणीमागील 4 कारणे!

काय करते ही कंपनी

पोलाद मंत्रालयाच्या अखत्यारीतील एनएमडीसी हे भारतातील सर्वात मोठे लोहखनिज खाण कंपनी आहे. कंपनी पोलाद निर्मितीच्या प्रमुख कच्च्या मालाची देशातील सुमारे 20 टक्के मागणी पूर्ण करते. एनएमडीसीचे मार्केट कॅप 64,136.31 कोटी रुपये आहे. कंपनीच्या शेअर्सची 52 आठवड्यांची उच्च किंमत 286.35 रुपये आहे आणि 52 आठवड्यांची निच्चांकी किंमत 166.70 रुपये आहे.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)