‘हे’ 12 शेअर्स देणार गुंतवणूकदारांना घसघशीत लाभांश; रेकॉर्ड तारीख असेल याच आठवड्यात…

काही कंपन्या 95 रुपयांपर्यंत लाभांश देत आहेत. याशिवाय बोनसमध्ये शेअर्स वाटप करणाऱ्या काही कंपन्या आहेत. लाभांश देणाऱ्या या कंपन्यांची रेकाॅर्ड तारीख चालू आठवड्यात आहेत.

शेअर बाजारातील शेअर्सच्या वाढीबरोबरच लाभांशाच्या स्वरूपात अतिरिक्त नफाही मिळवता येतो. कंपन्या वेळोवेळी लाभांश जाहीर करतात. वेळोवेळी बऱ्याच कंपन्या लाभांश घोषित करतात. तुमच्या पोर्टफोलिओमध्ये रेकॉर्ड तारखेपर्यंत शेअर्स असेल तर तुम्ही अतिरिक्त नफा मिळवू शकता. काही कंपन्या 95 रुपयांपर्यंत लाभांश देत आहेत. याशिवाय बोनसमध्ये शेअर्स वाटप करणाऱ्या काही कंपन्या आहेत. लाभांश देणाऱ्या या कंपन्यांची रेकाॅर्ड तारीख चालू आठवड्यात आहेत.
(फोटो सौजन्य – istock)

हे देखील वाचा – एका शेअरवर 4 शेअर मिळणार मोफत; कंपनीच्या शेअर्समध्ये 15 टक्क्यांहून अधिक वाढ!

या कंपन्यांकडून मिळणार लाभांश

अकझो नोबेल – पेंट्स, कोटिंग्ज आणि रसायने बनवणारी अकझो नोबेल प्रत्येक शेअरवर 70 रुपये लाभांश भागधारकांना वितरित करेल. त्याची रेकॉर्ड तारीख 20 नोव्हेंबर 2024 असणार आहे.

एशियन पेंट्स – पेंट क्षेत्रातील दिग्गज एशियन पेंट्स भागधारकांना प्रति शेअर 4.25 रुपये लाभांश देणार आहे. यासाठी रेकॉर्ड तारीख 19 नोव्हेंबर 2024 आहे.

अशोक लेलँड – ट्रक-बस कंपनी अशोक लेलँडच्या शेअरधारकांना प्रत्येक शेअरवर 2 रुपये लाभांश मिळेल. याची रेकॉर्ड तारीख 19 नोव्हेंबर 2024 आहे.

चंबळ फर्टिलायझर्स – केके बिर्ला समूहाची कृषी रसायन कंपनी चंबल फर्टिलायझर्स 19 नोव्हेंबर 2024 पर्यंत शेअर्स धारण केलेल्या भागधारकांना प्रति शेअर 5 रुपये लाभांश वितरित करेल.

ईएसएबी इंडिया – तुमच्या पोर्टफोलिओमध्ये तुमच्याकडे वेल्डिंग आणि कटिंग उत्पादनांच्या पुरवठादार ईएसएबी इंडियाचे शेअर्स असल्यास किंवा तुमचे नाव 20 नोव्हेंबरपर्यंत रेकॉर्ड बुकमध्ये राहिल्यास,तुम्हाला प्रत्येक शेअरवर 25 रुपये लाभांश मिळेल.

एमआरएफ – टायर कंपनी एमआरएफने 3 रुपयांचा लाभांश जाहीर केला आहे. या रेकॉर्ड तारीख 19 नोव्हेंबर आहे.

प्रॉक्टर अँड गॅम्बल हायजीन अँड हेल्थकेअर – प्रॉक्टर अँड गँबल हायजीन अँड हेल्थकेअरने सप्टेंबर तिमाहीच्या निकालांसह 95 रुपयांचा लाभांश जाहीर केला होता. लाभांशाची रेकॉर्ड तारीख 20 नोव्हेंबर आहे.

वीडोल कॉर्पोरेशन – इंजिन तेल आणि वंगण उत्पादक वीडोल कॉर्पोरेशन प्रत्येक शेअरवर 20 रुपये लाभांश वितरित करत आहे, ज्याची रेकॉर्ड तारीख 22 नोव्हेंबर निश्चित केली आहे.

बलरामपूर चिनी – देशातील दुसरी सर्वात मोठी साखर कंपनी आणि आता ऊर्जा क्षेत्रात प्रवेश करणारी बलरामपूर चिनी, प्रत्येक शेअरवर 3 रुपये लाभांश वितरित करेल. यासाठी रेकॉर्ड तारीख 25 नोव्हेंबर आहे.

ईपीएल – द ब्लॅकस्टोन ग्रुपच्या मालकीची जागतिक ट्यूब पॅकेजिंग कंपनी ईपीएल भागधारकांना 2 रुपये लाभांश वितरित करेल. लाभांशाची रेकॉर्ड तारीख 25 नोव्हेंबर आहे.

आयपीसीए लॅब्स – अग्रगण्य फार्मा कंपनी आयपीसीए लॅब्स गुंतवणूकदारांना प्रति शेअर 2 रुपये लाभांश वितरीत करेल, ज्याची रेकॉर्ड तारीख 25 नोव्हेंबर आहे.

पीएफसी – पॉवर फायनान्स कॉर्पोरेशन (PFC) गुंतवणूकदारांना प्रति शेअर 3.5 रुपये लाभांश देणार आहे. या लाभांशाची रेकॉर्ड तारीख 25 नोव्हेंबर निश्चित करण्यात आली आहे.

बोनस शेअर्स – शक्ती पंप्स प्रत्येक शेअरमागे पाच बोनस शेअर्सचे वितरण करत आहे. यासाठी 25 नोव्हेंबर 2024 ही रेकॉर्ड तारीख निश्चित करण्यात आली आहे. हा शेअर्स सध्या दीर्घकालीन एएसएम (अतिरिक्त पाळत ठेवणे उपाय) फ्रेमवर्कमध्ये आहे.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)