Global billionaires List: जगातील अब्जाधीश क्रमवारीत मोठी उलथापालथ..; ‘या’ व्यक्ती आहेत टॉप 5 

जगातील टॉप अब्जाधीशांच्या यादीत लॅरी पेजने लॅरी एलिसनला मागे टाकले आहे. ते जगातील दुसऱ्या क्रमांकाचे श्रीमंत व्यक्ती बनले आहेत. तर, अंबानी आशियातील पहिले श्रीमंत व्यक्ती असून जगात १६व्या स्थानी आहेत. तर अदानी २७वे आहेत.

• अब्जाधीशांच्या शर्यतीत नवा विजेता जाहीर
• एलोन मस्क जगातील सर्वात श्रीमंत व्यक्ती
• अंबानी जागतिक क्रमवारीत १६व्या स्थानी

 

Global billionaires List: जगातील सर्वात श्रीमंत व्यक्तींची यादी जाहीर झाली आहे. या जगातील टॉप अब्जाधीशांच्या यादीत मोठी उलथापालथ झाली आहे.  लॅरी पेज हे दुसऱ्या क्रमांकाचे श्रीमंत व्यक्ती बनले आहेत. त्यांनी संपत्तीच्या बाबतीत सॉफ्टवेअर कंपनी ओरॅकलचे संस्थापक लॅरी एलिसन यांना मागे टाकले आहे. मिळालेल्या माहितीनुसार, लॅरी पेजची एकूण संपत्ती २३.६३ लाख कोटी रुपयांवर पोहोचली आहे. तर, लॅरी एलिसनची एकूण संपत्ती २२.०७ लाख कोटी रुपयांपर्यंत कमी झाली आहे.

सर्गेई ब्रिनसोबत १९९८ मध्ये गुगल सुरू करणाऱ्या लॅरी पेजची एकूण संपत्ती सोमवारी ८.७ अब्ज डॉलर्सने वाढल्यानंतर २५५ अब्ज डॉलर्स झाली. त्यांची एकूण संपत्ती वाढत्या शेअर्स मुळे वाढली असून गेल्या पाच वर्षांत पेजची संपत्ती झपाट्याने वाढली आहे, २०२० मध्ये ५०.९ अब्ज डॉलर्सवरून २०२५ च्या सुरुवातीला ती १४४ अब्ज डॉलर्सपेक्षा थोडी अधिकच झाली आहे.

हेही वाचा : Income tax trend: रिटर्न कमी, महसूल जास्त! टीडीएसने कर संकलनाला दिला ‘सुपर बूस्ट’.; ‘डिजिटल भारत’ची मोठी छाप

ओरेकलच्या शेअर्समध्ये मोठ्या प्रमाणात घट

दुसरीकडे, एलिसनची एकूण संपत्तीही या वर्षी झपाट्याने वाढली आहे. ते ४०० अब्ज डॉलर्सपर्यंत पोहोचणारे दुसऱ्या क्रमांकाचे सर्वात श्रीमंत व्यक्ती बनले होते. तथापि, अलिकडच्या आठवड्यात ओरेकलच्या शेअर्समध्ये घट झाल्यामुळे त्यांच्या संपत्तीत घट झाली आहे, ज्यामुळे एलिसनची एकूण संपत्ती २४७.४ अब्ज डॉलर्स झाली आहे. सेर्गेई ब्रिन यांची २४१.५ अब्ज डॉलर्स एवढी संपत्ती असून त्यांनी अमेझॉनचे जेफ बेझोस यांना मागे टाकून जगातील चौथ्या क्रमांकाचे सर्वात श्रीमंत व्यक्ती बनले आहेत. ब्रिनची एकूण संपत्ती २४५.६ अब्ज डॉलर्स आहे.

जगातील सर्वात श्रीमंत अब्जाधीश कोण?

जगातील सर्वात श्रीमंत व्यक्ती बनायचा बहुमान एलोन मस्क  यांनी पटकावला आहे. त्यांची एकूण संपत्ती ४७६.४ अब्ज डॉलर्स आहे, जी भारतीय चलनात तब्बल ४२.५२ लाख कोटी रुपये आहे.

हेही वाचा : Todays Gold-Silver Price: अभूतपूर्व वाढ! चांदीचा दर आकाशाला भिडला, किंमती पाहून तुम्हीही व्हाल अवाक्

दक्षिण अमेरिकेतील सर्वात श्रीमंत अब्जाधीश एडुआर्डो सॅव्हरिन आहेत. त्यांनी टेक उपक्रम, गुंतवणूक आणि व्यावसायिक क्रियाकलापांद्वारे आपली संपत्ती निर्माण केली आहे. तर, अलिको डांगोटे हे आफ्रिकेतील सर्वात श्रीमंत व्यक्ती आहेत. त्यांचे व्यवसाय सिमेंट, खते आणि तेल शुद्धीकरण यासारख्या उद्योगांमध्ये पसरलेले आहेत. त्यांच्या आर्थिक यशामुळे ते आफ्रिका खंडातील सर्वात श्रीमंत व्यक्ती बनले आहेत.

कोण आहे आशियाचा कुबेर?

आशिया खंडातील सर्वात श्रीमंत व्यक्ती उद्योगपती मुकेश अंबानी आहेत. मुकेश अंबानी हे जगातील १६ व्या क्रमांकाचे श्रीमंत व्यक्ती असून त्यांची एकूण संपत्ती १०.१२ लाख कोटी रुपये आहे. अदानी समूहाचे अध्यक्ष गौतम अदानी यांची एकूण संपत्ती ६.०८ लाख कोटी रुपये आहे. या संपत्तीसह ते जगातील २७ व्या क्रमांकाचे श्रीमंत व्यक्ती आहेत.