UIDAI Aadhaar 5 New Changes: आधार कार्ड वापरणाऱ्यांनी लक्ष द्या! UIDAIचे ‘हे’ 5 मोठे बदल थेट तुमच्या कामाचे

UIDAI Aadhaar 5 New Changes: आधार दिवसानिमित्त UIDAI ने आधारशी संबंधित 5 नवीन सुविधा जाहीर केल्याचे लेखात नमूद आहे. यामध्ये रेशनसाठी बोटांचे ठसे जुळत नसल्यास फेस ऑथेंटिकेशनद्वारे चेहरा स्कॅन करून रेशन घेण्याची सुविधा, आधार केंद्रांवरील गर्दी कमी करण्यासाठी टोकन सिस्टम

• बोटांचे ठसे जुळत नसल्यास चेहरा स्कॅन करून रेशन घेण्याची सुविधा सुरू होणार.
• आधार केंद्रांवरील रांगा टाळण्यासाठी टोकन सिस्टम आणि संस्थांसाठी SWIK 2.0 पोर्टल आणले.
• UIDAIची नवीन वेबसाइट 23 भाषांमध्ये उपलब्ध होणार, त्यात मराठीचाही समावेश असेल.

UIDAI Aadhaar 5 New Changes: UIDAI ची मोठी घोषणा, आधार कार्डवर 5 नवीन सुविधा, आता चेहरा दाखवून मिळणार रेशनआधार कार्ड वापरणाऱ्या लोकांसाठी एक मोठी खुशखबर आहे. UIDAI ने आधार दिवसानिमित्त 5 नवीन सुविधा जाहीर केल्या आहेत. याचा सगळ्यात जास्त फायदा सामान्य लोकांना, शेतकऱ्यांना आणि म्हाताऱ्या लोकांना होणार आहे.अनेकदा रेशन दुकानात बोटाचे ठसे जुळत नाहीत म्हणून लोकांना रेशन मिळत नाही. आता हा त्रास संपणार आहे. UIDAI ने यावर उपाय काढला आहे.

1. आता बोट नाही तर चेहरा दाखवा आणि रेशन घ्या

ही सगळ्यात मोठी सुविधा आहे. बऱ्याच लोकांचे बोटाचे ठसे मशीनवर येत नाहीत. शेतात काम करणारे, मजुरी करणारे लोक, म्हातारी माणसं यांच्या बोटाचे ठसे घासले असतात. त्यामुळे e-POS मशीनवर ठसा जुळत नाही आणि दुकानदार रेशन देत नाही.आता UIDAI ने फेस ऑथेंटिकेशन सुरू केलं आहे. म्हणजे फक्त चेहरा स्कॅन करून रेशन मिळणार. तुमची परवानगी घेऊन दुकानदार तुमचा फोटो काढेल आणि रेशन देईल. यामुळे हजारो लोकांचा त्रास वाचणार आहे. ही सुविधा आता हळूहळू सगळ्या रेशन दुकानात सुरू होत आहे. UIDAI Aadhaar 5 New Changes:

2. आधार सेंटरवर आता टोकन मिळणार, रांगेत उभं राहायची गरज नाही

आधार सेंटरवर गेलं की मोठी रांग असते. तासंतास उभं राहावं लागतं. महिलांना, म्हाताऱ्या लोकांना खूप त्रास होतो.आता UIDAI ने टोकन सिस्टीम आणली आहे. तुम्ही सेंटरवर गेलात की तुम्हाला एक टोकन नंबर मिळेल. तुम्हाला रांगेत उभं राहायची गरज नाही. खुर्चीवर बसून रहा. तुमचा नंबर स्क्रीनवर आला की आत जा आणि काम करून घ्या. यामुळे गर्दी पण कमी होणार आणि काम पण लवकर होणार.

3. छोट्या कंपन्यांना पण आधार जोडणं सोपं झालं

आधी एखाद्या छोट्या कंपनीला किंवा NGO ला आधार व्हेरिफिकेशन करायचं असेल तर खूप मोठी प्रोसेस होती. महागडी मशीन घ्यावी लागायची.आता UIDAI ने नियम सोपे केले आहेत. ज्या कंपन्यांना कमी प्रमाणात आधार चेक करायचा आहे, त्या आता AUA आणि e-KYC एजन्सीच्या मदतीने थेट काम करू शकतात. त्यांना वेगळी यंत्रणा उभी करायची गरज नाही. यामुळे छोट्या व्यापाऱ्यांना आणि संस्थांना खूप फायदा होणार आहे आणि खर्च पण वाचणार आहे.

4. SWIK 2.0 पोर्टल लाँच

एखाद्या संस्थेला आधारचं काम करायची परवानगी हवी असेल तर आधी खूप फेऱ्या माराव्या लागायच्या. कागदपत्रं घेऊन ऑफिसला जावं लागायचं.आता UIDAI ने SWIK 2.0 नावाचं नवीन पोर्टल आणलं आहे. यावर सगळं काम ऑनलाईन होणार. संस्था घरबसल्या आपला अर्ज टाकू शकते. कागदपत्रं अपलोड करू शकते. सरकारी ऑफिसला जाण्याची गरजच नाही. सगळं काम पारदर्शक आणि फास्ट होणार.

5. नवीन वेबसाईट 23 भाषांमध्ये येणार

UIDAI आपली वेबसाईट पण पूर्णपणे बदलत आहे. नवीन वेबसाईट एकदम आधुनिक असणार आहे. अंध लोकांसाठी स्क्रीन रीडर, मोठे फॉन्ट, कीबोर्डने चालवण्याची सुविधा असणार आहे.सगळ्यात महत्वाचं म्हणजे आत्ता वेबसाईट 13 भाषांमध्ये आहे, पण आता ती 23 भाषांमध्ये येणार आहे. म्हणजे तुम्हाला तुमच्या मराठी भाषेत पण आधारची सगळी माहिती, फॉर्म मिळणार. देशातल्या कोणत्याही कोपऱ्यातल्या माणसाला आपल्या भाषेत आधार समजणार.एकूणच UIDAI ने आणलेल्या या 5 सुविधांमुळे आधार वापरणं अजून सोपं होणार आहे. विशेषतः रेशनचा प्रश्न सुटल्यामुळे गरीब लोकांना मोठा दिलासा मिळाला आहे.