तुमच्या UPI पेमेंटवरील चार्ज कोणाच्या खिशात जाणार? Google Pay, PhonePe की बँका… कोणाला मिळणार किती हिस्सा

UPI Charges : UPI व्यवहारांवर लागणाऱ्या MDR (Merchant Discount Rate) शुल्काची कमाई बँक, पेमेंट ॲप्स आणि पेमेंट गेटवे यांच्यात कशी विभागली जाईल, याचे गणित स्पष्ट झाले आहे. ग्राहकांकडून किंवा व्यापाऱ्यांकडून वसूल केलेल्या या शुल्कातील कोणाला किती हिस्सा मिळेल, जाणून घेऊयात.

• तुमच्या UPI पेमेंटवरील चार्ज कोणाच्या खिशात जाणार?
• Google Pay, PhonePe की बँका…
• कोणाला मिळणार किती हिस्सा

UPI Charges : १५ ऑक्टोबरपासून, देशभरातील प्रत्येक व्यवहारावर MDR Merchant Discount Rate आकारला जाणार आहे. त्यानुसार, ₹२,००० पेक्षा जास्त रकमेच्या पेमेंटवर आता ०.४०% एमडीआर आकारला जाईल. आता प्रश्न असा निर्माण होतो की, हे पैसे कोणाला मिळतील आणि किती हप्त्यांमध्ये जातील. याच प्रश्नाचं उत्तर विस्त्रुतरित्या समजून घेऊयात. या एमडीआरच्या गणनेनुसार. यामुळे तुम्हाला हे समजण्यास मदत होईल की सर्वात जास्त पैसे कोणाला मिळतील. ( UPI Charges )

Repo Rate च्या निर्णयापूर्वी RBI चा मोठा मास्टरस्ट्रोक! बँकांकडून 3.93 लाख कोटी रुपये परत घेतले; तुमच्या खिशावर काय होणार परिणाम?

कोणाला किती वाटा मिळेल?

१. इश्युअर बँक Issuer Bank
इश्युअर बँक, म्हणजेच ज्या बँकेत ग्राहकाचे खाते आहे, तिला सर्वात मोठा वाटा मिळेल. ४०% रक्कम इश्युअर बँकेला जाईल.

२. मर्चंट अक्वायरर Merchant Acquirer
दुकानदार किंवा व्यापाऱ्यासाठी पेमेंट प्रक्रिया करणाऱ्या बँकेला मर्चंट अक्वायरर (Merchant Acquirer) म्हणतात आणि तिला ३०% मिळतात.

३. यूपीआय ॲप्स UPI Apps
ग्राहक PhonePe, Google Pay किंवा Paytm सारख्या थर्ड-पार्टी यूपीआय ॲप्सद्वारे पेमेंट स्कॅन करतात. त्यांना २०% मिळतात.

४. ॲप स्पॉन्सरिंग बँक App Sponsoring Bank
यूपीआय ॲप्सना बॅकएंड बँकिंग आणि तांत्रिक सहाय्य पुरवणाऱ्या पार्टनर बँकेला उर्वरित १०% मिळतात.

१०,००० रुपयांच्या पेमेंटचे उदाहरण घेऊन समजूयात

समजा, एका ग्राहकाने दुकानात १०,००० रुपयांची खरेदी केली आणि ०.४% MDR कापला गेला. याचा अर्थ १,००० रुपयांचे ४० रुपये होतात. या ४० रुपयांपैकी, issuing bank ४०% म्हणजेच १६ रुपये मिळतील.
मर्चंट अक्वायररला, म्हणजेच दुकानदाराच्या बँकेला, ३०% मिळतील. त्यामुळे, हे १२ रुपये होतात. यानंतर, UPI ॲप्सना २०% दराने ८ रुपये मिळतील आणि ॲप्सना समर्थन देणाऱ्या बँकांना १०% दराने ४ रुपये मिळतील.

सर्वाधिक पैसे कोणाला मिळतील?

स्पष्टपणे, या गणनेनुसार, जारी करणारी बँक, म्हणजेच ज्या बँकेत ग्राहकाचे खाते आहे, तिला सर्वाधिक फायदा होत आहे आणि सर्वाधिक पैसे मिळत आहेत. तर दुसरीकडे, ॲप्सना समर्थन आणि प्रायोजकत्व देणाऱ्या बँकांना सर्वात कमी पैसे मिळतील.

Share Market Today : सुसाट… कालच्या क्रॅशनंतर आज बाजारात तुफान तेजी! उघडताच ‘या’ शेअर्सनी मारली मोठी उसळी; गुंतवणूकदार खूश