Stock Market Today: कोणते शेअर्स गुंतवणूकदारांना करणार मालामाल? व्यवहार करण्यापूर्वी वाचा तज्ज्ञांचा सल्ला

Share Market Update: शेअर बाजारात एप्रिल महिन्याच्या पहिल्याच दिवशी शेअर बाजाराची सुरुवात कशी होणार? आज कोणते गुंतवणूकदारांना मालामाल करणार? तज्ज्ञांनी आज गुंतवणूकदांना व्यवहार करण्यासाठी कोणता सल्ला दिला आहे, जाणून घेऊ.

• तज्ज्ञांचा इशारा! एप्रिलच्या पहिल्या दिवशी बाजारात व्यवहार करताना ‘हा’ सल्ला लक्षात ठेवा
• आज बाजार उघडताच कुठे गुंतवणूक कराल? तज्ज्ञांनी दिला खास मंत्र
• शेअर बाजारात आजचा गेमचेंजर कोण? गुंतवणूकदारांसाठी महत्त्वाची माहिती

India Share Market Update:  गेल्या अनेक दिवसांपासून सुरु असलेले अमेरिका आणि ईराण यांच्यामधील युद्ध लवकरच संपणार असल्याची शक्यता वर्तवण्यात आली आहे. यामुळे जागतिक बाजारात सकारात्मक संकेत पाहायला मिळत आहे. याच पार्श्वभूमीवर आज भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, तेजीत उघडण्याची शक्यता आहे. गिफ्ट निफ्टीमधील ट्रेंड्स देखील भारतीय बेंचमार्क निर्देशांकासाठी गॅप-अप सुरुवातीचे संकेत देत आहेत. गिफ्ट निफ्टी, निफ्टी फ्युचर्सच्या मागील क्लोजपेक्षा जवळपास ३५३ पॉइंट्सच्या प्रीमियमवर, २२,७७९ च्या पातळीवर ट्रेड करत होता.

Todays Gold-Silver Price: एप्रिलच्या पहिल्याच दिवशी सोनं-चांदी महागलं! ग्राहकांना बसला मोठा धक्का

महावीर जयंतीनिमित्त मंगळवार, ३१ मार्च रोजी भारतीय शेअर बाजार सुट्टीमुळे बंद होता. सोमवारी भारतीय शेअर बाजाराला मोठा फटका बसला आणि बेंचमार्क निफ्टी ५० २२,४०० च्या पातळीखाली घसरला. सेन्सेक्स १,६३५.६७ अंकांनी, म्हणजेच २.२२ टक्क्यांनी घसरून ७१ , ९४७.५५ वर बंद झाला, तर निफ्टी ५० ४८८.२० अंकांनी, म्हणजेच २.१४ टक्क्यांनी घसरून २२,३३१.४० वर स्थिरावला.सोमवारी बँक निफ्टी निर्देशांक १,९९९.२५ अंकांनी, म्हणजेच ३.८२ टक्क्यांनी घसरून ५०,२७५.३५ अंकांवर बंद झाला.  (फोटो सौजन्य – Pinterest) 

चॉईस ब्रोकिंगचे कार्यकारी संचालक सुमीत बागडिया यांनी आज 1 एप्रिल रोजी गुंतवणूकदारांना खरेदी करण्यासाठी पाच शेअर्सची शिफारस केली आहे. सुमीत बागडिया दिलेल्या सल्ल्यानुसार, गुंतवणूकदार ग्लॅक्सोस्मिथक्लाइन फार्मास्युटिकल्स, इप्का लॅबोरेटरीज, आरएचआय मॅग्नेसिटा इंडिया, सामना कॅपिटल आणि केएसबी हे शेअर्स खरेदी करू शकतात. मोतीलाल ओसवाल फायनान्शियल सर्व्हिसेस लिमिटेडच्या वेल्थ मॅनेजमेंट विभागातील डेरिव्हेटिव्हज अँड टेक्निकल्सचे प्रमुख चंदन तापारिया यांनी आज खरेदीसाठी दोन स्टॉक्स आणि विक्रीसाठी एका स्टॉकची शिफारस केली आहे. तापारिया यांनी दिलेल्या सल्ल्यानुसार आज गुंतवणूकदार नॅशनल ॲल्युमिनियम कंपनी आणि ऑइल अँड नॅचरल गॅस कॉर्पोरेशन ( ONGC ) हे शेअर्स खरेदी करू शकतात. दुसरीकडे, त्यांनी युनायटेड स्पिरिट्सच्या स्टॉक फ्युचर्सची विक्री करण्याची शिफारस केली आहे.

Free Finance Apps: 1 एप्रिलपासून तुमचं Finance Planning करा आणखी मजबूत, ‘हे’ मोफत ॲप्स तुम्हाला करतील बचतीसाठी मदत

चॉईस ब्रोकिंगचे सुमीत बागडिया, आनंद राठी येथील टेक्निकल रिसर्चचे वरिष्ठ व्यवस्थापक गणेश डोंगरे आणि प्रभुदास लिलाधर येथील टेक्निकल रिसर्चचे वरिष्ठ व्यवस्थापक शिजू कुथुपालक्कल या बाजार तज्ज्ञांनी आज गुंतवणूकदारांना खरेदी आणि विक्री करण्यासाठी चार स्टॉक्सची शिफारस केली आहे. बाजारातील तज्ज्ञांनी शिफारस केल्यानुसार आज गुंतवणूकदार अर्बन कंपनी, सेल (SAIL), टेक महिंद्रा आणि कोल इंडिया हे शेअर्स खरेदी करू शकतात.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)