फोटो सौजन्य - Social Media
जर तुम्ही बायोलॉजी विषय घेऊन शिक्षण घेत असाल आणि तुम्हाला वाटत असेल की यशस्वी करिअरसाठी फक्त MBBS हाच एकमेव पर्याय आहे, तर तुम्हाला पुन्हा विचार करण्याची गरज आहे. कारण आजच्या काळात बायोलॉजी विद्यार्थ्यांसाठी असे अनेक करिअर ऑप्शन्स उपलब्ध आहेत जे केवळ नोकरीच्या संधी निर्माण करत नाहीत, तर समाजात काहीतरी सकारात्मक योगदान देण्याची संधीही देतात. MBBS शिवाय पहिला लोकप्रिय पर्याय म्हणजे BDS (बैचलर ऑफ डेंटल सर्जरी). हा कोर्स दात आणि तोंडाच्या आरोग्याशी संबंधित असून, यामध्ये दंत उपचार, सर्जरी आणि ओरल हेल्थ कसे राखावे याचे प्रशिक्षण दिले जाते. एक कुशल दंतचिकित्सक आजच्या समाजात मोठ्या प्रमाणावर गरजेचा आहे.
दुसरा पर्याय म्हणजे BAMS (बैचलर ऑफ आयुर्वेदिक मेडिसिन अॅण्ड सर्जरी). आयुर्वेदावर आधारित या कोर्समध्ये नैसर्गिक उपचार पद्धती, वनस्पतींचा उपयोग आणि पारंपरिक चिकित्सा यावर भर दिला जातो. भारतात आयुर्वेदिक वैद्यांची मागणी सातत्याने वाढते आहे. B.Pharm (बैचलर ऑफ फार्मसी) हा कोर्स फार्मास्युटिकल क्षेत्रात करिअर करू इच्छिणाऱ्या विद्यार्थ्यांसाठी आहे. या अभ्यासक्रमात औषधांचे उत्पादन, त्यांचे प्रभाव, वितरण आणि सुरक्षितता याचा सखोल अभ्यास केला जातो.
B.Sc नर्सिंग हा कोर्स देखील एक व्यावसायिक पदवी असून यामध्ये रुग्णसेवा, औषधोपचार, आणि डॉक्टरांच्या सहाय्याने हॉस्पिटलमध्ये काम कसे करायचे हे शिकवले जाते. नर्सेसची मागणी भारतात आणि परदेशातही खूप आहे. बायोटेक्नोलॉजी हा एक आधुनिक आणि वेगाने वाढणारा क्षेत्र आहे. जीवशास्त्रातील तंत्रज्ञानाचा वापर करून औषधे, कृषी आणि पर्यावरण क्षेत्रात नवकल्पना विकसित केल्या जातात. यामध्ये संशोधनासाठी प्रचंड संधी आहेत.
मायक्रोबायोलॉजी मध्ये सूक्ष्मजीवांचे (जसे की बॅक्टेरिया, विषाणू) अभ्यास केला जातो. हा अभ्यासक्रम औषधनिर्माण, अन्न प्रक्रिया व आरोग्य तपासणी क्षेत्रात करिअरच्या संधी निर्माण करतो. फॉरेन्सिक सायन्स हे क्षेत्र विज्ञान आणि गुन्हे तपास यांचा संगम आहे. यात गुन्ह्याच्या ठिकाणाहून मिळालेल्या पुराव्यांचे वैज्ञानिक विश्लेषण करून पोलिसांना मदत केली जाते. BVSc (बॅचलर ऑफ व्हेटरिनरी सायन्स) हा अभ्यासक्रम प्राणीमित्रांसाठी उपयुक्त आहे. यात पशुवैद्यकीय उपचार, लसीकरण आणि पशु संगोपन शिकवले जाते. शेवटी, BPT (बॅचलर ऑफ फिजिओथेरपी) कोर्समुळे आपण इजा किंवा व्याधीनंतर रुग्णाला पुन्हा चालण्यासाठी मदत करू शकता. शारीरिक उपचार आणि व्यायामाद्वारे फिजिओथेरपिस्ट रुग्णांचे आयुष्य पूर्ववत करण्यासाठी महत्त्वाची भूमिका बजावतात. या सर्व पर्यायांमधून आपल्याला आपल्या आवडीनुसार आणि कौशल्यांनुसार योग्य करिअर निवडता येते.
.png "Videos"){kind=small}
