DDA ने रिक्रूटमेंट ड्राइव्हसाठी परीक्षेचं वेळापत्रक केले जाहीर: ‘या’ तारखांमध्ये घेण्यात येईल परीक्षा

DDA ने 2025 भरती मोहिमेसाठी 1,732 रिक्त पदांवर मोठी नियुक्ती प्रक्रिया जाहीर केली असून स्टेज-I CBT परीक्षा 16 डिसेंबर 2025 ते 3 जानेवारी 2026 दरम्यान होणार आहे.

• रिक्त पदांमध्ये भरतीसाठी एकूण 1,732 रिक्त पदे जाहीर
• रिक्रूटमेंट ड्राइव्हसाठी परीक्षेचं वेळापत्रक जाहीर
• पुढील पदांचा समावेश आहे: डिप्टी डायरेक्टर, असिस्टंट डायरेक्टर, AEE.

दिल्ली डेवलपमेंट अथॉरिटी (DDA) ने 2025 रिक्रूटमेंट ड्राइव्हसाठी परीक्षेचं वेळापत्रक जाहीर केलं आहे. यामध्ये ग्रुप A, ग्रुप B आणि ग्रुप C चा समावेश आहे. या रिक्त पदांमध्ये भरतीसाठी एकूण 1,732 रिक्त पदे जाहीर करण्यात आली आहेत. प्राप्त झालेल्या अधिकृत माहितीनुसार, स्टेज-I CBT परीक्षा 16 डिसेंबर 2025 पासून सुरु करण्यात येणार आहे तर ही परीक्षा 3 जानेवारी 2026 पर्यंत घेतली जाणार आहे. ही भरती DDA च्या अलीकडच्या काळातील सर्वात मोठ्या मोहिमांपैकी एक मानली जात आहे. (DDA announces exam schedule for recruitment drive)

प्रोजेक्ट मुंबईकडून झिरो वेस्ट स्कूल्स सस्टेनेबिलिटी 2025 मेळाव्याचे आयोजन

या भरतीत अनेक पदे भरली जाणार आहेत. या पदांमध्ये पुढील पदांचा समावेश आहे: डिप्टी डायरेक्टर, असिस्टंट डायरेक्टर, AEE. (वरिष्ठ पदे) JE, पटवारी, JSA, स्टेनोग्राफर D, MTS. (तांत्रिक, प्रशासकीय व सपोर्ट स्टाफची पदे) ग्रुप A मध्ये 53, ग्रुप B मध्ये 324 आणि ग्रुप C मध्ये 1,355 पदे आहेत. कॅटेगरीनुसार आरक्षित प्रवर्गात या पदांना वाटण्यात आले आहे. अनारक्षित प्रवर्गासाठी 769 पदे रिक्त आहेत, OBC-NCL पदासाठी 452 रिक्त आहेत, EWS प्रवर्गासाठी 173 पदे रिक्त आहेत, SC प्रवर्गासाठी 207 पदे रिक्त आहेत आणि ST प्रवर्गासाठी 131 रिक्त पदे उपलब्ध आहेत.

या भरतीसाठी मल्टी-स्टेज सिलेक्शन प्रोसेस ठेवण्यात आली आहे. प्रथम CBT, त्यानंतर संबंधित पदांसाठी स्किल टेस्ट, टायपिंग टेस्ट किंवा इंटरव्ह्यू होणार असून शेवटी डॉक्युमेंट व्हेरिफिकेशन आणि (लागू असेल तर) मेडिकल तपासणी केली जाईल. अर्ज शुल्क UR/OBC/EWS उमेदवारांसाठी ₹2,500 तर SC/ST/PwBD/महिला/माजी सैनिक/ट्रान्सजेंडर उमेदवारांसाठी ₹1,500 आहे. आरक्षणातील पात्र उमेदवारांना ही फी परीक्षेनंतर रिफंड मिळणार असून फक्त बँक शुल्क वजा केले जाईल.

सूर्य कधी संपत नसतो! महापरिनिर्वाण दिनानिमित्त बाबासाहेबांच्या विचारांची ज्योत पेटवणारे भाषण

या संबंधित अधिक माहिती DDA च्या साईटवर प्रसिद्ध करण्यात आली आहे. अधिक खोल माहितीसाठी उमेदवारांनी त्यांच्या साईटला भेट द्यावी आणि परीक्षेच्या तयारीला लागावे.