बँकिंग क्षेत्रात काम करू इच्छिणाऱ्यांसाठी सुवर्ण संधी, Exim Bank मध्ये 18 सप्टेंबरपासून ‘या’ पदासाठी करता येणार अर्ज

इंडिया एक्झिम बँकेने मॅनेजमेंट ट्रेनी पदांच्या भरतीसाठी अर्ज मागवले आहेत. इच्छुक आणि पात्र उमेदवार बँकेच्या अधिकृत वेबसाइट eximbankindia.in द्वारे या पदासाठी ऑनलाइन अर्ज करू शकतात. चला या भरती प्रक्रियाबद्दल अधिक जाणून घेऊया.

जर तुम्हाला सुद्धा तुमच्या करियरची सुरुवात बँकिंग क्षेत्रात करायची आहे, तर ही बातमी तुमच्यासाठीच आहे. याचे कारण इंडिया एक्झिम बँकेने मॅनेजमेंट ट्रेनी पदांची भरती प्रक्रिया चालू होणार आहे. इच्छुक आणि पात्र उमेदवारांनी बँकेच्या वेबसाइटला भेट देऊन ऑनलाईन माध्यमातून संबंधित पदासाठी अर्ज करू शकतात. eximbankindia.in ही या बँकेची अधिकृत वेबसाइट आहे.

रजिस्ट्रेशन प्रक्रिया 18 सप्टेंबरपासून सुरु करण्यात येईल. अर्ज करण्याची तसेच परीक्षा शुल्क भरण्याची अंतिम तारीख 7 ऑक्टोबर आहे, याची सर्व इच्छुक उम्मेदवारांनी नोंद घ्यावी. या भरती अभियानाच्या अंतर्गत एक्झिम बँकेत 50 पदांसाठी भरती केली जाईल. लेखी परीक्षेचे आयोजन ऑक्टोबर 2024 मध्ये केले जाईल. या पदांसाठीची परीक्षा आणि इंटरव्ह्यू मुंबई, कोलकाता, पुणे, नवी दिल्ली, त्रिची, हैद्राबाद, लखनऊ, वाराणसी आणि गुवाहाटीमध्ये भारावली जाईल.

हे देखील वाचा: भारतीय स्टेट बँकेत १,५११ पदांसाठी भरती सुरु; आजपासून करता येणार अर्ज

पदांचे वितरण

• यूआर : 22 पदे
• अनुसूचित जाती: 7 पदे
• ST: 3 पदे
• OBC (NCL): 13 पदे
• EWS: 5 पदे
• PWBD: 2 पदे

हे देखील वाचा: स्वीगीमध्ये सेल्स मॅनेजरच्या पदासाठी निघाली व्हॅकन्सी; इच्छुक उमेदवार करू शकतात अर्ज

शैक्षणिक पात्रता

उमेदवारांकडे बॅचलर पदवी असणे आवश्यक आहे. पदवीमध्ये किमान 60% एकूण गुण असावे.

वयोमर्यादा – 1 ऑगस्ट 2024 पर्यंत 21 ते 28 वर्षांच्या दरम्यान असावी.

निवड प्रक्रिया

निवड प्रक्रिया लेखी परीक्षेवर आधारित असेल जी 100 गुणांची असेल. परीक्षेची वेळ 2 तास 30 मिनिटे आहे. लेखी परीक्षा आणि मुलाखतीत उमेदवाराच्या एकूण कामगिरीच्या आधारे अंतिम यादी तयार केली जाईल. अंतिम यादी लेखी परीक्षेत मिळालेल्या गुणांच्या आधारे (100 पैकी 70% वेटेजसह) आणि मुलाखतसह (100 पैकी 30% वेटेजसह) यशस्वी उमेदवारांची यादी तयार केली जाईल. राखीव प्रवर्गातील उमेदवारांसाठी भरतीपूर्व प्रशिक्षण घेण्यात येईल.

अर्ज शुल्क

सर्वसाधारण आणि ओबीसी उमेदवारांसाठी रु.600 आणि SC/ST/PWBD/EWS आणि महिला उमेदवारांसाठी रु.100.

डेबिट कार्ड (RuPay/Visa/MasterCard/Maestro), क्रेडिट कार्ड, इंटरनेट बँकिंग, IMPS, कॅश कार्ड आणि मोबाईल वॉलेट वापरून पेमेंट केले जाऊ शकते.