नर्सिंग आणि DPN/PHN सीईटी प्रवेश नोंदणीस अंतिम मुदतवाढ, तत्काळ नोंदणीसाठी आवाहन

शैक्षणिक वर्ष २०२६-२७ साठी B.Sc नर्सिंग आणि DPN/PHN सीईटी प्रवेश नोंदणीसाठी मुदतवाढ देण्यात आली आहे. ही वाढ ४ एप्रिलपर्यंत करण्यात आली असून तत्काळ नोंदणीसाठी आवाहन करण्यात आले आहे

• नर्सिंग आणि DPN/PHN सीईटी प्रवेश नोंदणीसाठी मुदतवाढ

• कधीपर्यंत करता येणार नोंदणी 

• जाणून घ्या अधिक माहिती 

मुंबई/नीता परबः राज्य सामाईक प्रवेश परीक्षा कक्षातर्फे २०२६ मध्ये घेतल्या जाणाऱ्या शैक्षणिक वर्ष २०२६-२७ साठी बीएस्सी नर्सिंग आणि जनरल नर्सिंग अँड मिडवायफरी (जीएनएम ),  डिप्लोमा इन सायकॅट्रिक (डीपीएन ) आणि पब्लिक हेल्थ नर्सिंग (पीएचएन ) या अभ्यासक्रमाच्या सीईटीसाठीच्या प्रवेश नोंदणीस अंतिम मुदतवाढ देण्यात येत आहे.  ही अंतिम मुदतवाढ ३१ मार्च ते ४ एप्रिल २०२६ पर्यंत करण्यात येत आहे. या अभ्यासक्रमाच्या सीईटी  प्रवेश नोंदणीच्या अंतिम तारखा असून विद्यार्थ्यांनी तत्काळ नोंदणी करावी असे आवाहन सीईटी कक्षांनी केले आहे. 

• बी.एस्सी नर्सिंग व डीपीएन / पीएचएन (वैद्यकीय ) या अभ्यासक्रमाच्या सीईटीच्या प्रवेश नोंदणीची अंतिम तारीख  २५ मार्च  २०२६ होती. 
• या अभ्यासक्रमाच्या सीईटीच्या प्रवेश नोंदणीची अंतिम मुदतवाढ  ३१ मार्च ते ४ एप्रिल २०२६  पर्यंत करण्यात येत आहे
• आजपर्यंत बी.एस्सी नर्सिंग या अभ्यासक्रमास ४६,४५० विद्यार्थ्यांनी नोंदणी केली आहे. २०२५ च्या  नर्सिंग सीईटी या प्रवेश परीक्षेमध्ये ४७,५०१ विद्यार्थ्यांनी नोंदणी केली होती. तर या अभ्यासक्रमाची प्रवेश परीक्षा ६ आणि ७ मे, २०२६  रोजी होणार आहे
• आजपर्यंत डीपीएन आणि  पीएचएन  या अभ्यासक्रमास ३९८ विद्यार्थ्यांनी नोंदणी केली आहे. २०२५ च्या  डीपीएन आणि पीएचएन  या प्रवेश परीक्षेमध्ये ४७७ विद्यार्थ्यांनी नोंदणी केली होती. तर या अभ्यासक्रमाची प्रवेश परीक्षा ५ मे,  २०२६  रोजी होणार आहे.

या परीक्षेसाठी ऑनलाईन अर्ज, नोंदणी वेळापत्रक आणि माहिती पुस्तिका राज्य सामाईक प्रवेश परीक्षा कक्षाच्या www.mahacet.org या अधिकृत संकेतस्थळावर उपलब्ध करून देण्यात आली आहे. या अभ्यासक्रमांसाठीची  सीईटी परीक्षा महाराष्ट्र राज्यातील विविध परीक्षा केंद्रांवर संगणकाधारित पद्धतीने ऑनलाईन घेतल्या जातील.

सोमवारी एमसीएची सीईटी प्रवेश परीक्षा! राज्यात ५५ हजार विद्यार्थी प्रवेश परीक्षा देणार

Aptitude संबंधित प्रश्नांचाही समावेश 

परीक्षेच्या पद्धतीनुसार, MH CET 2026 च्या प्रश्नांमध्ये भौतिकशास्त्र, रसायनशास्त्र, जीवशास्त्र, इंग्रजी आणि नर्सिंग अभियोग्यता या विभागांचा समावेश असेल. DPN आणि PHN परीक्षांसाठी एकूण १०० बहुपर्यायी प्रश्न विचारले जातील. परीक्षेचा कालावधी ९० मिनिटांचा असेल. प्रत्येक योग्य उत्तरासाठी एक गुण दिला जाईल आणि चुकीच्या उत्तरांसाठी नकारात्मक गुण नसतील, ज्यामुळे विद्यार्थ्यांना काहीसा दिलासा मिळेल.

CET सेलने हे देखील स्पष्ट केले आहे की, नोंदणीसाठी APAAR ID आवश्यक आहे. ज्या उमेदवारांकडे APAAR ID नाही, त्यांना DigiLocker द्वारे तो तयार करावा लागेल. APAAR ID शिवाय MH CET नोंदणी पूर्ण होऊ शकत नाही.

योग्य तपशील भरणे आवश्यक 

उमेदवारांनी हे देखील सुनिश्चित केले पाहिजे की त्यांचे आधार तपशील अद्ययावत आहेत. अर्ज भरताना, तुम्ही नाव, जन्मतारीख (तुमच्या इयत्ता १०वीच्या गुणपत्रिकेनुसार), सध्याचा फोटो, वडिलांचे नाव, पत्ता आणि मोबाईल नंबर यांसारखी माहिती अचूकपणे भरणे आवश्यक आहे. कोणत्याही चुकांमुळे पुढील प्रक्रियेत समस्या निर्माण होऊ शकतात.

एकंदरीत, नर्सिंग क्षेत्रात करिअर करू इच्छिणाऱ्या विद्यार्थ्यांसाठी ही एक महत्त्वपूर्ण संधी आहे. त्यामुळे, उमेदवारांना सल्ला दिला जातो की त्यांनी अंतिम मुदतीची वाट न पाहता नोंदणी प्रक्रिया वेळेच्या खूप आधीच पूर्ण करावी.

MSCE ने केंद्र प्रमुख परीक्षा २०२५ चा निकाल केला जाहीर; महाटीईटी/सीटीईटी माहिती भरण्याची मुदत वाढवण्यात आली