भारतीय रेल्वेत बम्पर भरती! आता आराम नाही, लवकर भराल फॉर्म तर मिळवाल संधी

रेल्वे रिक्रूटमेंट सेल (RRC) सेंट्रल रेल्वे मार्फत 2418 अप्रेंटिस पदांसाठी मोठी भरती जाहीर झाली असून अर्जाची अंतिम तारीख जवळ आली आहे. दहावी व आयटीआय उत्तीर्ण उमेदवारांना मेरिट लिस्टच्या आधारे निवड होणार आहे.

रेल्वेमध्ये करिअर करू इच्छिणाऱ्या तरुणांसाठी सुवर्णसंधी आली आहे. रेल्वे रिक्रूटमेंट सेल (RRC) सेंट्रल रेल्वे मार्फत एकूण 2418 अप्रेंटिस पदांसाठी अर्ज मागविण्यात आले आहेत. या भरतीसाठी ऑनलाइन अर्ज प्रक्रिया 12 ऑगस्ट 2025 पासून सुरू झाली असून आता अर्ज करण्याची अंतिम मुदत जवळ आली आहे. इच्छुक उमेदवारांनी तातडीने अर्ज भरावा, अन्यथा संधी हातातून जाईल. अर्जासाठी अधिकृत संकेतस्थळ आहे: www.rrccr.com

Skill Development : कौशल्य विभागाच्या संस्थांमध्ये केवळ स्वदेशी कन्सलटंसी कंपन्यांनाच प्राधान्य, मंगलप्रभात लोढा यांचा निर्णय

निवड प्रक्रिया

या भरतीसाठी कोणतीही लेखी परीक्षा होणार नाही. उमेदवारांची निवड मेरिट लिस्ट आधारे केली जाणार आहे. म्हणजेच, उमेदवारांचे दहावी व आयटीआयचे गुण यांचा विचार करून निवड निश्चित होईल.

शैक्षणिक पात्रता

• उमेदवार किमान दहावी उत्तीर्ण (50% गुणांसह) असणे आवश्यक.
• त्याचबरोबर NCVT मान्यताप्राप्त ट्रेडमधील ITI प्रमाणपत्र आवश्यक आहे.

फिटर, टर्नर, वेल्डर, इलेक्ट्रिशियन, मशीनिस्ट, यांत्रिक मेकॅनिक, लॅब असिस्टंट इत्यादी विविध ट्रेडमध्ये अप्रेंटिसची संधी उपलब्ध आहे.

वयोमर्यादा

• अर्जदाराचे वय किमान 15 वर्षे पूर्ण असावे.
• 12 ऑगस्ट 2025 पर्यंत 24 वर्षांपेक्षा जास्त वय नसावे.
• राखीव प्रवर्गांना वयोमर्यादेत सवलत: SC/ST उमेदवारांना 5 वर्षे, तर OBC उमेदवारांना 3 वर्षे.

अशा प्रकारे करा अर्ज….

1. उमेदवारांनी सर्वप्रथम अधिकृत संकेतस्थळ 👉 www.rrccr.com ला भेट द्यावी.
2. लॉगिन करून आपली वैयक्तिक माहिती, आधार क्रमांक, शैक्षणिक तपशील योग्य प्रकारे भरावा.
3. नाव, जन्मतारीख, वडिलांचे नाव ही माहिती मॅट्रिक मार्कशीटप्रमाणे भरावी.
4. क्लस्टर व त्यातील युनिट्स निवडाव्यात.
5. पासपोर्ट फोटो व स्वाक्षरी योग्य साइजमध्ये अपलोड करावी.
6. त्यानंतर अर्ज शुल्क भरून, अर्ज सबमिट करावा.
7. सबमिट केलेल्या अर्जाची प्रिंटआउट काढून भविष्यासाठी जतन करून ठेवावी.

इंटेलिजन्स ब्युरो (IB)मध्ये भरती! सुरक्षा सहाय्यक मोटर ट्रान्सपोर्ट पदासाठी करा अर्ज

महत्त्वाची सूचना

• उमेदवाराकडे सक्रिय ईमेल आयडी आणि मोबाइल नंबर असणे गरजेचे आहे.
• सर्व माहिती अचूक भरली नसल्यास अर्ज नाकारला जाऊ शकतो.
• भरतीसंबंधी पुढील अद्ययावत माहिती मिळविण्यासाठी नियमितपणे अधिकृत वेबसाइट तपासावी.
• रेल्वेतील ही बम्पर भरती तरुणांसाठी स्थिर नोकरीची उत्तम संधी आहे. त्यामुळे वेळ न दवडता आजच अर्ज करा.