UPSC Exam पास न करताही जाता येईल LBSNAA मध्ये; जाणून घ्या मसूरी कॅंपसमध्ये जाण्याचे ‘हे’ गुपिते

LBSNAA Entry Without Crack UPSC Exam: अनेकांना वाटते की LBSNAA मध्ये फक्त आयएएस अधिकाऱ्यांचीच एन्ट्री असते. पण यूपीएससी परीक्षा न देताही इंटर्नशिप आणि विशेष कार्यक्रमांच्या माध्यमातून येथे कसे पोहोचता येते, हे जाणून घ्या.

LBSNAA Entry Without Crack UPSC Exam: मसुरीच्या सुंदर टेकड्यांमध्ये वसलेल्या लाल बहादूर शास्त्री राष्ट्रीय प्रशासन अकादमी (LBSNAA) चे नाव ऐकताच डोळ्यांसमोर ट्रेनी आयएएस-आयपीएस अधिकाऱ्यांचे चित्र उभे राहते. दरवर्षी लाखो तरुण यूपीएससीची कठीण परीक्षा पास करून या कॅंपसमध्ये पोहोचण्याचे स्वप्न पाहतात. परंतु, यूपीएससीची परीक्षा पास न करताही या प्रतिष्ठित संस्थेमध्ये प्रवेश मिळवता येऊ शकतो, हे तुम्हाला माहीत आहे का? ऐकायला थोडे विचित्र वाटले तरी हे अगदी सत्य आहे.

अनेकांना असे वाटते की LBSNAA मध्ये फक्त सिव्हिल सर्व्हिसेसचे निवडक ट्रेनी अधिकारीच जाऊ शकतात, परंतु वस्तुस्थिती याच्या पूर्णपणे उलट आहे. हा कॅंपस फक्त आयएएस, आयपीएस आदींच्या प्रशिक्षणाचा अड्डा नाही, तर देशातील सर्वात मोठ्या वैचारिक आणि प्रशासनिक मंथनाचा केंद्रबिंदू आहे. येथे असे अनेक कार्यक्रम चालवले जातात, ज्यांच्या माध्यमातून यूपीएससी पास न करताही येथे प्रवेश मिळवता येऊ शकतो.

यूपीएससी पास न करता LBSNAA मध्ये एन्ट्री मिळवण्याचे मार्ग:

१. इंटर्नशिपचा मार्ग :

यूपीएससी पास न केल्यावरही LBSNAA च्या आतील वातावरणाचा जवळून अनुभव घेण्याचा सर्वोत्तम मार्ग म्हणजे इंटर्नशिप. LBSNAA च्या नॅशनल सेंटर फॉर लॉ अँड एडमिनिस्ट्रेशन (NCLA) ने फायनल इयरच्या लॉ विद्यार्थ्यांसाठी ४ आठवड्यांची अकॅडमीक इंटर्नशिप सुरू केली आहे. याद्वारे देशातील टॉप प्रशासकीय अधिकारी आणि फॅकल्टीसोबत गव्हर्नन्स व ॲडमिनिस्ट्रेटिव्ह लॉवर संशोधन करण्याची संधी मिळते. याशिवाय पब्लिक पॉलिसी, सोशल सायन्सेस, मीडिया आणि रिसर्चशी संबंधित तरुणांसाठीही विविध सेंटर्सच्या माध्यमातून प्रोजेक्ट बेस्ड इंटर्नशिपचे दरवाजे खुले असतात.

Ajit Doval and S Jaishankar: BRICS परिषदेपासून जागतिक मंचांपर्यंत; देशाचे ‘हे’ दोन शिलेदार नेमकं किती शिकलेत?

२. मिड-करियर ट्रेनिंग प्रोग्राम्स:

यूपीएससीशिवाय LBSNAA मध्ये प्रवेश मिळवण्याचा आणखी एक मार्ग म्हणजे मिड-करियर ट्रेनिंग प्रोग्राम. देशातील विविध केंद्रीय सेवांच्या (जसे की IRS, IPS, IFoS इ.) सीनियर अधिकाऱ्यांना आणि राज्य सिव्हिल सर्व्हिसेसच्या (State PCS) अनुभवी अधिकाऱ्यांना रिफ्रेशर कोर्ससाठी मसुरी पाठवले जाते. याशिवाय, देश-विदेशातील मॅनेजमेंट, इकॉनॉमिक्स आणि टेक्नॉलॉजीच्या दिग्गजांना गेस्ट लेक्चरर, कन्सल्टंट किंवा रिसर्चर म्हणून येथे आमंत्रित केले जाते.

Pune University news: विद्यार्थ्यांच्या आंदोलनाला यश! पुणे विद्यापीठाने मागे घेतली मेसची दरवाढ

३. शैक्षणिक दौरे :

सामान्य लोक LBSNAA फिरू शकतात का? हा प्रश्न अनेकांच्या मनात असतो. हे कोणतेही सामान्य पर्यटन ठिकाण नसल्यामुळे येथे थेट एन्ट्री बंद आहे. मात्र, निवडक विद्यापीठे आणि संशोधन संस्थांचे विद्यार्थी एज्युकेशनल टूरच्या माध्यमातून विशेष परवानगीने येथे भेट देऊ शकतात. LBSNAA ही कोणतीही साधी इमारत नसून ज्ञानाचे मंदिर आहे, जिथे आपल्या कौशल्याच्या आणि पात्रतेच्या दमवर या निवडक मार्गांनी प्रवेश केला जाऊ शकतो.