Mumbai Veterinary College: मुंबई पशुवैद्यकीय महाविद्यालयात नोकरीची संधी; ‘या’ दिवशी होणार थेट मुलाखतीद्वारे भरती

Mumbai Veterinary College Walk-in Interview 2026: महाराष्ट्र पशु व मत्स्य विज्ञान विद्यापीठांतर्गत मुंबई पशुवैद्यकीय महाविद्यालयात वरिष्ठ वैज्ञानिक आणि वैज्ञानिक पदांच्या भरतीसाठी ८ ऑक्टोबर २०२६ रोजी वॉक-इन-इंटरव्ह्यूचे आयोजन करण्यात आले आहे.

• मुंबई पशुवैद्यकीय महाविद्यालयात वरिष्ठ वैज्ञानिक आणि वैज्ञानिक पदांसाठी भरती
• आकर्षक वेतनासह कंत्राटी तत्वावर भरल्या जाणार जागा
• थेट मुलाखतीद्वारे भरल्या जाणार या जागा

Mumbai Veterinary College Walk-in Interview 2026: महाराष्ट्र पशु व मत्स्य विज्ञान विद्यापीठांतर्गत मुंबई पशुवैद्यकीय महाविद्यालय, परळ, मुंबई येथे ‘AICRP on Post Harvest Engineering & Technology’ या आयसीएआर (ICAR) प्रायोजित प्रकल्पांतर्गत काही तात्पुरत्या पदांसाठी वॉक-इन-इंटरव्ह्यूचे (थेट मुलाखत) आयोजन करण्यात आले आहे. या भरती प्रक्रियेद्वारे ‘वरिष्ठ वैज्ञानिक’ आणि ‘वैज्ञानिक’ पदांची भरती केली जाणार आहे.

या मुलाखती ८ ऑक्टोबर २०२६ रोजी सकाळी ९:०० वाजल्यापासून मुंबई पशुवैद्यकीय महाविद्यालय, परळ, मुंबई येथे पार पडणार आहेत. इच्छुक आणि पात्र उमेदवारांनी ठरवून दिलेला अर्ज ‘Appendix-A’ मधील नमूद माहितीसह आणि आपल्या मूळ प्रमाणपत्रांसह तसेच स्व-साक्षांकित झेरॉक्स प्रतींच्या एका सेटसह सकाळी ९:०० ते ११:०० या वेळेत उपस्थित राहणे बंधनकारक आहे.

UPSC Exam पास न करताही जाता येईल LBSNAA मध्ये; जाणून घ्या मसूरी कॅंपसमध्ये जाण्याचे ‘हे’ गुपिते

पदाचा तपशील आणि पात्रता:

वरिष्ठ वैज्ञानिक (पशुवैद्यकीय विज्ञान) – १ जागा: या पदासाठी उमेदवाराकडे पशु उत्पादन तंत्रज्ञान, पशुवैद्यकीय सार्वजनिक आरोग्य किंवा संबंधित विषयात डॉक्टरेट पदवी असणे आवश्यक आहे. तसेच संबंधित विषयात संशोधनाचा ८ वर्षांचा अनुभव असणे गरजेचे आहे. या पदासाठी मूळ वेतनाचा दर ५९,६०० रुपये अधिक महागाई भत्ता (DA) आणि घरभाडे भत्ता (HRA) दिला जाणार असून, पेमेंट एकत्रित वेतनावर दिले जाईल.

वैज्ञानिक (पशुवैद्यकीय विज्ञान) – २ जागा: या पदासाठी उमेदवाराकडे संबंधित विषयात मास्टर पदवी असणे आवश्यक आहे. या पदासाठी ५७,७०० रुपये मूळ वेतन अधिक डीए आणि एचआरए दिले जाईल.

विद्यार्थ्यांच्या भवितव्याशी खेळणाऱ्या कंपन्यांना IIT चा दणका! जॉब ऑफर्स परत घेणाऱ्या ‘या’ कंपन्यांसोबत संपवले सर्व संबंध..

कंत्राटी स्वरूपावर भरती

या सर्व जागा पूर्णपणे कंत्राटी स्वरूपाच्या असून प्रकल्प असेपर्यंत किंवा प्रकल्पाच्या समाप्तीपर्यंत लागू राहतील. मुलाखतीसाठी येणाऱ्या उमेदवारांना कोणताही प्रवास भत्ता (TA/DA) दिला जाणार नाही. वयोमर्यादा शासनाच्या नियमानुसार ठरवली जाईल.