SBI Clerk recruitment: एसबीआयकडून तब्बल ९,७६६ पदांसाठी मेगा भरती जाहीर; कोण करू शकते अर्ज? जाणून घ्या सविस्तर!

SBI Clerk recruitment 2026 official notification: स्टेट बँक ऑफ इंडिया (SBI) ने क्लर्कच्या ९,७६६ रिक्त पदांवर भरतीसाठी नोटिफिकेशन जारी केले आहे. पात्रता, वयोमर्यादा आणि अर्ज करण्याची संपूर्ण प्रक्रिया जाणून घ्या.

SBI Clerk recruitment 2026 official notification: दहावी, बारावी किंवा अगदी पदवीपर्यंत (ग्रॅज्युएशन) शिक्षण घेणाऱ्या बहुतांश लोकांचे पहिले ध्येय सरकारी नोकरी मिळवणे असते. सरकारी नोकरी मिळावी म्हणून ते विविध परीक्षांमध्येही सहभागी होतात. जे उमेदवार बँकिंग क्षेत्रात सरकारी नोकरी शोधत आहेत आणि सरकारी बँकेत रिक्त जागा निघण्याची वाट पाहत होते, त्यांच्यासाठी एक आनंदाची बातमी आहे. ‘भारतीय स्टेट बँक’ ने क्लर्क पदांच्या भरतीसाठी अधिसूचना जारी करण्यासोबतच अर्ज करण्याची प्रक्रिया देखील सुरू केली आहे.

एसबीआय क्लर्क ९,७६६ रिक्त पदांवर भरती

एसबीआयच्या भरती अधिसूचनेनुसार, एकूण ९,७६६ रिक्त पदांच्या भरतीमध्ये ७,६८० नियमित (रेगुलर) पदे आणि २,०८६ बॅकलॉग पदांचा समावेश आहे. पात्र आणि इच्छुक उमेदवारांसाठी ११ ऑगस्ट ते ३१ ऑगस्ट २०२६ या कालावधीत अर्ज करण्यासाठी विंडो खुली राहणार आहे. अर्ज करण्यापूर्वी कोणत्या राज्यामध्ये किती रिक्त जागा आहेत, हे एकदा नक्की तपासून घ्या.

एसबीआय क्लर्क पदांनुसार राज्यनिहाय रिक्त जागा

भारतीय स्टेट बँकेने क्लर्कच्या रिक्त पदांची विभागणी छत्तीसगड, गुजरात, मध्य प्रदेश, जम्मू-काश्मीर, हिमाचल प्रदेश, तेलंगणा, लद्दाख, राजस्थान, उत्तर प्रदेश, गोवा आणि ईशान्येकडील राज्यांसह अनेक राज्ये आणि केंद्रशासित प्रदेशांमध्ये केली आहे. याशिवाय जनरल, ओबीसी, एससी, एसटी अशा प्रवर्गांनुसारही पदांची भरती केली जाईल.

Independence Day: लाल किल्ल्यावर इतिहासात प्रथमच घडणार मोठी घटना; पंतप्रधानांच्या भाषणापूर्वी गायले जाणार ‘हे’ गीत!

प्रवर्गनिहाय उमेदवारांसाठी किती पदे रिक्त?

सामान्य वर्ग : ३,२५३ पदे

ओबीसी : १,७१६ पदे

एससी : १,११४ पदे

एसटी : ८३७ पदे

इब्ल्यूएस : ७६० पदे

एसबीआय क्लर्क भरती २०२६ बद्दल अधिक माहितीसाठी तुम्ही थेट लिंकवर क्लिक करू शकता. लक्षात ठेवा की, तुम्ही ज्या राज्यासाठी अर्ज करत आहात, तेथील स्थानिक भाषा बोलता आणि लिहिता आली पाहिजे.

कोण अर्ज करू शकते?

एसबीआय क्लर्क भरती २०२६ अंतर्गत कोणत्याही शाखेतून पदवी (बॅचलर डिग्री) उत्तीर्ण झालेले उमेदवार अर्ज करू शकतात. वयोमर्यादेचा विचार केला तर, किमान वयोमर्यादा २० वर्षे आणि कमाल वयोमर्यादा २८ वर्षे आहे. जे उमेदवार पदवीच्या अंतिम वर्षात आहेत, ते सुद्धा यासाठी अर्ज करू शकतात.

Government School: एका वर्षात देशात १० हजारांहून अधिक प्राथमिक शाळा घटल्या; लोकसभेत समोर आलेले धक्कादायक आकडे एकदा बघाच…

एसबीआय क्लर्क पदासाठी अर्ज कसा करावा?

1. सर्वात प्रथम एसबीआयच्या अधिकृत संकेतस्थळाला sbi.bank.in भेट द्या.

2. होमपेजवर ‘Careers’ सेक्शन दिसेल, त्यावर क्लिक करा.

3. त्यानंतर वर दिलेल्या पर्यायांमध्ये ‘Join SBI’ वर क्लिक करा.

4. नंतर ‘Current Openings’ वर क्लिक केल्यानंतर ‘SBI Clerk Notification 2026’ दिसून येईल.

5. जर ते दिसत नसेल तर तुम्ही सर्च करू शकता किंवा थेट लिंकवर क्लिक करून थेट अर्ज करू शकता.

6. ‘Apply Now’ वर क्लिक केल्यानंतर सर्व आवश्यक तपशील भरा आणि फॉर्म सबमिट करा.

7. अर्ज सादर केल्यानंतर भविष्यातील संदर्भासाठी कन्फर्मेशन पेजची पीडीएफ (PDF) डाऊनलोड करून सुरक्षित ठेवा.