South Indian Bank Recruitment 2026: महाराष्ट्रातील तरुणांसाठी सुवर्णसंधी; जुनियर ऑफिसर पदांसाठी २७ ऑक्टोबरपर्यंत अर्ज सरू

South Indian Bank Recruitment 2026: साऊथ इंडियन बँकेने ‘जुनियर ऑफिसर (ऑपरेशन्स)’ पदांच्या रिक्त जागा भरण्यासाठी पात्र भारतीय नागरिकांकडून ऑनलाईन अर्ज मागवले आहेत.

• साऊथ इंडियन बँकेत जुनियर ऑफिसर पदांसाठी बंपर भरती
• महाराष्ट्रातील रिक्त जागांसाठीची ठिकाणे:
• अर्ज कसा करावा?

South Indian Bank Recruitment 2026: साऊथ इंडियन बँकेने ‘जुनियर ऑफिसर (ऑपरेशन्स)’ पदांच्या रिक्त जागा भरण्यासाठी पात्र भारतीय नागरिकांकडून ऑनलाईन अर्ज मागवले आहेत. महाराष्ट्रातील उमेदवारांसाठी देखील ही सुवर्णसंधी असून औरंगाबाद नागपूर पुणे ठाणे, आणि मुंबई उपनगरात जागा उपलब्ध आहेत. यासाठी ऑनलाइन अर्ज प्रक्रिया सुरू झाले असून २७ ऑक्टोबर २०२६ पर्यंत अर्ज करण्याची अंतिम तारिख आहे.

पात्रता आणि वयोमर्यादा:

या पदासाठी अर्ज करणाऱ्या पात्र उमेदवाराचा जन्म ०१.१०.१९९८ रोजी किंवा त्यानंतर झालेला असावा आणि कमाल वय २८ वर्षे असावे. तसेच SC/ST उमेदवारांसाठी वयात ५ वर्षांची सवलत लागू आहे. तसेच त्याने कोणत्याही शाखेतील पदवी किमान ५०% गुणांसह उत्तीर्ण असणे गरजेचे आहे. पात्र उमेदवारांना बँका किंवा NBFC मध्ये किमान २ वर्षांचा कामाचा अनुभव आवश्यक आहे.

DY Patil Pune: पुण्याच्या डी. वाय. पाटील विद्यापीठाच्या शिरपेचात मानाचा तुरा! ‘या’ ३ वैज्ञानिकांनी जागतिक पातळीवर मिळवले स्थान

महाराष्ट्रातील रिक्त जागांसाठीची ठिकाणे:

औरंगाबाद, नागपूर, पुणे, ठाणे आणि मुंबई उपनगर आणि संबंधित राज्य किंवा केंद्रशासित प्रदेशातील रहिवासी असलेले उमेदवारच अर्ज करण्यास पात्र आहेत आणि स्थानिक भाषेचे प्राविण्य असलेल्यांना प्राधान्य दिले जाईल.

पगार आणि इतर लाभ :

निवड झालेल्या उमेदवारांना एकूण वार्षिक सीटीसी (CTC) सुमारे ₹५.१४ लाख मिळेल. याशिवाय बँकेच्या खर्चाने ४० लाख रुपयांपर्यंतचा ग्रुप पर्सनल अपघात विमा आणि ५,२५,००० रुपयांची आरोग्य विमा पॉलिसी दिली जाईल. यामध्ये सुरवातीला ३ वर्षांच्या करारावर (Contract) नियुक्ती केली जाईल, जी कामगिरीच्या मूल्यांकनावर बँकेच्या विवेकबुद्धीनुसार नूतनीकरण योग्य राहील.

Anand Kumar News: ‘सुपर ३०’ चा आनंद कुमार जपानमध्ये चर्चेत; पण काय नेमकं कारण? जाणून घ्या

अर्ज कसा करावा?

इच्छुक आणि पात्र उमेदवारांनी बँकेच्या अधिकृत वेबसाइटवर (www.southindianbank.bank.in किंवा [https://recruit.southindianbank.com/RDC/](https://recruit.southindianbank.com/RDC/)) जाऊन केवळ ऑनलाइन पद्धतीने २७ ऑक्टोबर २०२६ पूर्वी अर्ज करणे आवश्यक आहे. इतर कोणत्याही माध्यमातून केलेले अर्ज स्वीकारले जाणार नाहीत.