शिक्षण क्षेत्रात करिअर करायचे आहे? ‘Teach For India’ फेलोशिपद्वारे विद्यार्थ्यांना शिकवण्याची संधी मिळणार..

Teach For India Fellowship application: जर तुम्ही नुकतेच पदवीधर झाला असाल किंवा तरुण व्यावसायिक असाल आणि शिक्षण क्षेत्रात उत्कृष्ट करिअरची संधी शोधत असाल, तर ही बातमी तुमच्यासाठी आहे. ‘टीच फॉर इंडिया’ ने फेलोशिप २०२६ साठी अर्ज मागवले आहेत. हा २ वर्षांचा फुल-टाइम ‘पेइंग’ प्रोग्राम आहे. यामध्ये तरुणांना देशातील नामवंत लीडर्स आणि शिक्षकांसोबत काम करण्याची आणि मुलांचे भविष्य घडवण्याची थेट संधी मिळते.

टीच फॉर इंडिया फेलोशिपसाठी बीएड पदवीची गरज नाही. टीच फॉर इंडियाच्या सीनियर डायरेक्टर तान्या अरोरा यांच्या मते, संस्था अशा तरुणांचा शोध घेत आहे जे केवळ पुस्तकी ज्ञान न देता मुलांमध्ये क्रिटिकल थिंकिंग, प्रॉब्लेम सॉल्व्हिंग आणि लीडरशिप यांसारखी २१ व्या शतकातील कौशल्ये विकसित करू शकतील. ही फेलोशिप पूर्ण केल्यानंतर कॉर्पोरेट, सोशल सेक्टर आणि पॉलिसी मेकिंगशी संबंधित मोठ्या कंपन्यांमध्ये करिअरचे मार्ग खुले होतात.

टीच फॉर इंडिया फेलोशिप नक्की काय आहे?

हा एक २ वर्षांचा लीडरशिप डेव्हलपमेंट प्रोग्राम आहे, ज्यामध्ये तरुणांना देशातील कमी उत्पन्न असलेल्या शाळांमध्ये फुल-टाइम शिक्षक म्हणून नियुक्ती मिळते. येथे केवळ अभ्यासक्रम शिकवायचा नसून मुलांच्या सर्वांगीण विकासासाठी ८ ‘सी’ (क्रिटिकल थिंकिंग, क्युरिऑसिटी, करेज, कम्युनिकेशन इ.) वर काम करायचे असते. हा अनुभव तरुणांना भविष्यातील मोठ्या कॉर्पोरेट आणि सोशल लीडरशिप नोकऱ्यांसाठी तयार करतो.

पात्रता

शैक्षणिक पात्रता: देशातील किंवा परदेशातील कोणत्याही मान्यताप्राप्त विद्यापीठातून कोणत्याही शाखेतून पदवी असणे अनिवार्य आहे.

फ्रेशर आणि अनुभवी: कॉलेजचे अंतिम वर्षाचे विद्यार्थी, फ्रेश ग्रॅज्युएट्स आणि वर्किंग प्रोफेशनल्स देखील यासाठी पात्र आहेत.

इतर: इंग्रजी भाषेवर चांगले प्रभुत्व, शिकण्याची इच्छा आणि समाजात बदल घडवण्याची जिद्द असावी.

मिळणारे लाभ

मासिक स्टायपेंड: अंदाजे २०,००० ते २५,००० रुपये प्रति महिना.

घरभाडे भत्ता: जर तुम्हाला होमटाऊनबाहेर दुसऱ्या शहरात नियुक्त केले तर अतिरिक्त HRA भत्ता दिला जातो.

इतर लाभ: आरोग्य विमा, रजा भत्ता आणि राष्ट्रीय स्तराचे अनुभव प्रमाणपत्र.

निवड प्रक्रिया:

टीच फॉर इंडियाची निवड प्रक्रिया ३ टप्प्यांत पूर्ण होते:

१. ऑनलाइन अर्ज: वैयक्तिक माहिती आणि निबंध सबमिट करणे.
२. ऑनलाइन चाचणी/मुलाखत: शॉर्टलिस्ट केलेल्या उमेदवारांसाठी असेसमेंट असते.
३. असेसमेंट सेंटर: १-ऑन-१ मुलाखत, गटचर्चा आणि एक छोटा टीचिंग डेमो.

NEET UG Counselling: नीटच्या विद्यार्थ्यांसाठी मोठी खूशखबर! अर्जातील चुका सुधारण्यासाठी ‘रजिस्ट्रेशन रिसेट’चा पर्याय सुरू..

करिअरच्या संधी

टीच फॉर इंडियाच्या १,५८० हून अधिक माजी विद्यार्थ्यांच्या अभ्यासानुसार, ७९% पूर्व विद्यार्थ्यांना मोठ्या कंपन्या आणि संस्थांमध्ये लीडरशिप रोल मिळाले आहेत. फेलोशिप संपल्यानंतर McKinsey, BCG, Teach For All, नीती आयोग यांसारख्या मोठ्या एडटेक आणि एनजीओ कंपन्यांमध्ये प्लेसमेंटचे दरवाजे खुले होतात. इच्छुक उमेदवार teachforindia.org या वेबसाइटवर जाऊन ऑनलाइन अर्ज करू शकतात.

Study in UK: युकेमध्ये शिकण्याचे स्वप्न होणार पूर्ण! ‘या’ स्कॉलरशिपची पात्रता आणि अर्ज प्रक्रिया लगेच जाणून घ्या!

८ ‘सी’ (8 Cs) चा जादुई फॉर्म्युला

मुलांच्या विकासासाठी क्लासरूममध्ये ८ ‘सी’ वर काम करणे आवश्यक आहे. यामध्ये क्रिटिकल थिंकिंग, क्युरिऑसिटी, करेज (साहस), कम्युनिकेशन, कोलॅबोरेशन, कंपॅशन (करुणा) आणि कॉन्शियसनेस (चेतना) यांचा समावेश होतो. याच मॉडेलवर काम करून अनेक फेलोशिप घेणाऱ्या विद्यार्थ्यांनी समाजात मोठे बदल घडवले आहेत.