करिअर घडवण्याची उत्तम साथ! ‘My Career Advisor App’ करा डाउनलोड, नका घेऊ करिअरचा लोड

शिक्षण मंत्रालयाने विद्यार्थ्यांसाठी ‘My Career Advisor App’ लॉंच केले असून ते एआयच्या आधारे मोफत करिअर मार्गदर्शन देणार आहे.

आजच्या काळात करिअरची निवड हा प्रत्येक विद्यार्थी आणि पालकांसाठी मोठा प्रश्न ठरतो. दहावी किंवा बारावी झाल्यानंतर पुढे कोणता कोर्स करावा? कोणत्या क्षेत्रात चांगले भविष्य आहे? कोणत्या क्षेत्रात आर्थिक स्थैर्य आणि चांगली सैलरी मिळेल? अशा प्रश्नांनी विद्यार्थी आणि पालक दोघेही गोंधळून जातात. यावर उपाय म्हणून शिक्षण मंत्रालयाने विद्यार्थ्यांसाठी एक खास मोबाईल App आणले आहे.

‘जेम अँड ज्वेलरी शो’चं मुख्यमंत्र्यांच्या हस्ते उदघाटन

हे App म्हणजेच ‘My Career Advisor App’. हे एक AI (Artificial Intelligence) आधारित मोफत करिअर सल्लागार App असून विद्यार्थ्यांच्या कौशल्ये, आवडीनिवड आणि क्षमतांनुसार करिअरची दिशा दाखवते. राष्ट्रीय शिक्षण धोरण (NEP) 2020 च्या पाचव्या वर्धापन दिनानिमित्त हे App लॉंच करण्यात आले आहे.

या App ची खास वैशिष्ट्ये

• विद्यार्थ्यांच्या टॅलेंट आणि स्किल्सनुसार योग्य करिअरचे मार्गदर्शन
• 1500 हून अधिक करिअर ऑप्शन्सची माहिती
• पर्सनलाइज्ड (वैयक्तिक) मार्गदर्शनाची सुविधा
• कोर्स आणि कॉलेजविषयी सविस्तर माहिती
• करिअर प्लॅनिंग शेअर करण्याचा पर्याय
• केवळ विद्यार्थीच नव्हे तर इतर इच्छुक लोकांसाठीही हे अॅप मोफत उपलब्ध

App विद्यार्थ्यांसाठी कसे उपयुक्त?

बर्‍याचदा विद्यार्थी चुकीच्या सल्ल्यामुळे आपली करिअर दिशा हरवतात. ‘My Career Advisor App’ मात्र विद्यार्थ्यांच्या आवडीनिवड आणि क्षमतांचा सखोल अभ्यास करून त्यांना योग्य कोर्स आणि करिअरची दिशा दाखवते. भविष्यात कोणत्या क्षेत्रात अधिक संधी उपलब्ध आहेत, याबाबतची माहितीही या App द्वारे मिळू शकते. त्यामुळे करिअर निवडताना होणारा गोंधळ टाळता येतो.

दिल्लीत जाऊन काम करण्याची संधी! हजारो पदे भरण्यात येणार; आजच करा अर्ज

कसे डाउनलोड कराल?

1. आपल्या मोबाईलवर Google Play Store उघडा.
2. सर्च बारमध्ये ‘My Career Advisor App’ टाईप करा.
3. अॅप दिसल्यावर डाउनलोड वर क्लिक करा.
4. अॅपमध्ये आपली मूलभूत माहिती एंटर करा.
5. आता एआय-आधारित मोफत सल्ल्याद्वारे आपल्या करिअरसाठी सर्वोत्तम पर्याय पाहू शकता.

विद्यार्थ्यांना योग्य मार्गदर्शन देण्यासाठी सरकारकडून हा मोठा उपक्रम आहे. मोफत उपलब्ध असलेल्या या अॅपमुळे करिअर निवडण्याचा ताण कमी होईल आणि योग्य करिअर निवडण्यासाठी दिशा मिळेल. म्हणूनच, करिअरबद्दल चिंता करण्याऐवजी ‘My Career Advisor App’ डाउनलोड करा आणि भविष्याचा मार्ग अधिक सोपा करा.