दोन लाख आयटीआय विद्यार्थ्यांना आपत्ती व्यवस्थापनाचे प्रशिक्षण! मंत्री मंगलप्रभात लोढा यांची संकल्पना

राज्यातील दोन लाख आयटीआय विद्यार्थ्यांना आपत्ती व्यवस्थापनाचे प्रशिक्षण देण्याचा निर्णय घेण्यात आला आहे. हा उपक्रम मंगलप्रभात लोढा यांच्या संकल्पनेतून राबविण्यात येत आहे.

फोटो सौजन्य - Social Media

Follow Us

Follow Us:

राज्यातील सुमारे दोन लाख आयटीआय विद्यार्थ्यांना टप्प्याटप्प्याने आपत्ती व्यवस्थापनाचे विशेष प्रशिक्षण देण्याचा महत्त्वपूर्ण निर्णय घेण्यात आला आहे. कौशल्य विकास, रोजगार, उद्योजकता व नाविन्यता मंत्री मंगलप्रभात लोढा यांच्या संकल्पनेतून हा उपक्रम राबविण्यात येत असून, यासाठी अनिरुद्धाज् अकॅडमी ऑफ डिझास्टर मॅनेजमेंट आणि व्यवसाय शिक्षण व प्रशिक्षण संचालनालय (कौशल्य विभाग) यांच्यात सामंजस्य करार करण्यात आला आहे. या उपक्रमामुळे तांत्रिक शिक्षण घेत असलेल्या विद्यार्थ्यांना सामाजिक जबाबदारीची जाणीव करून देत प्रत्यक्ष आपत्तीच्या प्रसंगी काम करण्याचे कौशल्य प्राप्त होणार आहे.

आपत्ती आली तरी घाबरू नका! ‘दोन लाख विद्यार्थ्यांना…’; Mangal Prabhat Lodha यांची संकल्पना

मंत्री लोढा यांनी यावेळी सांगितले की, आपत्ती ही कधीही आणि कुठेही उद्भवू शकते. ती नैसर्गिक असो—जसे पूर, भूकंप, चक्रीवादळ—किंवा मानवनिर्मित असो, अशा वेळी तत्काळ आणि शिस्तबद्ध प्रतिसाद देणारी प्रशिक्षित मनुष्यबळाची आवश्यकता असते. युवकांमध्ये ऊर्जा, धाडस आणि कार्यक्षमता असते. योग्य प्रशिक्षण दिल्यास हेच युवक जिल्हा आपत्ती व्यवस्थापन यंत्रणेला प्रभावी सहकार्य करू शकतात. जनसेवेच्या भावनेतून देशसेवेसाठी सज्ज असलेली युवा पिढी तयार करणे हा या उपक्रमाचा मुख्य उद्देश असल्याचे त्यांनी स्पष्ट केले.