Udgir Urban Co-Op Bank Recruitment 2026: बँकिंग क्षेत्रात करिअरची सुवर्णसंधी! उदगीर अर्बन बँकेत ‘या’ पदांसाठी भरती जाहीर

Udgir Urban Co-Op Bank Recruitment 2026: दि उदगीर अर्बन को ऑप बँक लि., उदगीर अंतर्गत शाखेतील विविध पदांसाठी भरती जाहीर करण्यात आली आहे. ३१ ऑक्टोबर २०२६ पर्यंत अर्ज करण्याचे आवाहन आहे.

• बँकिंग क्षेत्रात करिअर करू इच्छिणाऱ्या सुशिक्षित तरुणांसाठी एक सुवर्णसंधी
• उदगीर अर्बन बँकेत विविध पदांसाठी भरती सुरू
• अर्ज करण्याची अंतिम तारीख आणि पत्ता जाणून घ्या 

Udgir Urban Co-Op Bank Recruitment 2026: बँकिंग क्षेत्रात करिअर करू इच्छिणाऱ्या सुशिक्षित तरुणांसाठी एक सुवर्णसंधी उपलब्ध झाली आहे. ‘दि उदगीर अर्बन को ऑप बँक लि., उदगीर’ अंतर्गत विविध शाखांसाठी रिक्त पदांवर भरती प्रक्रिया राबवली जात असून, यासाठी पात्र उमेदवारांकडून अर्ज मागवण्यात येत आहेत. बँकेच्या मुख्य कार्यालयामार्फत जारी करण्यात आलेल्या जाहिरातीनुसार, शाखा व्यवस्थापक, लिपिक, शिपाई आणि पिग्मी एजंट या पदांसाठी ही भरती केली जाणार आहे.

पदांचा तपशील आणि शैक्षणिक पात्रता:

१. शाखा व्यवस्थापक (२ जागा): मुख्यालयांतर्गत देगलूर व लातूर शाखांसाठी ही पदे आहेत. कोणत्याही शाखेतील पदवीधर किंवा वाणिज्य शाखेची पदवी असणाऱ्यांना विशेष प्राधान्य दिले जाईल, तसेच बँकिंग क्षेत्रात ५ वर्षांचा अनुभव असल्यास प्राधान्य देण्यात येईल. स्थानिक उमेदवारांना यात प्राधान्य मिळणार आहे.

२. लिपिक (०५ जागा): देगलूर, नायगाव आणि लातूर शाखांसाठी लिपिक पदाच्या जागा भरल्या जाणार आहेत. या पदासाठी कोणत्याही शाखेतील पदवी (वाणिज्य शाखेस प्राधान्य) आवश्यक असून संगणक ज्ञान असणे गरजेचे आहे. तसेच टायपिंग व टॅली अवगत असलेल्यांना आणि बँकिंग क्षेत्रात दोन वर्षांचा अनुभव असणाऱ्यांना प्राधान्य दिले जाईल.

MTech vs MBA After BTech: इंजिनिअरिंगनंतर एमटेक फायद्याचे की एमबीए? कोणत्या क्षेत्रात आहे बक्कळ पैसा?

३. शिपाई (२ जागा): देगलूर, नायगाव आणि लातूर शाखांसाठी शिपाई पदाच्या जागा असून, यासाठी उमेदवार किमान १२ वी पास असावा. स्थानिक उमेदवारांना यात प्राधान्य दिले जाईल.

४. पिग्मी एजंट: देगलूर, नायगाव, लोहारा व लातूर या ठिकाणांसाठी पिग्मी एजंट पदाकरिता अर्ज मागवण्यात आले आहेत.

अर्ज करण्याची अंतिम तारीख आणि पत्ता:

इच्छुक व पात्र उमेदवारांनी आपल्या शैक्षणिक पात्रतेच्या प्रमाणपत्रांसह आपले अर्ज दिनांक ३१-१०-२०२६ रोजी दुपारी ४:०० वाजेपर्यंत बँकेच्या मुख्य कार्यालयात सादर करणे आवश्यक आहे. अर्ज करताना अर्जावर आपला पत्ता आणि मोबाईल नंबर स्पष्टपणे लिहावा. पात्र ठरलेल्या उमेदवारांना पुढे मुलाखतीसाठी बोलावण्यात येईल.

How to Get a Job in Google: गुगलमध्ये नोकरी मिळवण्याचे स्वप्न पाहताय? जाणून घ्या तज्ज्ञांच्या ५ महत्त्वाच्या टिप्स..

कार्यालयाचा पत्ता:

दि उदगीर अर्बन को ऑप बँक लि., उदगीर, मुख्य कार्यालय: रागा बिल्डिंग, नांदेड-बिदर रोड, उदगीर, ता. उदगीर, जि. लातूर – ४१३५१७. रिक्त जागा भरणे किंवा न भरणे याबाबतचे अधिकार बँक संचालक मंडळाकडे राखीव ठेवण्यात आले आहेत.