बुलेट ट्रेन प्रोजेक्टमध्ये नोकरीची सुवर्ण संधी ! NHSRCL मध्ये ‘या’ महत्वाच्या भरती प्रक्रियेसाठी सुरुवात

जर तुम्ही सुद्धा आगामी काळात बुलेट ट्रेन प्रोजेक्टचा एक भाग बानू इच्छिता तर मग ही बातमी तुमच्यासाठीच आहे. याचे कारण म्हणजे NHSRCL मध्ये महत्वच्या पदासाठी भरती प्रक्रिया सुरु झाली आहे.

देशात बुलेट ट्रेनचे काम मोठ्या उत्साहात सुरु आहे. देशातील प्रत्येक नागरिकाला बुलेट ट्रेन कधी सुरु होतेय? अशी उत्सुकता लागली आहे. या प्रकल्पासाठी सरकार हजारो कोटी रुपयांचा खर्च करीत आहे. देशातील विकासाला नक्कीच बुलेट ट्रेन चालना देईल यात काही वाद नाही. जर तुम्ही सुद्धा या बुलेट ट्रेन प्रकल्पाचा एक भाग बनू इच्छित असाल तर ही बातमी तुमच्यासाठीच आहे.

जर तुम्ही रेल्वेमध्ये नोकरी शोधत असाल तर तुमच्यासाठी एक उत्तम संधी चालून आली आहे. नॅशनल हाय स्पीड रेल कॉर्पोरेशन लिमिटेड (NHSRCL) ने व्यवस्थापक पदांसाठी भरतीची अधिसूचना जारी केली आहे. ही भरती देशाच्या बुलेट ट्रेन प्रकल्पाशी जोडलेली आहे, ज्यामुळे तरुणांसाठी त्यात सामील होण्याची संधी खूपच खास बनते. अर्ज प्रक्रिया सुरू झाली आहे आणि इच्छुक उमेदवार 24 एप्रिल 2025 पर्यंत ऑनलाइन अर्ज करू शकतात. उमेदवारांनी या भरतीसाठी शेवटच्या तारखेपूर्वी अर्ज करावा.

तरुणांना उपलब्ध होणार रोजगार! सिंगापूरच्या धर्तीवर महाराष्ट्रात उभारणार जागतिक कौशल्य केंद्र, सरकारची मोठी घोषणा

एकूण पदे आणि रिक्त पदांची माहिती

ज्युनिअर टेक्निकल मॅनेजर (सिव्हिल) – 35 पदे
ज्युनिअर टेक्निकल मॅनेजर (इलेक्ट्रिकल) – 17 पदे
ज्युनिअर टेक्निकल मॅनेजर (एस अँड टी) – 03 पदे
ज्युनिअर टेक्निकल मॅनेजर (रोलिंग स्टॉक) – 04 पदे
ज्युनिअर टेक्निकल मॅनेजर (आर्किटेक्चर) – 08 पदे
ज्युनिअर टेक्निकल मॅनेजर (डेटाबेस अ‍ॅडमिन) – 01 पदे
असिस्टंट मॅनेजर (प्रोक्योरमेंट) – 01 पदे
असिस्टंट मॅनेजर (जनरल) – 01 पदे

हे असतील पात्र उमेदवार

या भरतीसाठी अर्ज करण्यासाठी, उमेदवाराकडे संबंधित क्षेत्रात इंजिनिअरिंग पदवी (बीई/बी.टेक) असणे आवश्यक आहे. तसेच, उमेदवाराचे वय 35 वर्षांपेक्षा जास्त नसावे.

तीन मित्रांची यारी! एकत्र अभ्यास, एकत्र वकिली आणि आता झाले न्यायाधीश; शिरूरच्या युवकांचे MPSC मध्ये घवघवीत यश

अशी असेल प्रक्रिया

या भरतीमध्ये उमेदवारांना निवडीसाठी तीन टप्प्यांतून जावे लागेल. सर्वप्रथम, उमेदवारांना कम्प्युटर बेस्ड टेस्ट (CBT) द्यावी लागेल, जी पहिल्या टप्प्यातील ऑनलाइन परीक्षा असेल. यानंतर, परीक्षेत यशस्वी होणाऱ्या उमेदवारांना मुलाखतीसाठी बोलावले जाईल. त्यानंतर अंतिम निवड झालेल्या उमेदवारांची मेडिकल टेस्ट होईल. अधिक माहितीसाठी, कृपया अधिकृत सूचना वाचावी.

अर्ज कसा करावा?

सर्वप्रथम उमेदवारांनी NHSRCL च्या अधिकृत वेबसाइट nhsrcl.in ला भेट द्यावी.
यानंतर, करिअर विभागात जा आणि करंट ओपनिंग्ज वर क्लिक करा.
त्यानंतर रजिस्ट्रेशन लिंकवर जा, आवश्यक माहिती भरा आणि नोंदणी करा.
लॉगिन करा, आवश्यक कागदपत्रे अपलोड करा आणि अर्ज प्रक्रिया पूर्ण करा.
अर्ज शुल्क भरा आणि फॉर्मची प्रिंटआउट ठेवा.