आयआयआरएसमध्ये विविध अभ्यासक्रम! PGD आणि MSc अभ्यासक्रमांची संधी उपलब्ध

Indian Institute of Remote Sensing मध्ये रिमोट सेन्सिंग आणि GIS अभ्यासक्रमांसाठी प्रवेश प्रक्रिया सुरू झाली आहे. Indian Space Research Organization अंतर्गत या संस्थेत PGD आणि MSc अभ्यासक्रमांची संधी उपलब्ध आहे.

Indian Institute of Remote Sensing (IIRS) मध्ये विविध प्रगत अभ्यासक्रमांसाठी प्रवेश प्रक्रिया सुरू झाली आहे. Indian Space Research Organisation अंतर्गत कार्यरत असलेल्या या संस्थेत रिमोट सेन्सिंग आणि GIS क्षेत्रात करिअर घडवण्याची उत्तम संधी विद्यार्थ्यांना उपलब्ध होत आहे. कृषी व माती, वन संसाधने, भूविज्ञान, नैसर्गिक आपत्ती व्यवस्थापन, शहरी व प्रादेशिक नियोजन, सागरी व वातावरणीय विज्ञान, उपग्रह प्रतिमा विश्लेषण, जलसंपदा आणि अवकाशीय डेटा विज्ञान अशा विविध विषयांमध्ये विशेषीकरणासह PG Diploma (PGD) अभ्यासक्रम येथे उपलब्ध आहेत.

लाखांमध्ये पगार! ना परीक्षा, ना मुलाखत; सरकारी PSU कंपनीत जॉब, लवकर करा अर्ज

याशिवाय भू-माहिती विज्ञान (Geoinformatics) आणि पृथ्वी निरीक्षण (Earth Observation) या क्षेत्रांमध्ये PGD तसेच MSc अभ्यासक्रम करण्याचाही पर्याय विद्यार्थ्यांना दिला जातो. या अभ्यासक्रमांसाठी अर्ज करण्यासाठी उमेदवारांकडे BE/BTech किंवा MSc/MSc (Tech) पदवी असणे आवश्यक आहे. त्याचबरोबर किमान ५५ टक्के गुणांची अट लागू आहे. प्रवेश प्रक्रिया ही प्रवेश परीक्षा, ऑनलाइन मुलाखत आणि शैक्षणिक गुणवत्तेच्या आधारे राबवली जाणार आहे. मे २०२६ च्या तिसऱ्या आठवड्यात ऑनलाइन मुलाखती होण्याची शक्यता असून, अंतिम निकाल जून २०२६ च्या दुसऱ्या आठवड्यात जाहीर केला जाईल.

ग्रामीण आरोग्यसेवा अभ्यासक्रम! १ वर्षाचा डिप्लोमा कोर्स; प्रमुख संस्था कोणत्या?

इच्छुक उमेदवारांनी अधिकृत संकेतस्थळावर जाऊन ऑनलाइन अर्ज करावा. अर्ज करण्याची अंतिम तारीख ३१ मार्च २०२६ आहे. अंतराळ संशोधन, भू-माहिती आणि तंत्रज्ञान क्षेत्रात करिअर करू इच्छिणाऱ्या विद्यार्थ्यांसाठी ही एक सुवर्णसंधी ठरत आहे.