आई काकासोबत आक्षेपार्ह अवस्थेत असताना मुलगा आला (फोटो सौजन्य-X)
नुकताच आग्रा येथे एका 8 वर्षाच्या निष्पाप मुलाचा मृतदेह सापडला होता. पोलिसांनी मृतदेह ताब्यात घेऊन शवविच्छेदन केले. शवविच्छेदन अहवालात हत्येचा खुलासा झाला. या प्रकरणाचा तपास केल्यानंतर पोलीसही चक्रावून गेले.
प्रेमाची नगरी असणाऱ्या आग्रा येथे पुन्हा एकदा नात्याची हत्या झाली आहे. एका आईने प्रियकरासाठी आपल्याच पोटच्या मुलाची हत्या केली.हत्येनंतर मृतदेह घरातच लपवून ठेवला. त्यानंतर दोन दिवसांनी छतावरून दोरीच्या सहाय्याने मृतदेह रस्त्यावर फेकून दिला. पोलिसांनी आरोपी आई आणि मृत मुलाच्या काकाला अटक केली आहे. दोघांनाही तुरुंगात पाठवण्यात आले आहे. नेमकं काय आहे प्रकरण?
ही घटना आग्रा येथील पिनाहाट पोलीस स्टेशन हद्दीतील नयापुरा गावातली आहे. येथे एका 8 वर्षाच्या निष्पाप मुलाचा मृतदेह एका गोणीत स्थानिकांना आढळून आला. ज्याची माहिती पोलिसांना देण्यात आली. पोलिसांनी मृतदेह ताब्यात घेऊन तपास सुरू केला आणि या निष्पाप मुलाची हत्या त्याच्या आईने आणि काकाने मिळून केली होती. पोलिसांनी दिलेल्या माहितीनुसार, मुलाची हत्या केल्यानंतर महिलेने मृतदेह तीन दिवस घरात लपवून ठेवला होता.
मिळालेल्या माहितीनुसार, मुलगा बेपत्ता असल्याची तक्रार कुटुंबीयांनी पोलिसात केली होती. तक्रारीनुसार 8 वर्षीय रौनक 29 नोव्हेंबर रोजी अचानक बेपत्ता झाला होता. त्यांनी मुलाचा खूप शोध घेतला पण तो कुठेच सापडला नाही. तक्रार आल्यानंतर पोलिसांनी कारवाई केली. दरम्यान, रौनकचा मृतदेह गोणीत सापडल्याची माहिती पोलिसांना मिळाली. त्यानंतर पोलिसांनी अनेकांची चौकशी केली. यामध्ये महिलेचा मेहुणा भानू याचाही समावेश आहे.
भानूने आधी पोलिसांची दिशाभूल करण्याचा प्रयत्न केला पण शेवटी त्याने सत्याची कबुली द्यावी लागली, असे सांगण्यात येत आहे. आपल्या गुन्ह्याची कबुली देताना त्याने आपली मेहुणी यशोदासोबत अनैतिक संबंध असल्याचे सांगितले आणि रौनकने तिला आक्षेपार्ह अवस्थेत पाहिले होते. त्यानंतर तो कोणाला तरी सांगेल या भीतीने आम्ही घाबरलो. चौकशीत मुलाच्या डोक्यात चाकूने वार करून त्याची हत्या केल्याचे समोर आले.
पोलिसांनी सांगितले की, काका भानूने मुलाच्या डोक्याला मारले, त्यामुळे त्याचा मृत्यू झाला. हत्येनंतर दोन्ही आरोपींनी मृतदेह तीन दिवस लपवून ठेवला आणि कोणालाही संशय येऊ नये म्हणून सर्वांसमोर रडण्याचे नाटक केले. पोलिसांनी दोन्ही आरोपींना अटक करून तुरुंगात पाठवले आहे. ही घटना उघडकीस आल्यानंतर सर्वांनाच धक्का बसला आहे.
.png "Videos"){kind=small}
