गुरुवार, 22 ऑक्टोबर 2026
संग्रहित फोटो
स्टेटसमुळे वाद पेटल्याची चर्चा
मिळालेल्या प्राथमिक माहितीनुसार, संबंधित अल्पवयीन मुलाने काही महिन्यांपूर्वी हत्येच्या गुन्ह्यात सहभागी असलेल्या आणि सुधारगृहातून बाहेर आलेल्या एका अल्पवयीन मुलासोबत फोटो काढला होता. त्यानंतर त्याने ‘King Is Back’ असे स्टेटस मोबाईलवर ठेवले होते. या स्टेटसमुळे पूर्वीच्या हत्येच्या घटनेत मृत्यू झालेल्या तरुणाच्या मित्रांमध्ये नाराजी निर्माण झाली होती, अशी माहिती समोर आली आहे. याच रागातून संबंधित मुलावर हल्ला करण्यात आल्याचे सांगितले जात आहे. मात्र, या हल्ल्यामागील नेमके कारण आणि घटनाक्रम याबाबत पोलिसांकडून तपास सुरू आहे.
कपड्याच्या दुकानात घुसून हल्ला
ही घटना काल रात्री तळेगाव दाभाडे येथील शिवाजी चौक परिसरात घडली. हल्ल्याचे लक्ष्य ठरलेला १६ वर्षीय मुलगा एका कपड्याच्या दुकानात काम करत होता. याच दुकानात तीन जण घुसले आणि त्यांनी त्याच्यावर कोयत्याने वार केले. अचानक झालेल्या या हल्ल्यामुळे परिसरात खळबळ उडाली आहे. हल्ल्यात जखमी झालेल्या मुलाला उपचारासाठी दाखल करण्यात आले. त्याची प्रकृती स्थिर असल्याची माहिती तळेगाव दाभाडे पोलिसांनी दिली.
काही तासांत हल्लेखोर पोलिसांच्या ताब्यात
घटनेची माहिती मिळताच पोलिसांनी तपासाची चक्रे वेगाने फिरवली. या प्रकरणातील हल्लेखोर अल्पवयीन असल्याचे समोर आले आहे. तसेच, हल्ल्यानंतर आरोपी ज्या वाहनातून पळून गेले, त्या वाहनाच्या चालकासह संबंधितांना काही तासांत ताब्यात घेण्यात आल्याची माहिती वरिष्ठ पोलीस निरीक्षक किशोर पाटील यांनी दिली.
हे सुद्धा वाचा : आधी पिकअप अंगावर घातली, नंतर दगडाने ठेचले; पंढरपूर तालुक्यात तरुणाचा खून
सीसीटीव्ही फुटेजमुळे तपासाला मदत
या घटनेचा प्रकार सीसीटीव्ही कॅमेऱ्यात कैद झाल्याचे सांगण्यात येत आहे. त्यामुळे हल्ल्याच्या घटनाक्रमाचा तपास करण्यासाठी पोलिसांना महत्त्वाचे पुरावे मिळण्याची शक्यता आहे. मोबाईल स्टेटससारख्या किरकोळ कारणावरून अल्पवयीन मुलांमध्ये निर्माण होणारे वाद हिंसक वळण घेत असल्याने पालक आणि नागरिकांमध्ये चिंतेचे वातावरण निर्माण झाले आहे. या प्रकरणी पोलिसांकडून पुढील तपास सुरू असून, हल्ल्यामागील नेमके कारण आणि संबंधितांची भूमिका तपासानंतर स्पष्ट होणार आहे.
हे सुद्धा वाचा : भाजप नेते पाशा पटेल यांना न्यायालयाकडून दिलासा; ‘या’ प्रकरणातून झाली सुटका
Ans: तळेगाव दाभाडे येथील शिवाजी चौक परिसरातील कपड्याच्या दुकानात ही घटना घडली.
Ans: मोबाईलवरील ‘King Is Back’ स्टेटसवरून वाद झाल्याचा प्राथमिक अंदाज आहे. मात्र, नेमके कारण अद्याप तपासाधीन आहे.
Ans: हल्लेखोर अल्पवयीन असल्याचे समोर आले असून, पोलिसांनी संबंधितांना आणि वाहनचालकाला ताब्यात घेतले आहे.
