मंगळवार, 10 नोव्हेंबर 2026
सौजन्य फोटो - AI Gemini
मिळालेल्या प्राथमिक माहितीनुसार, कुमार गायकवाड असे मारहाण झालेल्या कॅब चालकाचे नाव आहे. एका प्रवाशाच्या पत्नीला पुण्यातील कात्रज चौकात सोडण्यासाठी त्यांनी ४५० रुपये भाडे घेतले होते. हे बिल जास्त वाटल्याच्या रागातून प्रवाशासह इतर दोन जणांनी गायकवाड यांना बेदम मारहाण करण्यास सुरुवात केली. व्हायरल व्हिडिओमध्ये स्पष्ट दिसत आहे की, तीन आरोपी गायकवाड यांना घेरून लाथाबुक्क्यांनी आणि चक्क विटांनी डोक्यात मारहाण करत आहेत. मारहाण इतकी भीषण होती की, गायकवाड यांचा चेहरा आणि कपडे रक्ताने माखले होते.
सोशल मीडियावर व्हायरल होत असलेल्या व्हिडिओमध्ये ओला-उबेर कॅब चालकाचा आक्रोश स्पष्टपणे ऐकू येत आहे. “मी कोणाची छेड काढली नाही, माझी काहीच चूक नाही… मला सांगा तुम्ही का मारताय? नेमकी माझी चूक काय? कॅबचे पैसे ऑनलाईन रिफ्लेक्ट होतात, त्यात माझी काय चूक?” असा सवाल तो सतत करत आहे. मात्र, आरोपींनी त्याची कोणतीच दयामाया न करता बेदम मारहाण सुरूच ठेवली. रस्त्यावरून जाणारे लोक हा प्रकार बघत राहिले, मात्र कोणीही मदतीसाठी पुढे आलेले दिसत नाही, हे आणखीनच धक्कादायक आहे.
या घटनेची गंभीर दखल घेत भारतीय विद्यापीठ पोलीस ठाण्यात मारहाण करणाऱ्या तीन आरोपींविरोधात गुन्हा दाखल करण्यात आला आहे. पोलिसांकडून पुढील तपास सुरू आहे. या घटनेमुळे ओला-उबेर आणि इतर टॅक्सी चालकांच्या सुरक्षिततेचा प्रश्न पुन्हा एकदा ऐरणीवर आला आहे. पुण्यात गुन्हेगारीच्या घटना वाढत चालल्या असून, पोलिसांना आरोपींवर कठोर कारवाई करण्याची मागणी केली जात आहे.
Ans: पुण्यातील कात्रज चौकात कॅब चालकाची मारहाण झाली.
Ans: कॅब चालकाने पत्नीला सोडण्यासाठी ४५० रुपये बिल घेतल्याच्या रागातून मारहाण करण्यात आली.
Ans: भारतीय विद्यापीठ पोलीस ठाण्यात तीन आरोपींविरोधात गुन्हा दाखल करण्यात आला असून, पुढील तपास सुरू आहे.
