Jejuri Accident: जेजुरीत एसटी बसची दुचाकीला धडक; भीषण अपघातामध्ये तिघांचा मृत्यू

दुचाकीवर हे तिघे होते आणि त्यांना धडक बसली. ही धडक एवढी जोराची होती की, दुचाकी काही अंतरावर फरफटत गेली. यामध्ये या तिघांचाही जागीच मृत्यू झाला. दरम्यान या घटनेनंतर तातडीने त्यांना दवाखान्यात नेण्यात आले. मात्र उपचारापूर्वीच त्यांचा मृत्यू झाल्याचे डॉक्टरांनी सांगितले. दरम्यान घटना घडत असताना बस चालकाने वेग कमी करून रस्त्याच्या पलीकडे बसण्याचा प्रयत्न केला. मात्र तोपर्यंत दुचाकी बसखाली अडकली होती.एकाच वस्तीवरील तिघाजणांचा एकाच अपघातात मृत्यू झाल्याने पारगाव मेमाणे या गावावर शोककळा पसरली आहे.

पुणे-नाशिक महामार्गावर भीषण अपघात

पुण्यात दोन भयानक अपघातात तिघांचा मृत्यू झाल्याची माहिती मिळत आहे. पुणे-नाशिक महामार्गावर नारायणगाव येथे आयशर टेम्पो प्रवासी वाहतूक करणारी गाडी आणि एसटीमध्ये विचित्र अपघात झाला. या अपघातात सहा जणांचा मृत्यू झाला. तर आळंदी-पंढरपूर पालखी महामार्गावर जेजुरीजवळ बेलसर क्रॉसिंगवर एसटी बस आणि दुचाकीला धडक होऊन अपघात झाला आणि या अपघातत तिघांचा जागीच मृत्यू झाला आहे.
नाशिक-पुणे महामार्गावर आयशर टेम्पो प्रवासी वाहतूक करणारे वाहन आणि एसटी यांच्यात एक विचित्र अपघात झाला. प्रत्यक्षदर्शींनी माहिती दिली की, आयशर टेम्पोला ओव्हरटेक करण्याचा प्रयत्न करत असताना त्याची धडक मॅक्झिमो गाडीला लागल्याची माहिती प्रत्यक्षदर्शींनी दिली. या अपघातात सहा जण ठार असून काहीजण गंभीर जखमी आहेत. मृतांचा आकडा आणखी वाढण्याची भीती व्यक्त केली जात आहे. नारायणगावमधील ग्रामीण रुग्णालयात जखमींवर उपचार सुरु आहेत.

हेही वाचा: Pune Accident : पुणे-नाशिक महामार्गावर भीषण अपघात, 9 जणांचा जागीच मृत्यू, काही गंभीर जखमी

आयशरने एका मॅक्झिमो प्रवासी वाहतूक करणाऱ्या गाडीला धडक दिल्यामुळे मॅक्झिमो गाडी समोर उभ्या असलेल्या कोल्हापूर डेपोच्या एसटी बसला जाऊन धडकली. आयशर आणि बसची मॅक्झिमा गाडीचा चक्काचूर झाला आणि त्यामधील 11 प्रवासी गंभीर जखमी झाले. त्यातील सहा प्रवाशांचा जागीच मृत झाला आहे. तर उर्वरित गंभीर जखमी असून त्यांच्यावर उपचार सुरु आहेत.