Pune Accident : पुणे-नाशिक महामार्गावर भीषण अपघात, 9 जणांचा जागीच मृत्यू, काही गंभीर जखमी

Pune Accident News: पुणे-नाशिक महामार्गावरील नारायणगावजवळ आयशर टेम्पो, प्रवासी वाहतूक करणारी गाडी आणि एसटीमध्ये विचित्र अपघात झाला. या अपघातात 9 जणांचा जागीच मृत्यू झाल्याची माहिती मिळत आहे.

पुणे-नाशिक महामार्गावर भीषण अपघात (फोटो सौजन्य-X)

Follow Us:

Follow Us:

Pune Accident News Marathi: पुण्यात दोन भयानक अपघातात तिघांचा मृत्यू झाल्याची माहिती मिळत आहे. पुणे-नाशिक महामार्गावर नारायणगाव येथे आयशर टेम्पो प्रवासी वाहतूक करणारी गाडी आणि एसटीमध्ये विचित्र अपघात झाला. या अपघातात सहा जणांचा मृत्यू झाला. तर आळंदी-पंढरपूर पालखी महामार्गावर जेजुरीजवळ बेलसर क्रॉसिंगवर एसटी बस आणि दुचाकीला धडक होऊन अपघात झाला आणि या अपघातत तिघांचा जागीच मृत्यू झाला आहे.

पुण्यात चोरट्यांची दहशत; येरवड्यात एकाला चाकूच्या धाकाने लुटले

नाशिक-पुणे महामार्गावर आयशर टेम्पो प्रवासी वाहतूक करणारे वाहन आणि एसटी यांच्यात एक विचित्र अपघात झाला. प्रत्यक्षदर्शींनी माहिती दिली की, आयशर टेम्पोला ओव्हरटेक करण्याचा प्रयत्न करत असताना त्याची धडक मॅक्झिमो गाडीला लागल्याची माहिती प्रत्यक्षदर्शींनी दिली. या अपघातात सहा जण ठार असून काहीजण गंभीर जखमी आहेत. मृतांचा आकडा आणखी वाढण्याची भीती व्यक्त केली जात आहे. नारायणगावमधील ग्रामीण रुग्णालयात जखमींवर उपचार सुरु आहेत.

आयशरने एका मॅक्झिमो प्रवासी वाहतूक करणाऱ्या गाडीला धडक दिल्यामुळे मॅक्झिमो गाडी समोर उभ्या असलेल्या कोल्हापूर डेपोच्या एसटी बसला जाऊन धडकली. आयशर आणि बसची मॅक्झिमा गाडीचा चक्काचूर झाला आणि त्यामधील 11 प्रवासी गंभीर जखमी झाले. त्यातील सहा प्रवाशांचा जागीच मृत झाला आहे. तर उर्वरित गंभीर जखमी असून त्यांच्यावर उपचार सुरु आहेत.

जेजुरीजवळ अपघाता 3 जणांचा मृत्यू

आळंदीहून पंढरपूर पालखी महामार्गावर जेजुरीजावळ बेलसर क्रॉसिंगवर एसटी बस आणि दुचाकीची धडक होऊन भीषण झाला. यात दुचाकीवरील तिघांचा जागीच मृत्यू झाला आहे. या घटनेत एकाच वस्तीतील तीन जणांचा दुर्दैवी मृत्यू झाल्यामुळे पारगाव मेमाणे परिसरावर शोककळा पसरली आहे. रमेश किसन मेमाणे (वय 60), संतोष दत्तात्रय मेमाणे (वय 40) आणि पांडुरंग दामोदर मेमाणे (वय 65) अशी या तिघांची नावे आहेत.तिघेही पुरंदर तालुक्यातील बोरमाळ वस्ती, पारगाव मेमाणे येथील रहिवाशी आहेत.

मिळालेल्या माहितीनुसार, सासवड-जेजुरी रस्त्यावरील बेलसर फाट्यादरम्यान सध्या उड्डाण पुलाचे काम सुरु आहे. येथील संध्याकाळच्या उड्डाणपुलाचे काम सुरू झाले आहे. काल गुरुवारी दुपारी ३:३० वाजण्याच्या सुमारास हे तिघेही दुचाकीवरून रस्ता क्रॉस करत असताना एसटी बसने त्यांना जोरदार धडक दिली. एसटी चालकाने वेग कमी करून बस रस्त्याखाली नेण्याचा प्रयत्न केला. मात्र बसखाली अडकल्यामुळे दुचाकी काही अंतर फरफटत गेली. यात तिघांचाही मृत्यू झाला.

मित्रांमध्ये चेष्टामस्करी; गावठी पिस्तूलातून गोळी सुटली अन्…

Web Title: Pune accident news 9 dead in two different accident in jejuri and narayangaon news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com