रामनवमीच्या मिरवणुकीत हिंसाचार, हावड्यात अनेक वाहनांची जाळपोळ, वडोदऱ्यात दोनदा दगडफेक; वाचा सविस्तर

वडोदरा येथे रामनवमीनिमित्त काढण्यात आलेल्या मिरवणुकीवर पुन्हा दगडफेक करण्यात आली. येथे एकाच ठिकाणी दोन वेगवेगळ्या मिरवणुकांवर वेगवेगळ्या वेळी दगडफेक झाली. याशिवाय बंगालमधील हावडा येथेही जाळपोळ झाली आहे.

रामनवमीच्या (Ramnavami) मुहूर्तावर विविध राज्यांतून मिरवणुकांवर (Processions) दगडफेक (Stone Pelting) होत असल्याच्या बातम्या येत आहेत. गुजरातमधील वडोदरा (Vadodara Gujarat) येथे मिरवणुकीवर दोनदा दगडफेक करण्यात आली. त्याचवेळी बंगालमधील हावडा (Bangal Howrah) येथे रामनवमीच्या मिरवणुकीवर हल्ला करण्यात आला आणि अनेक वाहने जाळण्यात आली. याशिवाय मिरवणुकीत लखनऊमधून वादही (Dispute In Lucknow) ऐकायला मिळाला.

सर्वप्रथम आम्ही तुम्हाला गुजरातमधील घटनेबद्दल सांगतो. वडोदरा येथील फतेपुरा परिसरात सकाळी मिरवणूक काढण्यात आली. त्यावर अज्ञातांनी दगडफेक केली. यानंतर सायंकाळी याच परिसरातून दुसरी मिरवणूक निघाली. यावरही दगडफेक झाली. दगडफेकीचे काही व्हिडिओही समोर आले आहेत. यामध्ये लोक जीव वाचवून पळतानाही दिसत आहेत. यामध्ये लहान मुलांसह महिलांचाही सहभाग होता. दगडफेकीनंतर सरकार कारवाईत आले आहे. या दगडफेकीत सहभागी असलेल्यांवर कडक कारवाई करण्याचे निर्देश गुजरातच्या गृहमंत्र्यांनी दिले आहेत.

बंगालमध्ये अनेक वाहनांची जाळपोळ

यानंतर पश्चिम बंगालमधून हिंसाचाराच्या बातम्या आल्या. हावडा येथील शिबपूर येथे रामनवमीची मिरवणूक निघाली होती. विश्व हिंदू परिषद आणि बजरंग दल ती काढली होते. त्यावेळी हिंसाचार झाला होता. या हिंसाचाराचे कारण अद्याप समोर आलेले नाही.पण नंतरचे काही व्हिडिओ नक्कीच समोर आले आहेत. तेथे अनेक वाहनांना आग लावण्यात आली आहे, हे व्हिडिओमध्ये स्पष्ट दिसत आहे.

[read_also content=”स्मृती इराणींनी ४० वर्षांपासून खाल्ली नाही आवडीची काळी डाळ https://www.navarashtra.com/web-stories/smriti-irani-has-not-eaten-her-favorite-black-dal-for-40-years/”]

सीएम ममतांचा दावा- यात्रेचा मार्ग बदलला, बुलडोझर आणि तलवारी घेऊन लोक आले

रामनवमीच्या मुहूर्तावर पश्चिम बंगालच्या मुख्यमंत्री ममता बॅनर्जी यांचेही वक्तव्य आले आहे. यामध्ये त्यांनी आनंदसोबत सर्वांनी रॅली काढावी असे म्हटले होते. परंतु, रमजानचा महिना सुरू आहे, हे लक्षात घेऊन मुस्लिम वस्त्यांमधून जाणे टाळावे. भाजपचे लोक शस्त्रे घेऊन बाहेर पडतील असे म्हणताना ऐकले आहे. यावर मला सांगायचे आहे की, न्यायालय आहे, जो तुम्हाला सोडणार नाही, हे विसरू नका.

हावडा येथील हिंसाचारानंतर आता पुन्हा सीएम ममता यांचे वक्तव्य आले आहे. त्या म्हणाल्या, ‘माझे डोळे आणि कान उघडे आहेत. मी सर्वकाही पाहू शकते. मुस्लिमबहुल भागातून यात्रा काढू नये, असा इशारा मी आधीच दिला होता. रामनवमीला रॅली काढल्यास हिंसाचार होऊ शकतो, असे मी आधीच सांगितले होते. ममता यांनी हिंदू संघटनांवर हिंसाचाराचा आरोप केला. त्या म्हणाल्या, ‘रमजानची वेळ आली आहे. यावेळी ते (मुस्लीम समाज) काहीही चुकीचे करू शकत नाहीत.

ममतांनी रॅली काढणाऱ्या लोकांवरही प्रश्न उपस्थित केले. त्या म्हणाल्या, मिरवणुकीत बुलडोझर आणि तलवारी आणायला कोणी परवानगी दिली? मी ऐकले आहे की लोक हावडा रॅलीत बुलडोझर घेऊन पोहोचले होते. एवढी हिंमत त्याच्यात कुठून आली? याचे उत्तर कोण देणार? आम्ही कठोर कारवाई करू. त्यांनी (मिरवणूक काढणाऱ्या लोकांनी) मार्ग का बदलला? इतर समाजाचे नुकसान करणे हा त्यांचा उद्देश होता. जनतेच्या दरबारात कोणतेही षडयंत्र टिकणार नाही.

जहांगीरपुरीत परवानगी न घेता काढण्यात आली शोभा यात्रा

राजधानी दिल्लीतील जहांगीरपुरी येथे रामनवमीला शोभा यात्राही काढण्यात आली. पोलीस प्रशासनाच्या परवानगीशिवाय ही यात्रा काढण्यात आली आहे. गेल्या वर्षी हनुमान जयंतीच्या शोभा यात्रेदरम्यान जहांगीरपुरी भागात हिंसाचार झाला होता, त्यानंतर दंगल सदृश्य परिस्थिती निर्माण झाली होती. त्यामुळे रामनवमीला हिंदू संघटनांना शोभा यात्रा काढू दिली नाही. मात्र दिल्ली पोलिसांकडून परवानगी न मिळाल्याने हिंदू संघटनांनी रामनवमीला शोभा यात्रा काढली. दिल्ली पोलीस याबाबत सतर्क राहिले असून खबरदारीचा उपाय म्हणून मोठा पोलीस बंदोबस्त तैनात करण्यात आला आहे.

बंगाल आणि गुजरातमधील हिंसाचारासोबतच लखनौमधूनही वादाच्या बातम्या आल्या. उत्तर लखनऊचे डीसीपी कासिम अबिदी यांनी सांगितले होते की, मदियान गावात काही लोकांमध्ये वाद झाला होता. सुमित नावाचा मुलगा १०-१५ जणांसोबत डीजेवर गाणे वाजवत होता. जेव्हा हा डीजे मशिदीजवळ पोहोचला तेव्हा त्यावर आक्षेप घेण्यात आला, त्यानंतर वादावादी झाली. त्या भागात मिरवणुकीला परवानगी नव्हती. तेथे गोंधळ घालणाऱ्या दोन्ही गटातील लोकांना ताब्यात घेण्यात आले.

[read_also content=”अभिषेक चौबे एक उत्तम चित्रपट दिग्दर्शक, निर्माता आणि पटकथा लेखक https://www.navarashtra.com/web-stories/birthday-special-abhishek-chaubey-is-a-great-film-director-producer-and-screenwriter-also/”]

संभाजीनगरमध्ये झाला प्रचंड हिंसाचार

याआधी बुधवारी रात्री महाराष्ट्रात संभाजीनगरमध्ये प्रचंड हिंसाचार झाला होता. दोन तरुणांमध्ये हाणामारी झाली. त्यानंतर बॉम्बस्फोट, जाळपोळ आणि दगडफेकीने संभाजीनगर हादरले. संभाजीनगर येथील किराडपुरा येथील राम मंदिराबाहेर दुपारी १२.३० वाजता दोन तरुणांमध्ये किरकोळ बाचाबाची झाल्याची माहिती मिळाली. यानंतर काही लोक मोठ्या संख्येने जमा झाले. यानंतर दगडफेक सुरू झाली. हल्लेखोरांनी अनेक वाहनांना आग लावली. हल्लेखोरांनी पोलिसांची वाहनेही पेटवून दिली. याशिवाय बॉम्बस्फोटाची घटनाही समोर आली आहे.

रामनवमी का साजरी केली जाते?

चैत्र नवरात्रीची सांगता रामनवमीने होते. या दिवशी भगवान रामाचा जन्म पृथ्वीवर झाला असे मानले जाते. रामायण आणि रामचरित मानस यांसारख्या सर्व धर्मग्रंथांमध्ये रामाची ही जन्मतारीख नमूद केलेली आहे.