भिंतींवर डोकं ठेचून पतीने केली पत्नीची हत्या, मध्यरात्री मृतदेहाला आंघोळही घातली, मग... (फोटो सौजन्य-X)
उत्तर प्रदेशातील शाहजहाँपूरमधून एक हृदयद्रावक घटना समोर आली आहे. पुवायन पोलीस स्टेशन हद्दीतील मुडिया वैश्य गावात सोमवारी (23 डिसेंबर) रात्री एका जोडप्यामध्ये भांडण झाले. यादरम्यान पतीने पत्नीचे डोके भिंतीला ठेचून मारले. त्यानंतर रक्त स्वच्छ करून मध्यरात्री मृतदेहाला अंघोळ घातली. यानंतर आरोपी मृतदेहासोबत झोपी देखील गेला. एवढं करुन आरोपी येथे थांबला नाही. मंगळवारी सकाळी झोपेतून उठून ही घटना गावकऱ्यांना सांगितली. हे प्रकरण कळताच गावकऱ्यांमध्ये एकच खळबळ उडाली. या प्रकरणाची माहिती मिळताच पोलिसांनी घटनास्थळ गाठून आरोपीला अटक केली.
ही घटना पूर्वन पोलीस ठाण्याच्या हद्दीतील मुडिया वैश्य गावात घडली. मिळालेल्या माहितीनुसार सोहन सिंग हा कंबाईन चालवायचा. चार वर्षांपूर्वी तो उन्नाव जिल्ह्यात कंबाईन चालवण्यासाठी गेला होता. उन्नावच्या पुर्वा पोलिस स्टेशनच्या मंगडपुरा गावातील रागिणीशी तो बोलू लागला. दोघेही एकमेकांवर प्रेम करू लागले. यानंतर दोघांनी गावात बांधलेल्या मंदिरात लग्न करून एका खोलीत राहू लागले.
रागिणी गावातल्या दुसऱ्या कोणाशी तरी बोलू लागली. मग रागिणी त्याच्यासोबत गेली. तीन-चार महिने घरी परतलेच नाहीत. त्यानंतर रागिणीच्या येण्यानंतर तीन दिवसांनी सोहन सिंग तिला पुवायन येथील त्याच्या घरी घेऊन आला. सोमवारी रात्री दोघांमध्ये बाचाबाची झाली.
सोहन सिंगने पत्नी रागिणीला मारहाण केली आणि तिला उचलून जमिनीवर फेकून दिले, त्यानंतर भितींवर आपटले, अशी माहिती पोलिसांकडून देण्यात आली. त्यानंतर पत्नीचे डोके भितींला ठेचून ठेचून तिला मारले. यामुळे रागिणीचा मृत्यू झाला. या घटनेची माहिती मिळताच शेजाऱ्यांनी मंगळवारी सकाळी यूपी-112 पोलिसांना माहिती दिली. पोलिसांनी पंचनामा करून मृतदेह शवविच्छेदनासाठी पाठवला.
पहाटे चार वाजता मंदिरात भजन वाजवण्याची वेळ आली असता आरोपीने पत्नीचा मृत्यू झाल्याची माहिती दिली. भजन वाजवण्यास नकार दिला. घटना घडल्यानंतर तो दारातच बसला. पत्नीला मारल्याचे सांगून तो पळून जाऊ लागला. गावकऱ्यांनी पाठलाग करून आरोपीला शेतातून पकडले, त्यानंतर पोलिसांना बोलावून त्याला पोलिसांच्या ताब्यात दिले.
.png "Videos"){kind=small}
