भाजपकडून महाराष्ट्रातील स्टार प्रचारकांची यादी जाहीर, पंतप्रधान मोदींसह ‘या’ ४० नेत्यांच्या समावेश

महाराष्ट्र निवडणुकीसाठी भाजपने स्टार प्रचारकांची यादी जाहीर केली आहे. या नावांमध्ये पंतप्रधान नरेंद्र मोदी, केंद्रीय मंत्री जेपी नड्डा, अमित शहा यांसारख्या दिग्गज नेत्यांच्या नावांचा समावेश आहे.

महाराष्ट्र निवडणुकीसाठी भाजपने स्टार प्रचारकांची यादी जाहीर केली आहे. या यादीत अनेक मोठ्या राजकीय नेत्यांचा समावेश आहे. या नावांमध्ये पंतप्रधान नरेंद्र मोदी, केंद्रीय मंत्री जेपी नड्डा, अमित शहा यांसारख्या दिग्गज नेत्यांच्या नावांचा समावेश आहे. राज्यातील 288 सदस्यीय विधानसभेसाठी 20 नोव्हेंबर रोजी मतदान होणार असून 23 नोव्हेंबर रोजी मतमोजणी होणार आहे. दरम्यान संरक्षण मंत्री राजनाथ सिंह, नितीन गडकरी, शिवराज सिंह चौहान, आसामचे मुख्यमंत्री हिमंता बिस्वा सरमा आणि उत्तर प्रदेशचे मुख्यमंत्री योगी आदित्यनाथ सिंह यांचीही नावे भाजपच्या स्टार यादीमध्ये आहेत.

भाजपच्या स्टार प्रचारकांच्या यादीत 40 नावांचा समावेश

यामध्ये प्रमोद सावंत, भूपेंद्र पटेल, विष्णुदेव साई, मोहन यादव, भजनलाल शर्मा, नायबसिंग सैनी, देवेंद्र फडणवीस, चंद्रशेखर बावनकुळे, शिव प्रकाश, भूपेंद्र यादव, अश्विनी वैष्णव, नारायण राणे, पियुष गोयल, ज्योतिरादित्य शिंदे, अशोक शिंदे, ज्योतिरादित्य पाटील, दानवे पाटील यांचा समावेश आहे. चव्हाण, उदयनराजे भोसले, विनोद तावडे, आशिष शेलार, पंकजा मुंडे, चंद्रकांतदादा पाटील, सुधीर मुनगटीवार, राधाकृष्ण विखे पाटील, गिरीश महाजन, रवींद्र चव्हाण, स्मृती इराणी, प्रवीण दरेकर, अमर साबळे, मुरलीधर मोहोळ, आशीष शेलार, आ. नवनीत राणा इत्यादी नावांचा समावेश आहे.

हे सुद्धा वाचा: सोलापूर दक्षिणमध्ये काँग्रेसचे दिलीप मानेंची सिंहगर्जना; महाविकास आघाडीत पेच निर्माण

विशेष म्हणजे महाराष्ट्र विधानसभा निवडणुकीपूर्वी पंतप्रधान नरेंद्र मोदी राज्यात 11 ते 12 जाहीर सभांना संबोधित करू शकतात, असे भाजपचे प्रदेशाध्यक्ष चंद्रशेखर बावनकुळे यांनी शुक्रवारी सांगितले होते. भाजपच्या माध्यम कार्यालयात पत्रकार परिषदेला संबोधित करताना बावनकुळे म्हणाले की, गोंदिया, अकोला, नांदेड, धुळे, मुंबई आणि नवी मुंबईसह संपूर्ण महाराष्ट्रात 11 ते 12 ठिकाणी पंतप्रधान मोदींच्या जाहीर सभा प्रस्तावित आहेत. यावेळी माजी आमदार राजू तोडसाम (यवतमाळच्या आर्णी येथील) व अन्य काही स्थानिक नेत्यांनी पक्षात प्रवेश केला. बावनकुळे म्हणाले की, येत्या काही दिवसांत आणखी लोक महायुतीमध्ये सहभागी होतील, असा विश्वास व्यक्त केला.

मिळालेल्या माहितीनुसार, भाजप 150-153 जागांवर निवडणूक लढवणार आहे. शिवसेना – 80/82 जागांवर, राष्ट्रवादी – 55/57 जागांवर निवडणूक लढवू शकतात. बैठकीत अमित शहा यांनी मुख्यमंत्री शिंदे आणि अजित पवार यांना एकत्र निवडणूक लढवण्याचा सल्ला दिला. महाआघाडीतील कोणत्याही पक्षाने निवडणुकीत बंडखोर उभे करु नयेत, हे लक्षात घेतले पाहिजे, असे शहा यांनी नमूद केले आहे. महाराष्ट्र भाजपचे स्टार पंतप्रधान मोदी दिवाळीनंतर महाराष्ट्रात भव्य सभा घेण्याची तयारी करत आहेत. 5 ते 14 नोव्हेंबर दरम्यान पंतप्रधान मोदी महायुतीसाठी मते मागणार आहेत. पंतप्रधान नरेंद्र मोदी सुमारे 8 दिवस महाराष्ट्रात अनेक निवडणूक सभा घेणार आहेत. पंतप्रधान नरेंद्र मोदी महाराष्ट्राच्या प्रत्येक भागात सभा घेणार आहेत. पंतप्रधान मोदी भाजपचाच नव्हे तर महायुतीच्या उमेदवारांचाही प्रचार करणार आहेत.