Bigg Boss Marathi फेम प्राजक्ता सन्मानित! ‘या’ प्रसिद्ध गाण्यामुळे देण्यात आला विशेष पुरस्कार

Prajakta Shukre ला Universal India Awards 2026 मध्ये Nishaanchi चित्रपटातील गाण्यांसाठी सन्मानित करण्यात आले. या पुरस्काराची माहिती तिने स्वतःच्या सोशल मीडियावर शेअर केली.

• Nishanchi चित्रपटातील गाण्यामुळे पुरस्कारित करण्यात आले आहे
• गायिका प्राजक्ता शुक्रे Universal India Awards 2026 ने पुरस्कारित
• कॅप्शनमध्ये पाठबळाविषयी आणि चाहत्यांविषयी कृतज्ञता व्यक्त केली आहे

Bigg Boss Marathi Season 6 च्या घरामध्ये कहर करून गेल्या दोन आठवड्यांपूर्वीच Prajakta Shukre घराबाहेर आली. यावेळी तिच्या चाहत्यांनी तिला भरपूर प्रेम आणि पाठिंबा दिला. घराबाहेर येताच गायिकेने अनेक वाहिन्यांना मुलाखती दिल्या तसेच तिचा कल आता कुणाच्या बाजूने? हे ही तिने स्पष्ट केले. दरम्यान, प्राजक्ताला तिच्या गाण्यामुळे पुरस्कारित करण्यात आले आहे. ‘राधाराणी’ द्वारे आयोजित ‘Universal India Awards 2026’ या सन्मान सोहळ्यात प्राजक्ताला Nishanchi चित्रपटातील तिच्या गाण्यामुळे तसेच गायन क्षेत्रातील तिच्या योगदानामुळे पुरस्कारित करण्यात आले आहे. ही आनंदाची बातमी स्वतः प्राजक्ताने तिच्या @prajaktashukre या सोशल मीडिया हँडलवर शेअर केली आहे.

Career Tips : Content Writer बनण्यासाठी खास टिप्स! ‘या’ गोष्टी कराल, तर पैसाच पैसा असेल भावा!

प्राजक्ता शुक्रेने पोस्ट केली बातमी!

गायिका प्राजक्ता शुक्रेला Universal India Awards 2026 ने पुरस्कारित करण्यात आल्याची खबरबात स्वतः प्राजक्ताने तिच्या सोशल मीडिया हॅण्डलवरून दिली आहे. त्याच पोस्टखाली तिने भलेमोठे कॅप्शन नमूद केले आहे. “#Nishaanchi या चित्रपटातील माझ्या गाण्यांसाठी आणि माझ्या संगीत प्रवासासाठी #UniversalIndiaAwards2026 मध्ये सन्मान मिळाल्याचा मला मनापासून अभिमान आणि आनंद आहे. @anuragkashyap10 सर आणि @cinemakasam सर यांनी दिलेल्या या सुंदर संधीसाठी मनःपूर्वक आभार. माझा जिवलग मित्र @manan_bharadwaj_official याचेही खूप खूप धन्यवाद, ज्याने नेहमी माझ्यावर विश्वास ठेवला. आणि माझ्या सर्व चाहत्यांचे व समर्थकांचे मनापासून आभार! तुमच्या प्रेम आणि आशीर्वादामुळेच हे शक्य झाले! या खास दिवशी @soulworks.co यांचे सुंदर दागिने परिधान करण्याची संधी मिळाली”, असे कॅप्शनमध्ये लिहीत तिने पाठबळाविषयी आणि चाहत्यांविषयी कृतज्ञता व्यक्त केली आहे.

See more

प्राजक्ताचा सुंदर लुक!

Universal India Awards 2026 सोहळ्यात प्राजक्ताने मेहंदी रंगाची सुंदर अशी साडी परिधान केली आहे. त्यावर हलका साज आणि सोज्वळ असे स्मित तिच्या सौंदर्याची जादू आणखीन प्रखर करत आहे. गायिकेने काही अलंकार परिधान केले आहेत. हे दागिने @soulworks.co यांनी Desine केल्याचे स्वतः प्राजक्ताने पोस्टच्या कॅप्शनमध्ये नमूद केले आहे.

शिक्षक भरती प्रक्रियेत गुणांकन पद्धतीत सुधारणा! नेमक्या कोणत्या उद्देशाने करण्यात आले बदल

‘या’ गाण्यांसाठी मिळाला पुरस्कार

गायिका प्राजक्ता शुक्रेने Nishaanchi चित्रपटात अनेक गाणे गायले आहेत. ‘Jhule Jhule Paalna’, ‘Soja’ तसेच ‘Wonderland’ या गाण्यांसाठी विशेष प्राजक्ताला सन्मानित करण्यात आले आहे.