गौतमीचं नवं गाणं ‘‘कृष्ण सावळा रे’! नृत्यातून रंगवली राधिकेची कहाणी; सोनालीचा सुमधुर आवाज

‘कृष्ण सावळा रे’ या गाण्यातून भक्ती आणि प्रेमाचा सुंदर संगम अनुभवायला मिळतो. राधिकेच्या नजरेतून उलगडणारा श्रीकृष्णाचा मोहक आणि खट्याळ स्वभाव मनाला भिडतो.

• निस्सीम प्रेमाची आणि समर्पणाची कोमल भावना प्रेक्षकांच्या मनाला स्पर्श करते
• गाण्याचे दिग्दर्शन प्रसिद्ध छायाचित्रकार तेजस नेरुरकर यांनी केले
• ‘कृष्ण सावळा रे’ हे गाणे ऐकताना आणि पाहताना भक्ती व प्रेमाचा अनोखा अनुभव मिळतो

‘कृष्ण सावळा रे’ या नव्या गाण्यातून भक्ती आणि प्रेमाचा सुरेल संगम रसिकांना अनुभवायला मिळत आहे. राधिकेच्या नजरेतून उलगडणारा श्रीकृष्णाचा मोहक, खट्याळ आणि प्रेमळ चेहरा या गाण्यातून भावपूर्ण पद्धतीने साकारण्यात आला आहे. राधिकेच्या कृष्णाप्रती असलेल्या निस्सीम प्रेमाची आणि समर्पणाची कोमल भावना प्रेक्षकांच्या मनाला स्पर्श करते.

Rohit Shetty गोळीबार प्रकरणात ‘हवाला’ कनेक्शन उघड! बिश्नोई गँगने शूटर्सना पुरवली मोठी रसद; मुंबई क्राईम ब्रांचचा खुलासा

या गाण्याचे दिग्दर्शन प्रसिद्ध छायाचित्रकार तेजस नेरुरकर यांनी केले असून त्यांनी संकल्पनेला आकर्षक दृश्यरूप दिले आहे. अवंतिका बहिरट यांच्या हृदयस्पर्शी शब्दांना आदित्य पाटेकर यांच्या सुरेल संगीताची जोड लाभली आहे. तसेच सोनाली सोनावणे आणि आदित्य पाटेकर यांच्या आवाजातील गोडवा गाण्याला अधिकच भावपूर्ण बनवतो.

या गाण्यातील विशेष आकर्षण म्हणजे गौतमी पाटील हिचे नृत्य. तिने आपल्या लयबद्ध हालचाली आणि प्रभावी अभिनयातून राधिकेच्या भावना जिवंत केल्या आहेत. तिच्या प्रत्येक हावभावातून प्रेम, ओढ आणि समर्पण स्पष्टपणे जाणवते. या नृत्याला अधिक खुलवण्याचे काम देवेंद्र शेलार यांनी केले आहे. गाण्याची निर्मिती संदेश विठ्ठल गाडेकर आणि सुरेश विठ्ठल गाडेकर यांनी केली आहे.

गाण्याचे आणखी एक वैशिष्ट्य म्हणजे त्याचे भव्य आणि नजरेत भरणारे सादरीकरण. संपूर्ण गाण्यात महाराष्ट्रीय संस्कृतीची झलक दिसून येते. पारंपरिक वेशभूषा, दागिने आणि रंगसंगतीमुळे प्रत्येक फ्रेम उठावदार आणि आकर्षक वाटते. या सादरीकरणामुळे गाण्याला एक वेगळे सौंदर्य प्राप्त झाले आहे.

दिग्दर्शक तेजस नेरुरकर यांच्या मते, राधिकेच्या नजरेतून दिसणारा कृष्ण नेहमीच मोहक, खट्याळ आणि गूढ असतो, आणि हीच जादू या गाण्यातून प्रेक्षकांपर्यंत पोहोचवण्याचा प्रयत्न करण्यात आला आहे. चित्रिकरणादरम्यान अनेक अडचणी आल्या, मात्र संपूर्ण टीमच्या मेहनतीमुळे हे गाणे यशस्वीपणे साकारले गेले.

Dhurandhar 2 : धुरंधरचा धडाकेबाज Climax! रक्ताचा वाहिला पूर…; Makeup Artist म्हणतो “एक बादलीभर रक्त…”

‘कृष्ण सावळा रे’ हे गाणे ऐकताना आणि पाहताना भक्ती व प्रेमाचा अनोखा अनुभव मिळतो. संगीत, शब्द, नृत्य आणि सादरीकरण यांचा सुंदर मिलाफ असलेले हे गाणे रसिकांच्या मनात नक्कीच दीर्घकाळ घर करून राहील.