(फोटो-सौजन्य- सोशलमीडिया)
जॅकलिनच्या सर्वात आयकॉनिक गाण्यांपैकी एक म्हणजे ‘चिट्टियां कलाइयां’. रिलीज होताच या गाण्याने प्रचंड लोकप्रियता मिळवली. तिचे वायब्रंट एक्सप्रेशन्स, सहजसुंदर डान्स मूव्ह्स आणि जबरदस्त एनर्जीने या गाण्याला लग्नसमारंभ आणि पार्ट्यांमधील खास गाणं बनवलं. आजही हे गाणं तितकंच लोकप्रिय आहे.
‘लत लग गई’मध्ये जॅकलिनने ग्लॅमर, एलिगन्स आणि शानदार स्क्रीन प्रेझेन्सचा परफेक्ट मेळ दाखवला. तिची केमिस्ट्री, सहजसुंदर कोरिओग्राफी आणि प्रभावी एक्सप्रेशन्समुळे हे गाणं चित्रपटातील खास आकर्षण ठरलं आणि प्रेक्षकांचंही आवडतं बनलं.
‘पानी पानी’मधून जॅकलिनने पुन्हा एकदा इंटरनेटवर धुमाकूळ घातला. हा चार्टबस्टर ट्रॅक देशभरात लोकप्रिय झाला. तिचे शानदार व्हिज्युअल्स, कॉन्फिडंट परफॉर्मन्स आणि सिग्नेचर डान्स स्टाइलमुळे हे गाणं सोशल मीडियावर सर्वाधिक पाहिल्या आणि रिक्रिएट केल्या गेलेल्या गाण्यांपैकी एक ठरलं.
आर्टिस्ट टेकसोबतच्या इंटरनॅशनल कोलॅबोरेशन आणि जबरदस्त कोरिओग्राफीचा सुंदर मेळ साधणारं ‘यिम्मी यिम्मी’ जॅकलिनच्या वाढत्या ग्लोबल अपीलचं दर्शन घडवतं. तिची शानदार स्क्रीन प्रेझेन्स आणि सहजसुंदर परफॉर्मन्समुळे हा ट्रॅक देशाच्या सीमा ओलांडून प्रेक्षकांमध्येही लोकप्रिय झाला.
‘गेंदा फूल’मध्ये जॅकलिनने आपल्या सर्वात लक्षात राहणाऱ्या म्युझिक व्हिडिओ परफॉर्मन्सपैकी एक दिला. पारंपरिक सौंदर्यशैलीला कंटेम्पररी स्टाइलची जोड देत तिने प्रत्येक फ्रेममध्ये ग्रेस, कॉन्फिडन्स आणि आपल्या खास करिश्म्याची छाप सोडली. त्यामुळे हे गाणं चार्ट-टॉपिंग फेव्हरेट ठरलं.
‘लाल परी’मधून जॅकलिन फर्नांडिसने आपल्या जबरदस्त डान्स मूव्ह्स आणि दिलखेचक एक्सप्रेशन्सने प्रत्येक फ्रेमवर आपली छाप पाडली. हाय-एनर्जी ट्रॅकमधील पॉवर-पॅक्ड कोरिओग्राफीसोबत एलिगन्सचा सहज मेळ साधण्याची तिची क्षमता या गाण्यात ठळकपणे दिसून आली. त्यामुळे हे गाणं चाहत्यांच्या पसंतीस उतरलं.
‘बेजोस’ या गाण्यासाठी जॅकलिन फर्नांडिसने फ्रेंच आर्टिस्ट कार्ल वाइनसोबत काम केलं. हे एक वायब्रंट क्रॉस-कल्चरल कोलॅबोरेशन असून, इंटरनॅशनल बीट्सना जॅकलिनच्या सिग्नेचर स्टाइलची जोड देण्यात आली आहे. कॉन्फिडन्स, ग्लॅमर आणि सहजसुंदर करिश्मा दाखवत जॅकलिनने आपल्या दिलखेचक एक्सप्रेशन्स आणि हाय-एनर्जी डान्स मूव्ह्सने प्रत्येक फ्रेममध्ये जान आणली. कार्ल वाइनसोबतची तिची शानदार केमिस्ट्री, गाण्याची दमदार रिदम आणि कंटेम्पररी व्हिज्युअल्समुळे ‘बेजोस’ हे एक खास ग्लोबल म्युझिकल कोलॅबोरेशन ठरलं.
टाइमलेस बॉलिवूड चार्टबस्टर्सपासून ते जगभरात लोकप्रिय ठरलेल्या म्युझिक व्हिडिओंपर्यंत, जॅकलिन फर्नांडिसने आपल्या संस्मरणीय डान्स परफॉर्मन्सच्या माध्यमातून एक जबरदस्त लेगेसी निर्माण केली आहे. तिच्या आणखी एका वाढदिवसानिमित्त चाहते हे आयकॉनिक नंबर्स पुन्हा पुन्हा ऐकत आहेत आणि ‘चार्टबस्टर्सची क्वीन’ म्हणून ओळखल्या जाणाऱ्या या अभिनेत्रीच्या आणखी शानदार परफॉर्मन्सची आतुरतेने वाट पाहत आहेत
.png "Videos"){kind=small}
