(फोटो सौजन्य- सोशल मिडिया)
Nayanthara Viral Photo: चित्रपटसृष्टीत अफवा आणि चर्चा कधी वणव्यासारख्या पसरतील, हे कोणालाच सांगता येत नाही. सध्या दाक्षिणात्य चित्रपटसृष्टीतील ‘लेडी सुपरस्टार’ नयनताराबाबतही अशीच चर्चा सोशल मीडियावर रंगली आहे. नयनताराचे पूर्णपणे टक्कल केलेले काही फोटो सोशल मीडियावर व्हायरल झाले असून, अभिनेत्रीने आगामी बहुप्रतिक्षित ‘टॉक्सिक’ चित्रपटासाठी किंवा एखाद्या खास भूमिकेसाठी मुंडन केल्याची चर्चा सुरू झाली. मात्र, या व्हायरल फोटोंमागचं सत्य काही वेगळंच आहे.
एक्स (X) या सोशल मीडिया प्लॅटफॉर्मवर @saba9361 या युजरने नयनताराचे टक्कल असलेल्या लूकमधील काही फोटो शेअर केले. या फोटोंमध्ये नयनतारा मंदिराबाहेर पारंपरिक वेशात रांगेत उभी असल्याचे दिसत आहे. तिचे पूर्णपणे टक्कल असून त्यावर हळदीचा लेप लावलेला दिसतो.
फोटो सोशल मीडियावर व्हायरल होताच चाहत्यांमध्ये चर्चेला उधाण आलं. नयनताराने आगामी ‘टॉक्सिक’ चित्रपटाच्या प्रदर्शनापूर्वी टक्कल केलं का, असा प्रश्न नेटकरी विचारू लागले.
फ्लॉपचा शिक्का OTTवर पुसला! ‘या’ चित्रपटाला मिळतोय जबरदस्त प्रतिसाद, नंबर 1 वर ट्रेंडिंग
व्हायरल फोटोंची सत्यता तपासल्यानंतर हे फोटो AI-जनरेटेड असल्याचे नेटकऱ्यांनी निदर्शनास आणून दिले आहे. त्यामुळे नयनताराने प्रत्यक्षात टक्कल केलेले नसल्याचे स्पष्ट होते. सोशल मीडियावर व्हायरल होणाऱ्या AI फोटोंमुळे पुन्हा एकदा सेलिब्रिटींच्या बाबतीत पसरवल्या जाणाऱ्या खोट्या माहितीचा मुद्दा समोर आला आहे.
नेटकऱ्यांनी दिल्या मजेशीर प्रतिक्रिया
नयनताराचे टक्कल असलेले फोटो पाहून अनेक युजर्सनी कमेंट्स करत त्यावर प्रतिक्रिया दिल्या. एका युजरने लिहिलं, “चांगला प्रयत्न आहे, पण पुढच्या वेळी कृपया AI वॉटरमार्क काढून टाका.” तर दुसऱ्या युजरने, “खरंच? मला नाही वाटत की ती असं करेल,” अशी प्रतिक्रिया दिली. आणखी एका युजरने हा फोटो AI असल्याचं स्पष्ट करत कमेंट केली.
Nayanthara🤯🤯 pic.twitter.com/AuJUurZLrt — sabas csk (@saba9361) August 16, 2026
दरम्यान, सोशल मीडियावर व्हायरल होत असलेल्या AI फोटोंचा संबंध नयनताराच्या एप्रिल २०२६ मधील तिरुपती भेटीशी असल्याचे सांगितले जात आहे. अभिनेत्रीने पती विग्नेश शिवन याच्यासोबत तिरुपती मंदिरात जाऊन दर्शन घेतले होते. त्याच भेटीशी संबंधित फोटोचा वापर करून AIच्या मदतीने नयनताराचा टक्कल लूक तयार करण्यात आल्याचे दिसते.
‘टॉक्सिक’मध्ये दिसणार नयनतारा
नयनतारा लवकरच ‘टॉक्सिक’ या बहुप्रतिक्षित चित्रपटात दिसणार आहे. या चित्रपटात यश, कियारा अडवाणी, तारा सुतारिया, हुमा कुरेशी आणि रुक्मिणी वसंत यांच्याही महत्त्वाच्या भूमिका आहेत. गीतू मोहनदास दिग्दर्शित हा चित्रपट २६ ऑगस्ट २०२६ रोजी प्रदर्शित होणार आहे. कन्नडसोबतच हा चित्रपट तमिळ, हिंदीसह इतर भाषांमध्येही प्रदर्शित केला जाणार आहे.
नयनतारा याशिवाय ‘हाय’, ‘मुकुठी अम्मन 2’, ‘मननगट्टी सिन्स 1960’, ‘डियर स्टुडंट्स’, ‘रक्केई’ आणि ‘SVC63’ या आगामी प्रोजेक्ट्समध्येही दिसणार आहे.
.png "Videos"){kind=small}
