मालिकेत गाजलेल्या जोडीने खऱ्या आयुष्यातही जोडली गाठ! निखिल चव्हाण झाला अनुष्का सरकटेच्या आयुष्यातला खरा कारभारी

अभिनेता निखिल चव्हाण आणि अभिनेत्री अनुष्का सरकटे लवकरच विवाहबंधनात अडकणार आहेत. दोघांनी गुपचूप साखरपुडा उरकला असून त्याचे फोटो सोशल मीडियावर व्हायरल झाले आहेत.

• अभिनेता निखिल चव्हाण आणि अभिनेत्री अनुष्का सरकटे लग्न करणार आहेत.
• गुपचूप साखरपुडाही उरकून टाकला आहे.
• राजकीय नेते विनोद पाटील यांनी त्यांच्या सोशल मीडिया हँडलवर या सोहळ्याचे क्षण शेअर केले

मराठी TV क्षेत्रात गाजलेल्या मालिकांमधील अनेक जोड्यांनी खऱ्या आयुष्यातही त्याच जोडीदाराला निवडले आहे. ‘तुझ्यात जीव रंगला’ मालिकेतील राणा-अंजली या जोडीने काही वर्षांपूर्वी खऱ्या आयुष्यातही लग्नगाठ बांधली. पुढे, सिद्धार्थ आणि तितिक्षा या जोडीनेही खऱ्या आयुष्यातही लग्न केले. दरम्यान, मराठी TV क्षेत्रातून आणखीन एक आनंदाची बातमी आली आहे. ‘कारभारी लयभारी’ या मालिकेतून गाजलेली जोडी आता खऱ्या आयुष्यातही एकत्र येत आहेत. अभिनेता निखिल चव्हाण आणि अभिनेत्री अनुष्का सरकटे लग्न करणार आहेत. तसेच त्यांनी गुपचूप साखरपुडाही उरकून टाकला आहे.

Jai Jai Swami Samarth:भक्तासाठी काळालाही आव्हान देणार स्वामी, ‘जय जय स्वामी समर्थ’मध्ये थरारक वळण; प्रेक्षकांमध्ये उत्सुकता शिगेला

निखिल चव्हाण आणि अनुष्काच्या साखरपुड्याचे काही Photos सोशल मीडियावर चर्चेत येत आहेत. मुळात, गुपचूप उरकल्या गेलेल्या या आनंदसोहळ्याचा खुलासा राजकीय क्षेत्रातून झाल्याचे दिसत आहे. राजकीय नेते विनोद पाटील यांनी त्यांच्या सोशल मीडिया हँडलवर या सोहळ्याचे क्षण शेअर केले. तसेच पोस्टखाली कॅप्शन दिले की, “आमची भाची अनुष्का सरकटेचा साखरपुडा लोकप्रिय मराठी अभिनेता निखिल चव्हाण याच्यासोबत पार पडला. झी मराठीवरील ‘कारभारी लयभारी’ मालिकेत ते एकत्र झळकले होते. हा सोहळा खास आणि अविस्मरणीय बनवण्यासाठी संपूर्ण कुटुंब एकत्र आले. या जोडीला खूप प्रेम, आणि पुढील वाटचालीसाठी खूप खूप शुभेच्छा!”

See more

मालिकेतही झळकली होती ‘ही’ जोडी

Tanvi Kolte Winner : ट्रॉफी जिंकूनही तन्वीचं मन का खातंय? इतका मोठा शो जिंकणारी, ‘या’ गोष्टीमुळे अत्यंत निराश

अभिनेता निखिल चव्हाण आणि अभिनेत्री अनुष्का सरकटे ‘कारभारी लयभारी’ या मालिकेत झळकले होते. या मालिकेत गाजलेली जोडी आता खऱ्या आयुष्यातही एकत्र येत असल्याने दोघांच्या चाहत्यांमध्ये उत्साहाचे आणि आनंदाचे वातावरण आहे. दोघांच्या लग्नसोहळ्यासाठी अनेक जण उत्साही आहेत. साखरपुड्यात अनुष्काने लाल-गुलाबी साडी परिधान केली आहे तर निखिल चव्हाणने निळ्या रंगाचा शर्ट परिधान केला आहे.