(फोटो सौजन्य-सोशल मीडिया)
R Madhavan: पॅन इंडिया स्टार आर. माधवन सध्या आपल्या कामासोबतच एका खास अनुभवामुळे चर्चेत आला आहे. रोजच्या व्यस्त शूटिंगमधून वेळ काढत ‘रॉकेट्री’ फेम आर. माधवनने न्यूयॉर्कमधील यूएस ओपनच्या क्वार्टर फायनल सामन्यांचा प्रत्यक्ष अनुभव घेतला. आर्थर ॲश स्टेडियममध्ये कोर्टसाइड बसून त्याने जागतिक दर्जाच्या टेनिस सामन्यांचा आनंद लुटला.
या सामन्यांना उपस्थित असलेला आर. माधवन हा एकमेव भारतीय सेलिब्रिटी असल्याचं सांगण्यात आलं आहे. त्याच्यासोबत या खास सामन्यांसाठी ॲना विंटूर, कोलमन डोमिंगो, हुमा अबेदिन, लॅटो, टॉम फेल्टन, एम्मेट स्मिथ, ग्रेस ॲन नाडर, जो कीरी, सुझान लुची, ॲलन ह्युस्टन आणि काल पेन यांसारख्या दिग्गजांची उपस्थिती होती.
चित्रपटसृष्टीतील झगमगाटापलीकडे आर. माधवन हा क्रीडा आणि विविध क्षेत्रांचा रसिक म्हणूनही ओळखला जातो. त्यामुळे यूएस ओपनसारख्या प्रतिष्ठित स्पर्धेतील हा अनुभव त्याच्यासाठी खास ठरला.
आर. माधवनने यूएस ओपनमधील आपल्या कोर्टसाइड अनुभवाची झलक सोशल मीडियावर शेअर केली आहे. या व्हिडीओमध्ये तो स्टेडियममधील वातावरणाचा आनंद घेताना दिसत आहे.
या अनुभवाबद्दल बोलताना आर. माधवन म्हणाला, “जगातील अव्वल क्रमांकाच्या खेळाडूला यूएस ओपनमध्ये खेळताना पाहण्याची संधी रोज मिळत नाही.”
आर. माधवनसाठी हा केवळ टेनिसचा सामना पाहण्याचा अनुभव नव्हता, तर क्रीडा विश्वातील एका मोठ्या क्षणाचा प्रत्यक्ष साक्षीदार होण्याची संधी होती. रुपेरी पडद्यावर वेगवेगळ्या भूमिका साकारणारा हा अभिनेता न्यूयॉर्कमध्ये कोर्टच्या बाजूला बसून जागतिक दर्जाच्या खेळाचा आनंद घेताना दिसला.
आर. माधवनची कामाची निवड आणि विविध भूमिका यामुळे त्याची भारतासह जगभरात चर्चा होत असते. आता यूएस ओपनमधील त्याच्या या खास उपस्थितीने पुन्हा एकदा सर्वांचं लक्ष वेधून घेतलं आहे. मेहनत, जिद्द आणि आपल्या आवडीच्या क्षेत्राबद्दल असलेलं प्रेम याला कोणतीही सीमा नसते, हेच माधवनच्या या अनुभवातून पुन्हा दिसून येतं.
Mirzapur Box Office Collection: ‘कालीन भैय्या’चा दबदबा कायम! 10 सप्टेंबरला सिनेमाने केली तुफान कमाई
.png "Videos"){kind=small}
