(फोटो सौजन्य- सोशल मीडिया)
The Traitors 2: प्राइम व्हिडीओचा रिअॅलिटी शो ‘द ट्रेटर्स 2’ सध्या प्रेक्षकांमध्ये चांगलाच चर्चेत आहे. शोमध्ये ट्रेटर्स आणि इनोसेंट्स यांच्यातील खेळ दिवसेंदिवस अधिक रंगतदार होत असून, नवनवीन ट्विस्ट आणि टर्न्स पाहायला मिळत आहेत. करण जोहर होस्ट करत असलेल्या या शोला प्रेक्षकांचा चांगला प्रतिसाद मिळत आहे.
नुकतेच निर्मात्यांनी शोचे तीन नवे एपिसोड्स रिलीज केले. या तीन एपिसोड्समध्ये तब्बल चार दमदार स्पर्धक शोमधून बाहेर पडले आहेत. यामध्ये रणवीर बरार, पारुल गुलाटी, अभिषेक मल्हान आणि आदित्य कुलश्रेष्ठ उर्फ कुल्लू यांचा समावेश आहे. विशेष म्हणजे या चार जणांमध्ये तीन इनोसेंट्स आणि एका ट्रेटरचा समावेश आहे.
लेटेस्ट एपिसोडमध्ये सर्वात आधी रणवीर बरार यांना शोमधून एलिमिनेट करण्यात आलं. त्यांच्या एक्झिटनंतर खेळ आणखी कठीण झाला.
यानंतर ‘सर्कल ऑफ शक’मध्ये स्पर्धकांनी पारुल गुलाटीवर ट्रेटर असल्याचा संशय घेत त्यांना एलिमिनेट केलं. मात्र, पारुल या इनोसेंट्सपैकी एक होत्या. त्यामुळे त्यांचं एलिमिनेशन इनोसेंट्ससाठी मोठा धक्का ठरलं.
पारुल गुलाटीच्या एलिमिनेशननंतर ट्रेटर्सनी मिळून अभिषेक मल्हान यांना शोमधून बाहेरचा रस्ता दाखवला. त्यामुळे सलग इनोसेंट्सच्या बाजूला मोठे धक्के बसले.
यानंतर इनोसेंट्सनी ‘सर्कल ऑफ शक’मध्ये आदित्य कुलश्रेष्ठ उर्फ कुल्लू यांना लक्ष्य केलं. कुल्लू यांच्यावर ट्रेटर असल्याचा संशय व्यक्त करण्यात आला आणि अखेर त्यांना शोमधून एलिमिनेट करण्यात आलं. कुल्लू हे ट्रेटर असल्याचं समोर आल्यानंतर इनोसेंट्सना मोठं यश मिळालं.
या चार स्पर्धकांच्या एलिमिनेशननंतर ‘द ट्रेटर्स 2’चा खेळ आणखी रोमांचक झाला आहे. आता उर्वरित स्पर्धकांपैकी कोण विजेतेपदाची ट्रॉफी आपल्या नावावर करणार, याकडे प्रेक्षकांचं लक्ष लागलं आहे.
.png "Videos"){kind=small}
