(फोटो सौजन्य- सोशल मीडिया)
Urmila Matondkar: ९०च्या दशकातील लोकप्रिय अभिनेत्री आणि ‘रंगीला गर्ल’ म्हणून ओळखली जाणारी उर्मिला मातोंडकर पुन्हा एकदा तिच्या वैयक्तिक आयुष्यामुळे चर्चेत आली आहे. उर्मिला आपल्या खासगी आयुष्याबाबत फारशी बोलताना दिसत नाही. मात्र, नुकतीच तिने सोशल मीडियावर शेअर केलेली एक गूढ पोस्ट चर्चेचा विषय ठरली आहे. या पोस्टचा संबंध नेटकरी तिचा माजी पती मोहसिन अख्तरच्या एका पोस्टशी जोडत आहेत.
काही दिवसांपूर्वी उर्मिलाचा एक्स पती मोहसिन अख्तरने त्याच्या अधिकृत इंस्टाग्राम अकाउंटवर दुसरी पत्नी निदा भट्टसोबतचा एक रोमँटिक फोटो शेअर केला. या पोस्टसोबत त्याने निदासाठी एक लांबलचक आणि प्रेमळ कॅप्शनही लिहिलं.
मोहसिनने निदा आपल्या आयुष्यात केवळ पत्नी म्हणून नाही, तर त्याचं खरं घर, मनःशांती आणि आयुष्यातील सर्वात सुंदर भाग म्हणून आली असल्याचं म्हटलं. निदाला आपल्या आयुष्यात पाठवल्याबद्दल त्याने अल्लाहचे आभार मानले. तसेच आयुष्याच्या प्रत्येक टप्प्यावर तिची साथ देण्याचं आणि तिच्यासाठी सुंदर आयुष्य घडवण्याचं वचनही दिलं.
मोहसिनची ही पोस्ट समोर आल्यानंतर काही वेळातच उर्मिला मातोंडकरने तिच्या इंस्टाग्राम स्टोरीवर एक सूचक कोट शेअर केला. “मला प्रेम, प्रामाणिकपणा आणि वेळ यांसारख्या मौल्यवान गोष्टी आवडतात,” असा आशय या पोस्टमध्ये होता.
उर्मिलाने या पोस्टमध्ये कोणाचाही थेट उल्लेख केलेला नाही. मात्र, तिची पोस्ट मोहसिनच्या रोमँटिक पोस्टनंतर समोर आल्याने सोशल मीडिया युजर्सनी दोन्ही घटनांचा संबंध जोडला आहे. काही नेटकऱ्यांच्या मते, अभिनेत्रीने या पोस्टमधून ‘लॉयल्टी’ आणि खऱ्या नात्याचं महत्त्व अधोरेखित केलं आहे. त्यामुळे उर्मिलाने एक्स हसबंडला अप्रत्यक्षपणे टोला लगावला का, असा प्रश्न उपस्थित होत आहे.
२०१६ मध्ये केलं होतं लग्न
उर्मिला मातोंडकरने २०१६ मध्ये तिच्यापेक्षा जवळपास १० वर्षांनी लहान असलेल्या मॉडेल आणि व्यावसायिक मोहसिन अख्तरसोबत लग्न केलं होतं. दोघांची पहिली भेट २०१४ मध्ये प्रसिद्ध फॅशन डिझायनर मनीष मल्होत्रा यांनी आयोजित केलेल्या एका पार्टीत झाली होती. मैत्रीचं रूपांतर प्रेमात झाल्यानंतर दोघांनी लग्न करण्याचा निर्णय घेतला.
मात्र, लग्नाच्या काही वर्षांनंतर त्यांच्या नात्यात दुरावा निर्माण झाला. २०२४ मध्ये उर्मिला आणि मोहसिन यांच्या घटस्फोटाची बातमी समोर आली. त्यांच्या विभक्त होण्यामागचं नेमकं कारण दोघांनीही अधिकृतपणे सार्वजनिक केलेलं नाही.
त्यामुळे आता उर्मिलाच्या या क्रिप्टिक पोस्टमुळे पुन्हा एकदा तिच्या आणि मोहसिनच्या नात्याची चर्चा रंगली आहे. मात्र, ही पोस्ट नेमकी मोहसिनसाठीच होती, याची उर्मिलाने कोणतीही अधिकृत पुष्टी केलेली नाही. त्यामुळे सध्या हा केवळ सोशल मीडिया युजर्सचा अंदाज आहे.
.png "Videos"){kind=small}
