नवी दिल्ली: जम्मू आणि काश्मीरमधील पहलगाम येथे झालेल्या भीषण दहशतवादी हल्ल्यानंतर भारत आणि पाकिस्तानमधील तणाव दिवसेंदिवस वाढत चालला आहे. या पार्श्वभूमीवर भारतीय नौदलाने आपली युद्ध तयारी आणखी तीव्र केली आहे. भारतीय नौदलाची जहाजे लांब पल्ल्याच्या अचूक हल्ल्यांसाठी त्यांच्या क्षेपणास्त्र आणि शस्त्र प्रणालींची सतत चाचणी घेत आहेत. भारतीय नौदलाने अलीकडेच जहाजविरोधी क्षेपणास्त्राची यशस्वी चाचणी घेतली आहे, जी त्यांच्या वाढत्या तयारीचे एक महत्त्वाचे संकेत आहे.
भारतीय नौदलाने त्यांच्या अधिकृत एक्स अकाउंटवरून या सरावांचे व्हिडिओ आणि फोटो देखील शेअर केले आहेत. नौदलाच्या जहाजांवरून अत्याधुनिक क्षेपणास्त्रे कशी डागली जात आहेत हे व्हिडिओमध्ये दाखवले आहे. याआधीही, भारतीय नौदलाने त्यांच्या युद्धनौकांचे फोटो शेअर केले होते आणि म्हटले होते की भारतीय नौदल नेहमीच राष्ट्राच्या सागरी हितांचे रक्षण करण्यासाठी पूर्णपणे तयार आहे.
पिंक सिटीमध्ये कोणाचा असणार बोलबाला? राजस्थान भिडणार गुजरातशी, जाणून घ्या खेळपट्टीची स्थिती
दुसरीकडे, भारतीय नौदलाच्या वाढत्या कारवायांना प्रतिसाद म्हणून, पाकिस्ताननेही अरबी समुद्रात आपल्या नौदलाला हाय अलर्टवर ठेवले आहे. पाकिस्तानने अरबी समुद्राच्या काही भागात नो फ्लाय झोन घोषित केला आहे आणि लाईव्ह-फायर अलर्ट जारी केला आहे, तसेच खलाशांना या प्रदेशापासून दूर राहण्याचा इशारा दिला आहे. यासोबतच, पाकिस्तान एका नवीन क्षेपणास्त्राची चाचणी घेण्याची तयारी करत असल्याच्या बातम्या येत आहेत, ज्यामुळे प्रादेशिक तणाव आणखी वाढू शकतो.
भारतीय नौदलानेही त्यांच्या पातळीवर जबरदस्त प्रतिसाद दाखवला आहे. भारतीय युद्धनौका आयएनएस सुरतने अलीकडेच अरबी समुद्रात मध्यम पल्ल्याच्या जमिनीवरून हवेत मारा करणाऱ्या क्षेपणास्त्राची (MRSAM) यशस्वी चाचणी घेतली. या चाचणीत, कमी उंचीवर वेगाने उडणारे लक्ष्य अचूकतेने नष्ट करण्यात आले.
“मी दहशतवाद्यांना एकच गोष्ट सांगेन की…”; पहलगाम हल्ल्यावर अक्षय कुमारचा संताप अनावर, Video Viral
या चाचणीची वेळ खूप महत्त्वाची मानली जात आहे, कारण पाकिस्तानने संभाव्य क्षेपणास्त्र चाचणीचा इशारा दिल्यानंतर काही तासांतच भारतीय नौदलाने या क्षेपणास्त्राची चाचणी केली. हे भारतीय नौदलाच्या धोरणात्मक तयारीचा आणि उच्च लढाऊ क्षमतेचा स्पष्ट पुरावा आहे.
रविवारी मन की बातमध्ये पंतप्रधान मोदींनी पुन्हा एकदा आपला संकल्प पुन्हा सांगितला आणि पहलगाम हल्ल्यातील दोषींना कठोर शिक्षा मिळेल असे सांगितले. तत्पूर्वी, मधुबनीमध्ये बोलताना पंतप्रधानांनी सांगितले होते की या हल्ल्यासाठी जबाबदार असलेल्या दहशतवाद्यांना आणि त्यांच्यामागील शक्तींना कठोर शिक्षा दिली जाईल.
#IndianNavy Ships undertook successful multiple anti-ship firings to revalidate and demonstrate readiness of platforms, systems and crew for long range precision offensive strike.#IndianNavy stands #CombatReady #Credible and #FutureReady in safeguarding the nation’s maritime… pic.twitter.com/NWwSITBzKK — SpokespersonNavy (@indiannavy) April 27, 2025
.png "Videos"){kind=small}
