Maharashtra Breaking News Today 12.11.2026
12 Nov 2026 08:57 AM (IST)
नोव्हेंबर महिन्याचे दिवस पुढे सरकत असतानाच देशातील विविध भागांमध्ये हवामानात अचानक बदल पाहायला मिळत आहे. उत्तर भारतात थंडीची चाहूल लागली असतानाच, हवामान खात्याने (IMD) वर्तवलेल्या अंदाजानुसार देशातील काही राज्यांमध्ये पाऊस आणि वादळी वाऱ्यांचे संकट ओढवले आहे. सक्रिय झालेल्या नव्या वेस्टर्न डिस्टर्बन्स (Western Disturbance) आणि हवामान प्रणालीमुळे काही भागांत मुसळधार पाऊस व बर्फवृष्टीचा इशारा देण्यात आला आहे.
पश्चिमी विक्षोभाच्या प्रभावामुळे जम्मू-कश्मीर, लडाख, मुजफ्फराबाद आणि हिमाचल प्रदेशच्या पर्वतीय भागात हलका ते मध्यम पाऊस आणि काही ठिकाणी बर्फवृष्टीची शक्यता वर्तवण्यात आली आहे. तसेच उत्तराखंड आणि पंजाबच्या काही भागांतही पावसाचा अंदाज आहे. दक्षिण भारतात अंदमान आणि निकोबार बेटांवर मुसळधार पावसाचा इशारा देण्यात आला असून, तामिळनाडू आणि केरळच्या काही भागांतही विजांच्या कडकडाटासह पाऊस पडण्याची शक्यता आहे.
Maharashtra to World Breaking News :
कोकणातील तीन समुद्र किनाऱ्यांना प्रथमच आंतरराष्ट्रीय ‘ब्लू फ्लॅग’ (Blue Flag) दर्जा प्राप्त झाला आहे. कोल्हापूरच्या गोकुळ दूध संघाच्या चेअरमनपदी महायुतीचे राजेश पाटील यांची निवड झाल्यानंतर राजकीय वातावरण तापले आहे. तर राष्ट्रवादी काँग्रेसच्या विलीनीकरणाच्या चर्चांवर सुनेत्रा पवार व शरद पवार गटात खलबते सुरू असल्याचीही चर्चा राजकीय वर्तुळात सुरू झाली आहे.
राज्यात सायबर गुन्हेगारीचा विळखा घट्ट गेल्या ८ महिन्यांत ऑनलाइन फसवणुकीतून नागरिकांचा तब्बल २,११९ कोटी रुपयांचा गंडा घातल्याचे उघड झाले आहे. मुंबईत भरदिवसा झालेल्या गोळीबाराच्या घटनेत एकाचा मृत्यू झाला असून फरार आरोपींचा पोलिसांकडून कसून शोध सुरू आहे. मदर डेअरीने आजपासून दुधाच्या दरात प्रति लिटर २ ते ४ रुपयांची वाढ केली असून आंतरराष्ट्रीय बाजारात ब्रेंट क्रूड तेलाचे दर पुन्हा ९३ डॉलर प्रति बॅरलवर पोहोचले आहेत. ओमानमध्ये सुरू असलेल्या १९ वर्षांखालील (U19) आशिया कप स्पर्धेत आज भारत आणि अफगाणिस्तान यांच्यात उपांत्य फेरीचा (Semi-Final) थरार रंगणार आहे.
.png "Videos"){kind=small}
