शाळकरी विद्यार्थ्यांना घेऊन जाणारी बोट नदीत बुडाली, चार जणांचा मृत्यू, दहा विद्यार्थ्यांसह अनेक जण बेपत्ता!

श्रीनगरमधील गंडबल नौगाम भागात एक बोट उलटली. चौघांचा मृत्यू झाला आहे. अनेक लोक बेपत्ता असून बचावकार्य सुरू आहे.

श्रीनगरमध्ये एक मोठी दुर्घटना घडली आहे. येथे झेलम नदीत बोट बुडून (Boat Sinks In River) चार जणांचा मृत्यू झाला आहे. स्थानिक लोकांच्या म्हणण्यानुसार, चार मृतदेह बाहेर काढण्यात आले आहेत परंतु अद्याप अधिकृत दुजोरा मिळालेला नाही. बोट उलटली तेव्हा त्यात २० जण होते, असे प्राथमिक अहवालात म्हटले आहे. बचावकार्य अजूनही सुरू आहे.

[read_also content=”सलमानच्या घराबाहेर गोळीबार करणाऱ्या दोन्ही आरोपींना गुजरातमधून अटक; मुंबई क्राईम ब्रँचला मिळालं मोठं यश! https://www.navarashtra.com/movies/mumbai-police-arrest-2-shooters-for-firing-at-salman-khans-residence-nrps-524199.html”]

मिळालेल्या माहितीनुसार, श्रीनगरच्या गंडबल नौगम भागात एक बोट उलटली आहे. अनेक लोक बेपत्ता असून, बचावकार्य सुरू करण्यात आले आहे. स्थानिक लोकांनी रास्ता रोको करून आंदोलन केले. या बोटीत बहुतांश मुले प्रवास करत असल्याचे स्थानिक लोक सांगत आहेत.

श्रीनगर प्रशासन बटवाराजवळील गंडाबल येथे बचाव कार्य करत आहे, जिथे आज सकाळी झेलम नदीतबोट उलटली. श्रीनगरचे डीसी डॉ. बिलाल मोहिउद्दीन भट यांच्या सूचनेनुसार  बचाव पथके घटनास्थळी पोहोचली आहेत.