नवी दिल्ली : अरुणाचल प्रदेशात भारतीय लष्कराने चिनी सैनिकांना मारहाण करून माघारी पाठवल्यानंतर ‘ड्रॅगन’ची प्रतिक्रियाही समोर आली आहे. एएफपी या वृत्तसंस्थेने दिलेल्या माहितीनुसार, चीनने सीमेवरील परिस्थिती ‘स्थिर’ असल्याचे म्हटले आहे. तत्पूर्वी, भारताचे संरक्षण मंत्री राजनाथ सिंह यांनी मंगळवारी संसदेत सांगितले की, चिनी सैन्याने ९ डिसेंबर रोजी तवांग सेक्टरमधील यांगत्से प्रदेशातील स्थिती बदलण्याचा एकतर्फी प्रयत्न केला, ज्याला भारतीय सैन्याने जोरदार प्रत्युत्तर दिले आणि त्यांना परत जाण्यास भाग पाडले.
या चकमकीत एकाही जवानाचा मृत्यू झाला नाही आणि कोणीही गंभीर जखमी झाले नसल्याचे संरक्षणमंत्र्यांनी सांगितले. ते म्हणाले की, हा मुद्दा चीनच्या बाजूने राजनयिक स्तरावरही मांडण्यात आला असून अशा प्रकारची कारवाई करण्यास मनाई करण्यात आली आहे.
विरोधी पक्ष सरकारवर करत आहेत प्रश्न उपस्थित
संरक्षणमंत्री त्यांचे निवेदन वाचून बाहेर गेले. ते कोणत्याही स्पष्टीकरणासाठी किंवा चर्चेला तयार नव्हते. त्यांनी स्पष्टीकरण न दिल्याने विरोधी पक्षांच्या सर्व नेत्यांनी सभात्याग करण्याचा निर्णय घेतला. देशाच्या एकता आणि अखंडतेसाठी आम्ही एकत्र आहोत, आम्ही आमच्या जवानांच्या पाठीशी आहोत.
एआयएमआयएमचे प्रमुख ओवेसी यांनी मीडियाला सांगितले की, पंतप्रधान राजकीय नेतृत्व दाखवण्यात अपयशी ठरले आहेत. ९ डिसेंबर रोजी झडप झाली आणि आज तुम्ही विधान करत आहात. मीडियाने बातमी दिली नसती तर तुम्ही बोलले नसते. सर्व पक्षांना त्या ठिकाणी घेऊन जाईल. पंतप्रधान चीनचे नाव घ्यायला घाबरतात, त्यांचे सरकार चीनबद्दल बोलायला घाबरते.
.png "Videos"){kind=small}
