शुक्रवार, 16 ऑक्टोबर 2026
(Photo - X)
Tiranga March : दिल्लीमध्ये कॉकरोच जनता पार्टीने जाहीर केलेल्या ‘लहरा दो तिरंगा’ आंदोलनामुळे राजकीय आणि प्रशासकीय वर्तुळात चर्चांना उधाण आलं आहे. आज, 16 ऑक्टोबर रोजी संध्याकाळी 5 वाजता कॅनॉट प्लेस परिसरात या आंदोलनाचं आयोजन करण्यात आलं आहे. मात्र, आंदोलन सुरू होण्यापूर्वीच दिल्ली पोलीस अभिजीत दीपके यांच्या घरी पोहोचल्याने आता पुढे काय होणार, याकडे सर्वांचं लक्ष लागलं आहे.
कॉकरोच जनता पार्टीचे संस्थापक अभिजीत दीपके यांनी ‘लहरा दो तिरंगा’ या आंदोलनाची घोषणा केली आहे. त्यांचे सहकारी आशुतोष रांका आणि सौरव दास यांना तिरंगा फडकवल्याप्रकरणी अटक करण्यात आल्याचा निषेध करण्यासाठी हे आंदोलन पुकारण्यात आल्याचं सांगण्यात येत आहे.
या आंदोलनाच्या पार्श्वभूमीवर दिल्ली पोलिसांचं पथक दीपके यांच्या घरी दाखल झालं. सुमारे 15 ते 20 पोलीस कर्मचारी त्यांच्या घरी पोहोचले असून त्यांच्याशी चर्चा सुरू आहे. पोलिसांकडून त्यांना अटक केली जाणार की काही अटी घालून आंदोलनाला परवानगी दिली जाणार, याबाबत अद्याप समजू शकलेले नाही. दीपके यांनी यापूर्वीच आपल्याला अटक होण्याची शक्यता व्यक्त केली होती. त्यामुळे आंदोलनापूर्वीच पोलिसांनी घेतलेल्या या भूमिकेमुळे प्रकरणाला आणखी महत्त्व प्राप्त झालं आहे.
आंदोलनाच्या पार्श्वभूमीवर दिल्लीतील संवेदनशील भागांमध्ये सुरक्षा व्यवस्था वाढवण्यात आली आहे. कॅनॉट प्लेस आणि आसपासच्या परिसरात पोलिसांचा मोठा बंदोबस्त तैनात करण्यात आला असून नागरिकांनी आंदोलनाच्या ठिकाणापासून दूर राहावं, असं आवाहन करण्यात आलं आहे.
पोलिसांनी भारतीय नागरिक सुरक्षा संहितेच्या (BNSS) कलम 163 अंतर्गत निर्बंध लागू केल्याचं सांगण्यात येत आहे. याशिवाय, प्रशासकीय कारणास्तव 16 आणि 17 ऑक्टोबर रोजी सेंट्रल पार्क बंद ठेवण्याचे आदेश दिल्ली महापालिकेकडून जारी करण्यात आले आहेत.
दरम्यान, सेंट्रल पार्कमधील प्रस्तावित आंदोलनाला विरोध करत काही व्यापाऱ्यांनी सर्वोच्च न्यायालयात याचिका दाखल केली होती. मात्र, हे प्रकरण दिल्ली उच्च न्यायालयात प्रलंबित असल्याचं सांगत सर्वोच्च न्यायालयाने त्यात हस्तक्षेप करण्यास नकार दिला.
आता अभिजीत दीपके यांच्याबाबत दिल्ली पोलीस काय निर्णय घेतात आणि नियोजित तिरंगा मार्च होणार की नाही, हे पाहणं महत्त्वाचं ठरणार आहे.
Ans: 16 ऑक्टोबर रोजी संध्याकाळी 5 वाजता दिल्लीतील कॅनॉट प्लेस परिसरात ‘लहरा दो तिरंगा’ आंदोलनाचं नियोजन करण्यात आलं आहे.
Ans: आंदोलनाच्या पार्श्वभूमीवर दिल्ली पोलिसांचं पथक त्यांच्या घरी पोहोचलं असून त्यांच्याशी चर्चा सुरू असल्याचं वृत्त आहे.
Ans: हे प्रकरण दिल्ली उच्च न्यायालयात प्रलंबित असल्याने सर्वोच्च न्यायालयाने त्यात हस्तक्षेप करण्यास नकार दिला.
