Delhi Assembly Election: भाजपला धक्का; निवडणुकीच्या तोंडावरच बड्या नेत्याने सोडली साथ

बटेंगे तो कटेंगे'  असे राजकारण करणे भाजपला शोभत नाही. हे काम एका समुदायाला रोखण्यासाठी केले जात होते,  जर या लोकांना भडकावले तर ते लढतील. भाजपने संपूर्ण देशात ही बटेंगे तो कटेंगेची ठिणगी पेटवली आहे. 

नवी दिल्ली : दिल्ली विधानसभा निवडणुकीपूर्वी, सामाजिक कार्यकर्त्या आणि भाजपच्या माजी प्रवक्त्या निघत अब्बास यांनी मंगळवारी (२८ जानेवारी) भारतीय जनता पक्षाला रामराम सोडला आणि काँग्रेसमध्ये प्रवेश केला. निघत अब्बास ही एक राष्ट्रीय टीव्ही पॅनलिस्ट देखील आहे.

काँग्रेसमध्ये सामील झाल्यानंतर निघत म्हणाल्या की, आज रस्त्यावर चालणारा प्रत्येक मुस्लिम घाबरला आहे. म्हणूनच मी भाजप सोडून काँग्रेसमध्ये सामील झालो आहे. आज बरेच लोक काँग्रेस पक्षात सामील झाले आहेत, हा देशासाठी खूप मोठा संदेश आहे. कारण फक्त ‘सबका साथ-सबका विकास-सबका विश्वास’ असे बोलून विश्वास येत नाही. भाजपकडे हे विश्वास संपादन करण्याचे कोणतेही साधन नाही.”  ‘बटेंगे तो कटेंगे’  असे राजकारण करणे भाजपला शोभत नाही. हे काम एका समुदायाला रोखण्यासाठी केले जात होते,  जर या लोकांना भडकावले तर ते लढतील. भाजपने संपूर्ण देशात ही बटेंगे तो कटेंगेची ठिणगी पेटवली आहे.

सोन्या-चांदीने बनलेला तो किल्ला जिथे आजही दडलेला आहे गडगंज खजिना

निघत अब्बास म्हणाल्या, “जर आपण एकत्र राहिलो तर आपण मजबूत राहू या काँग्रेसच्या विचारसरणीने मी पुढे जात आहे. प्रत्येक वर्गाला सोबत घेऊन पुढे जाण्याची काँग्रेसची परंपरा आहे. काँग्रेसचे व्यासपीठ लोकांना समानतेचा अधिकार देखील देते आणि प्रत्येक समुदायाच्या हक्कांसाठी लढतो. ते कोणत्याही जातीचे किंवा समुदायाचे असले तरी आज भाजपच्या भीती आणि धर्मांधतेच्या राजकारणाचा अंत करण्याची वेळ आली आहे.

‘भारत आमच्या देशातील निवडणुकांमध्ये करतोय हस्तक्षेप…’ यावर भारताच्या चोख उत्तरामुळे ट्रुडो

निघत अब्बास म्हणाल्या की  “मी आज पहिल्यांदाच काँग्रेस पक्षाच्या कार्यालयात आले आहे. ते पक्षाच्या कार्यालयासारखे दिसते, पण भाजप कार्यालय ‘५ स्टार कार्यालय’ आहे. काँग्रेस सर्वाधिक काळ सत्तेत राहली आहे. यावरून भाजपने भ्रष्टाचार केला आहे हे स्पष्ट दिसत आहे. आज रस्त्यावर चालणारा मुस्लिम व्यक्तीच्य मनात भिती आहे, म्हणूनच मी भाजप सोडून काँग्रेसमध्ये सामील झाले आहे. मला आनंद आहे की येथे, याठिकाणी टिव्हीवर बोलताना मुस्लिमांच्या विरोधात कसे बोलायचे हे सांगितले जात नाही, याचा मला आनंद आहे.

निघत अब्बास या दिल्ली भारतीय जनता पक्षाच्या (भाजपा) प्रवक्त्या आहेत. त्या वकील असून, विविध माध्यमांवर पक्षाचे प्रतिनिधित्व करतात. निगत अब्बास यांनी त्यांच्या घरात मंदिर स्थापन केले होते, ज्यामुळे त्यांना काही लोकांकडून टीकेला सामोरे जावे लागले.