तुमचंही नाव मतदारयादीतून वगळले असेल तर काळजी नको; नाव जोडण्यासाठी निवडणूक आयोगाकडून अखेरची संधी
यापूर्वी मतदार यादीत नाव असलेल्या; मात्र एसआयआर प्रक्रियेदरम्यान अनुपस्थित, स्थलांतरित, मृत किंवा दुबार मतदार अशा श्रेणींमध्ये नोंद झाल्यामुळे प्रारूप मतदार यादीतून नाव वगळण्यात आलेल्या मतदारांनाच या संधीचा लाभ घेता येईल. यापूर्वी कधीही मतदार यादीत नाव नसलेल्या नागरिकांना मात्र या प्रक्रियेतून नाव नोंदवता येणार नाही. दरम्यान, काँग्रेस नेते राहुल गांधी यांनी पुन्हा एकदा एसआयआर प्रक्रियेचा मुद्दा उपस्थित केला आहे. या प्रक्रियेच्या नावाखाली कोट्यवधी लोकांची नावे मतदार यादीतून कमी केली जात असल्याचा दावा त्यांनी केला.
दरम्यान, यापूर्वी २९ ऑक्टोबर रोजी सुप्रीम कोर्टाने दिल्लीतील एसआयआर प्रक्रियेत करण्यात आलेल्या घाईवर गंभीर प्रश्न उपस्थित केले होते. आकडेवारीनुसार, एसआयआरपूर्वी सुमारे १.४५ कोटी मतदार होते. मात्र, ३१ ऑगस्ट रोजी प्रसिद्ध झालेल्या प्रारूप मतदार यादीत केवळ ९७.५३ लाख मतदारांची नावे समाविष्ट झाली होती. त्यामुळे सुमारे ४७.५७ लाख नावे वगळली गेली होती. बिहारप्रमाणेच या सात राज्यांमध्येही जिवंत व्यक्तींना मृत किंवा अनुपस्थित दाखवून मतदार यादीतून नावे वगळल्याच्या तक्रारी प्राप्त होत होत्या.
फॉर्म-6 भरून नाव पुन्हा नोंदवता येणार
प्रारूप मतदार यादीत नाव नसल्यास संबंधित मतदारांना फॉर्म ६ भरून पुन्हा नाव समाविष्ट करून घेता येईल, असे आयोगाने स्पष्ट केले आहे. यासाठी चुकीचे प्रतिज्ञापत्र दिल्याचा ठपका ठेवला जाणार नाही किंवा कोणतीही कायदेशीर कारवाई केली जाणार नाही. त्यामुळे यादीतून नाव वगळल्या गेलेल्या पात्र मतदारांना पुन्हा मतदानाचा हक्क मिळवण्यासाठी अर्ज करता येणार आहे.
FAQ
1. निवडणूक आयोगाने कोणता निर्णय घेतला आहे?
मतदार यादीतून वगळलेल्या पात्र मतदारांना पुन्हा नाव समाविष्ट करण्याची संधी देण्याचा निर्णय घेतला आहे.
2. ही संधी कोणत्या प्रक्रियेदरम्यान वगळलेल्या मतदारांसाठी आहे?
विशेष सखोल पुनरीक्षण (SIR) प्रक्रियेदरम्यान नाव वगळलेल्या मतदारांसाठी आहे.
3. कोणत्या सात राज्यांना हा निर्णय लागू आहे?
दिल्ली, महाराष्ट्र, हरियाणा, आंध्र प्रदेश, झारखंड, तेलंगणा आणि नागालँड.
.png "Videos"){kind=small}
