‘२६/११ हल्ल्याचा आरोपी हाफिज सईदचे प्रत्यार्पण करा’ अखेर भारताने टाकला फास; पाकिस्तानकडे केली मागणी

External Affairs Ministry on Hafiz Saeed : परराष्ट्र मंत्रालयाचे प्रवक्ते अरिंदम बागची यांनी पत्रकार परिषदेला संबोधित करीत असताना म्हणाले की, भारतात अनेक प्रकरणांमध्ये हाफिज सईद आरोपी आहे. तसेच, संयुक्त राष्ट्रांनी त्याला प्रतिबंधित दहशतवादी म्हणून घोषित केलेले आहे. मुंबईवर झालेल्या २६/११ च्या हल्ल्यातील प्रमुख आरोपी आणि हल्ल्यामागचा सूत्रधार हाफिज सईद याला भारताच्या स्वाधीन करावे, अशी विनंती भारताने पाकिस्तानकडे केली असल्याची माहिती परराष्ट्र मंत्रालयाचे प्रवक्ते अरिंदम बागची यांनी पत्रकार परिषदेत बोलत असत असताना दिली.

See more

#WATCH | On extradition request to Pakistan to hand over 26/11 mastermind Hafiz Saeed, MEA Spokesperson Arindam Bagchi says, "The person in question is wanted in numerous cases in India. He is also a UN-proscribed terrorist. In this regard, we have conveyed a request along with… pic.twitter.com/L5K1EvmFdM — ANI (@ANI) December 29, 2023

हाफिज सईदचे भारताकडे प्रत्यार्पण करावे

नियमित पत्रकार परिषदेला संबोधित करत असताना ते म्हणाले की, भारतातील अनेक प्रकरणांचा तपास करण्यासाठी हाफिज सईदला ताब्यात घेण्याची गरज आहे. तसेच संयुक्त राष्ट्रांनीही त्याला प्रतिबंधित दहशतवादी घोषित केलेले आहे. भारतातील काही प्रकरणांमध्ये चौकशी करण्यासाठी हाफिज सईदचे भारताकडे प्रत्यार्पण करावे, अशी विनंती संबंधित कागदपत्रांसह पाकिस्तान सरकारला केली आहे, असे बागची पत्रकार परिषदेत म्हणाले.

See more

#WATCH | On Qatar court commuting death sentence of 8 Indian ex-Navy personnel, MEA Spokesperson Arindam Bagchi says, "The sentences have been reduced but I don't have any additional information to share until we see the detailed judgment. We would urge you again not to engage in… pic.twitter.com/PqJHDq2pgA — ANI (@ANI) December 29, 2023

कुटुंबियांचे हित आमच्यासाठी महत्त्वाचे

भारतीय नौदलाच्या आठ माजी अधिकाऱ्यांना कतारने फाशीची शिक्षा सुनावली होती. काल (दि. २८ डिसेंबर) ही शिक्षा मागे घेतल्याची बातमी समोर आली होती. या विषयावर भाष्य करताना अरिंदम बागची म्हणाले, कतारच्या विषयामध्ये मी अधिक टिप्पणी करू शकत नाही. कारण अजून आदेशाची कॉपी यायची बाकी आहे. हे प्रकरण संवेदनशील आहे. आठ भारतीय माजी नौदल अधिकारी आणि त्यांच्या कुटुंबियांचे हित आमच्यासाठी महत्त्वाचे आहे. या प्रकरणावर भाष्य करण्यासाठी आपल्याला थोडी वाट पाहावी लागेल.