नवी दिल्ली: लोकसभा अध्यक्ष राहुल गांधी यांच्यावर झालेल्या टीकेवरून राजकारण चांगलंच तापलं आहे. “काँग्रेस अध्यक्ष मल्लिकार्जुन खर्गे यांनी मंगळवारी पंतप्रधान मोदींना पत्र लिहून केंद्रीय मंत्री रवनीत बिट्टू यांच्यासह ज्या नेत्यांनी राहुल गांधींविरोधात वादग्रस्त वक्तव्य केले होते त्यांच्यावर कायदेशीर कारवाई करण्याची मागणी केली होती. पंतप्रधानांना वाढदिवसानिमित्त लिहिलेल्या पत्रात शुभेच्छा देण्यासोबतच राहुल यांच्याविरोधात दिलेल्या वक्तव्यांचाही उल्लेख केला होता. या पत्राला उत्तर म्हणून जे.पी नड्डा यांनी खर्गे यांना पत्र लिहिले आहे.
आदरणीय खर्गे जी, राजकीय मजबुरीमुळे जनतेने वारंवार नाकारलेले तुमचे अयशस्वी उत्पादन पुन्हा एकदा पॉलिश करून बाजारात आणण्याच्या प्रयत्नात तुम्ही देशाचे प्रसिद्ध पंतप्रधान नरेंद्र मोदीजी यांना लिहिलेले पत्र वाचून मला वाटले की तुम्ही जे बोललात ते वास्तव आणि सत्यापासून खूप दूर आहे.
हेही वाचा: तिसरे महायुद्ध सुरू झाले तर कोणते देश असतील सर्वात सुरक्षित? जाणून घ्या उत्तर
तुम्हाला राहुल गांधींसह तुमच्या नेत्यांच्या गैरकृत्यांचा विसर पडला आहे का किंवा तुम्ही त्यांच्याकडे जाणीवपूर्वक दुर्लक्ष केल्याचे दिसते म्हणूनच त्या गोष्टी सविस्तरपणे तुमच्या निदर्शनास आणणे मला महत्त्वाचे वाटले. खर्गे जी, तुमच्या पत्रात तुम्ही निवडकपणे फक्त राहुल गांधींबद्दल बोललात, त्यामुळे मी माझ्या बोलण्याची सुरुवात त्यांच्यापासून करू इच्छितो.
ज्या व्यक्तीचा इतिहास देशाच्या पंतप्रधानांसह संपूर्ण ओबीसी समाजाला चोर म्हणत शिवीगाळ करण्याचा, देशाच्या पंतप्रधानांविरुद्ध अत्यंत अशोभनीय शब्द वापरण्याचा आहे, त्या व्यक्तीचा पंतप्रधानांना मारहाण करण्याचा हेतू आहे. ज्यांच्या अहंकारी मानसिकतेची संपूर्ण देशाला जाणीव आहे, अशा राहुल गांधींना तुम्ही कोणत्या मजबुरीने न्याय देण्याचा प्रयत्न करत आहात?
हेही वाचा: महिला मुख्यमंत्री होण्याची मागणी या निवडणुकीत होणार पूर्ण? काय असेल महाराष्ट्राचं राजकारण
राहुल गांधींच्या आई सोनिया गांधी, मोदीजींसाठी ‘मृत्यूचे व्यापारी’ (मौत का सौदागर) सारखे अत्यंत असभ्य अपशब्द वापरले होते? तुम्ही आणि तुमच्या पक्षाचे नेते या सर्व दुर्दैवी आणि लाजिरवाण्या विधानांचा गौरव करत राहिले. तेव्हा काँग्रेस राजकीय शुद्धतेचे मुद्दे का विसरली होती का? ‘मोदींची प्रतिमा डागाळणार’ असे राहुल गांधी उघडपणे बोलले होते, तेव्हा खरगेजी, राजकीय मर्यादा कोणी मोडल्यया? तुमच्या अयशस्वी उत्पादनाचा सतत बचाव आणि गौरव करणे ही तुमची मजबुरी आहे, पण किमान काँग्रेस अध्यक्ष असताना तुम्ही या गोष्टींचे आत्मपरीक्षण करायला हवे होते.
पीएम मोदींना लिहिलेल्या पत्रात मल्लिकार्जून खर्गे यांनी नवनीच बिट्टू आणि सत्ताधारी पक्षाच्या काही नेत्यांच्या राहुल गांधींविरोधातील वक्तव्यांचा उल्लेख केला आणि ते भविष्यासाठी घातक असल्याचे म्हटले आहे. खरगे यांनी पत्रात म्हटले आहे की, सर्वप्रथम मी तुम्हाला वाढदिवसाच्या खूप खूप शुभेच्छा देतो. यासोबतच लोकशाही आणि राज्यघटनेशी थेट संबंध असलेल्या अशा मुद्द्यांकडे मला तुमचे लक्ष वेधायचे आहे. लोकसभेतील विरोधी पक्षनेते राहुल गांधी यांच्या विरोधात अत्यंत आक्षेपार्ह, हिंसक आणि असभ्य विधाने केली जात आहेत हे तुम्हाला माहीत असेलच. ते म्हणाले की, भारतीय जनता पक्ष आणि मित्रपक्षांच्या नेत्यांकडून वापरलेली हिंसक भाषा भविष्यासाठी घातक आहे.
.png "Videos"){kind=small}
