राजस्थानात सापडला युरेनियमचा मोठा साठा, अण्वस्त्रे बनवण्यासाठीही उपयुक्त

दुसरीकडे, युरेनियमच्या संवर्धनाच्या आधारावर त्याचा वापर अण्वस्त्रे बनवण्यासाठी केला जाईल की नाही, याचा निर्णय घेतला जाईल. यासोबतच अणुबॉम्बमध्ये युरेनियम वापरण्यासाठी अनेक वैज्ञानिक चाचण्या कराव्या लागतात.

नवी दिल्ली – झारखंड आणि आंध्र प्रदेशानंतर राजस्थानमध्ये युरेनियमचे प्रचंड साठे सापडले आहेत. सीकरच्या खंडेला परिसरात खाणकामाची तयारी सुरू झाली आहे. येथील 1086.46 हेक्टर क्षेत्रात 1.2 कोटी टन युरेनियम आणि संबंधित खनिजांचा साठा मिळाल्यानंतर सरकारचे चेहरेही फुलले आहेत. राजस्थानही जागतिक पडद्यावर चमकू लागला आहे. त्यामुळे रोजगारापासून गुंतवणुकीपर्यंतचे मार्ग खुले झाले आहेत.

दुसरीकडे, युरेनियमच्या संवर्धनाच्या आधारावर त्याचा वापर अण्वस्त्रे बनवण्यासाठी केला जाईल की नाही, याचा निर्णय घेतला जाईल. यासोबतच अणुबॉम्बमध्ये युरेनियम वापरण्यासाठी अनेक वैज्ञानिक चाचण्या कराव्या लागतात.

राजस्थान सरकारने रविवारी खाणकामासाठी LOI (लेटर ऑफ इंटेंट) जारी केला आहे. यासह युरेनियम खाण क्षेत्रात राजस्थानची एंट्री झाली आहे. युरेनियम कॉर्पोरेशन ऑफ इंडिया लिमिटेड (UCIL) सुमारे 3 हजार कोटींची गुंतवणूक करणार आहे. सुमारे 3 हजार लोकांना रोजगार मिळणार आहे.